Bem-querid@s Irmã(o)s,
Como cada ano, desde há sete, a nossa associaçom aproveitará a jornada festiva do 25 de Julho para repartir gratuitamente o Fest-AGAL, “o Jornal da AGAL que se distribui no Dia da Festa Nacional”. 25 de Julho, (como) sempre! 😉
Visto o sucesso de crítica e público da performance agálica do 17 de Maio (homenagem ás Irmandades da Fala no seu Centenário), na AGAL pensámos na possibilidade de fazer neste ano tal reparto do mesmo jeito, é dizer, vestid@s como autênticos/as dándis/dandizettes.
As tórridas temperaturas previstas para o Dia da Frátria, porém, convenceram-nos da dificuldade em repetirmos modelito (só um tolo ou umha tola viria vestid@ em pleno verão com as mesmas ‘agalas’ que naquele ameno dia primaveril).
Por isso, a organizaçom pensou num atuendo alternativo que nos permitirá fazer o reparto bem fresquinh@s sem perdermos um ápice de dandismo nem “soberania estética”: o pessoal voluntário para a distribuiçom do FEST-AGAL (e captaçom de nov@s sóci@s) será “agasalhado” pola AGAL com umhas engraçadas T-Shirts de graça (com estampados tipo ‘charleston’ para a dama e ‘smoking’ para o cavaleiro) com as que sem dúvida voltaremos a chamar a atençom de vizin@s e visitantes e com as que estaremos também bem ‘agalantes’ para as fotografias de família agálica que, em diferentes localizações, com certeza havemos de fazer-nos.
Evidentemente, @ reintegrata ISO-térmic@ pode vir vestid@ tal e qual o fijo no 17-M (se calhar os modelitos que na altura luziram as nossas irmãs som termicamente mais ligeiros). Em qualquer caso, chapéus e outros complementos dândis som bem-vindos sempre.
A DE MARIA (MEETING POINT)
Na segunda-feira, 25 de Julho, às 10h30 da manhã, combinamos de novo n’A de Maria (na Rua de Sam Clemente). Neste coqueto estabelecimento hotaleiro compostelano, enquanto desfrutamos dum ‘vermouth’ e dos petiscos cortesia da casa, procederemos ao reparto de Fest-Agáis e T-Shirts entre as pessoas voluntárias.
Também ali, junt@s como irmã(o)s, decidiremos como nos organizamos (para levarmos a boa nova ‘reintegrata’ às/aos irmã(o)s ‘nacionatas’ espalhad@s pol@s diferentes alamedas, praças, carvalheiras e parques da cidade). Ai, Santiago de Compostela, Terra da Fraternidade! 😉
A seguir, reproduzirmos o Comunidado do passado 17 de maio.
Irmãos e Irmãs:
No vindouro 17 de maio, como (quase) cada ano, A Mesa / Queremos Galego convoca a sua enxebre manifestaçom nacional com motivo do Dia das Letras Galegas.
A 18 de maio de 1916 funda-se na Corunha a primeira das Irmandades (dos Amigos) da Fala, seguida polas de Santiago (a 28 de maio, dez dias depois), Monforte, Ponte Vedra, Ourense ou Vilalva.
A manife do dezassete fará-se, portanto, na véspera do Centenário das Irmandades da Fala e da Associaçom Galega da Língua (AGAL) queremos celebrá-lo como é devido.
Por isso a AGAL decidiu aderir à convocatória d’A Mesa / Queremos Galego e animar as/os nossas/os sócias/os e amigas/os a participarem na manifestaçom dentro do cortejo AGALante.
O cortejo AGALante desfilará polas ruas de Compostela com o lema “co’as Irmandades na rua, A Fala continua” e para participar nele recomenda-se a irmãos e irmãs irem ataviados/as segundo a moda dos (violentos) anos dez ou dos (loucos) anos vinte, quer dizer, como autênticos/as dándis/dandizettes.
