Assistentes vam receber brochura informativa de Introduçom à Galiza

X. M. Paredes*.- De 20 a 24 de Fevereiro, a Galiza e Portugal vam estar presentes na «III Semana Internacional das Culturas» a se celebrar na cidade irlandesa de Cork. Por terceiro ano consecutivo a Galiza estará representada na Semana Internacional das Culturas, evento organizado pela University College Cork (Irlanda). Na sua primeira ediçom, em 2004, a Galiza foi a única naçom ibérica a participar, mas no ano passado uniram-se também representaçons dos Países Cataláns e de Portugal.
[+...]

Galiza e Portugal partilham espaço na feira

Neste ano pretende-se reforçar o conceito da continuidade linguística e cultural da «PortuGaliza» e dar a conhecer os contributos feitos nesta direcçom pola Associaçom Galega da Língua durante os últimos 25 anos.

Mais uma vez os postos galego e português estám de maos dadas, oferecendo ao visitante informaçons sobre cada um dos países e sobre a sua peculiar e íntima relaçom.

Na organizaçom do evento aguardam um grande sucesso de público e uma alta participaçom de países, entre os quais confirmam-se Kuwait, Canadá, Malásia, China, Índia, Polónia, EEUU, Grécia, Botswana, Espanha, Japom, Eslováquia, França, Alemanha, entre outros.

Todos os postos contam com uma exibiçom permanente de cartazes explicativos, fotografias e objectos diversos. O local de celebraçom é o salom de actos da Universidade de Cork (Devere Hall, Áras na MacLeinn), que ficará aberto de 9 da manhã a 5 da tarde. Além disso há uma série de actividades especiais programadas para cada dia. Este é o programa completo:

Segunda, 20 de Fevereiro

=> 12h Abertura oficial da feira das culturas. Recepçom e inauguraçom dos postos

=> 13h30 Exibiçom de artes marciais de diversos países asiáticos

Terça, 21 de Fevereiro

=> 13h a 14h Concerto de música tradicional irlandesa (Café Oasis, Áras na MacLeinn)

=> 14h30 Concurso internacional de culinária (Devere Hall, Áras na MacLeinn)

Quarta, 22 de Fevereiro

=> 13h a 14h Concerto de música tradicional irlandesa (Café Oasis)

=> 14h a 17h "Mundial de Futebol de Salom" (Mardyke Arena, UCC)

=> 20h Sessom de músicas e danças do mundo (Devere Hall)

Quinta, 23 de Fevereiro

=> 11h Visita de centros escolares de educaçom primária (Devere Hall)

=> 13h a 14h Concerto de música tradicional irlandesa (Café Oasis)

=> 19h Sessom de músicas e danças do mundo e clausura oficial da feira (Devere Hall)

Sexta, 24 de Fevereiro

=> 11h "Café gaélico" (sessom informal de convívio entre participantes e gaélico-falantes nativos)

=> 17h Feche do festival (recolhida dos postos)

O posto galego-português nom se poderia tornar realidade sem a colaboraçom desinteressada de membros do Centro de Estudos Galegos e Leitorado de Português da Universidade de Cork, membros da AGAL (na Irlanda), e estudantes galegos e portugueses da dita universidade.


* X. M. Paredes é membro da AGAL.


Ligaçons relacionadas:

+ Áras na Leinn (University College Cork).

+ «II Semana Internacional das Culturas».