Esta é umha versom antiga do documento!

Que é o reintegracionismo?

O reintegracionismo postula que o galego, o português e o brasileiro som variantes da mesma língua. Esta tese foi a defendida tradicionalmente polo galeguismo.

A palavra reintegracionismo deriva de reintegrar que quer dizer: integrar novamente. O reintegracionismo é umha estratégia para a língua da Galiza que se baseia num facto histórico, umha análise e umha hipótese razoável.

Facto histórico

O facto histórico é que a nossa língua nasceu noReino da Galiza, na Idade Média, num território que incluía a Galiza 1) e o norte de Portugal. Esta línguaavançou para sul em direçom ao que seria o Reino de Portugal e depois cruzou os oceanos. Sucedeu que enquanto no Reino de Portugal triunfou socialmente, sendo a língua de todos os estamentos sociais, a norte do Minho, foi a língua castelhana a que ocupou a cúspide social aumentando a sua presença até o dia de hoje em todas as classes sociais.

Análise

A análise revela que:

  1. Do ponto de vista linguístico, as falas galegas estám mui castelhanizadas sendo esta a principal barreira a respeito das falas do resto do domínio linguístico.
  2. Do ponto de vista funcional, a nossa língua cobre apenas áreas periféricas na Galiza sendo as centrais ocupadas polo castelhano.
  3. Do ponto de vista cultural e identitário, a maioria dos falantes sentem mais familiar o castelhano que as variedades portuguesa ou brasileira. O sistema cultural galego funciona como sendo periférico a respeito do castelhano enquanto se desconhece o português, o brasileiro ou o africano.

Hipótese

A hipótese razoável e que das duas estratégias que se postulam para inverter o estado da nossa língua, a autonomista (galego e só a língua da Galiza) e reintegracionista (galego é a língua da Galiza e de vários mais), a segunda pode ser a mais eficaz.

Por quê?

  1. Do ponto de vista linguístico porque as variedades de Portugal e do Brasil são as línguas comuns nos seus países e a língua é soberana a respeito do castelhano ou qualquer outra. Apoiar-nos nelas permitiria soberanizar a nossa variedade.
  2. Do ponto de vista funcional, muitas das carências da nossa língua na Galiza poderiam preencher-se com outras variedades da nossa língua, nomeadamente a do Brasil e a de Portugal.
  3. Do ponto de vista cultural e identitário, a nossa cultura inserida na lusófona veria-se reforçada e alcançaria mais difusom. Umha identidade compartilhada com os outros países que falam a nossa língua, reforçariam a identidade da nossa língua como sendo independente do castelhano

Para umha visom de conjunto: A estratégia luso-brasileira para o galego

1) A Galiza medieval incluía territórios que atualmente fazem parte das Astúrias e de Castela-Leom.
QR Code
QR Code pt_agal:que_e_o_reintegracionismo (generated for current page)