Páginas: << 1 ... 9 10 11 12 13 14 15 16 17 18 19 ... 168 >>

15-10-2015

  20:18:43, por artabria   , 76 palavras  
Categorias: Concertos

Apresentaçom da publicaçom "Ouvea" esta sexta-feira na Fundaçom Artábria

Nesta sexta-feira 16 às 20.30hs, contaremos com a apresentaçom da revista ?Ouvea?. Revista na defesa da terra e do rural.

Ouveia pretende ser um vozeiro pola defesa da terra e da vida no rural, criado por aldeás, labregas e desertoras do progresso industrial, num contexto de domínio urbanita, amoreamento e isolamento em bolhas de montras, prédios e piche.

Os conteúdos centram-se na denúncia de abusos e imposiçons capitalistas na Galiza, recuperaçom de saberes tradicionais e debate antidesenvolvimentista.

08-10-2015

  20:59:22, por artabria   , 522 palavras  
Categorias: Língua

Esta sexta-feira ?O galego impossível? e ?A normalizaçom lingüística, uma ilusão necessária?.

Na sexta-feira, 9 de outubro às 20.30hs, Valentim R. Fagim e Mario Herrero apresentarám duas das novidades de Através Editora: ?O galego impossível? e ?A normalizaçom lingüística, uma ilusão necessária?.

Full story »

  18:48:43, por artabria   , 176 palavras  
Categorias: Concertos

Chuches Amil apresenta o seu livro disco este sábado às 19h na Fundaçom Artábria

Neste sábado 10 de outubro, as protagonistas serán as crianças já que às 19.00hs estará na Fundaçom Artábria Chuches Amil, que apresentará o seu espetáculo ?Um conto ao revés?, baseado no livro disco que leva o mesmo nome. Trata-se da incorporaçom mais recente à coleçom Sonárbore, da Editorial Galaxia, destinada a achegar música e literatura de qualidade aos mais pequenos e pequenas da casa.

Um conto ao revés é um fermoso álbum protagonizado por dous irmáns, Eirín e Milucha. Duas pequenas snhadoras, que quando vam durmir, vivem umha morea de aventuras acompanhados polos seres mais fascinantes. Umha historia acompanhada das mais marchosas cançons -co rock como um dos seus grandes protagonistas-, da mao do grupo Chuches Amil.

À fronte deste projeto atopa-se Fran Amil. Este músico, compositor e produtor corunhês tem formado desde os anos 90 parte de alguns dos grupos mais representativos do movemento bravú, como Os Papaqueijos, Ruxe-Ruxe ou os Diplomáticos de Monte Alto. Atualmente, ademais de liderar esta proposta destinada ao público familiar, Fram Amil é um dos integrantes das formaçons Tres Trebóns e Ulträqäns.

06-10-2015

  18:58:42, por artabria   , 392 palavras  
Categorias: Cursos

Abre-se prazo para cursos 2015-2016 no Centro Social da Fundaçom Artábria

Neste mês de outubro a Fundaçom Artábria retoma a atividade de cursos. De partida, haverá atividades formativas de Dança Tradicional, Canto e Pandeireta, Percussom Tradicional, Pintura creativa, Ioga, Tai-chi, Zumba, Corte e Confeçom e Teatro. Também haverá espaço para @s mais pequen@s com Peque Zumba e Teatro infantil.

Full story »

30-09-2015

  10:45:21, por artabria   , 412 palavras  
Categorias: Concertos

Neste XVII Aniversário da Fundaçom Artábria (re)inauguramos o Centro Social!

Na próxima quinta-feira, 1 de outubro, (re)inauguramos o nosso Centro Social sediado no bairro de Esteiro, de Ferrol. Após um mês fechado e um grande trabalho militante, o decano dos Centros Sociais da Galiza está pronto para mostrar a sua nova face, e fai-no coincidindo com um mês de atividades para celebrar o nosso dezassete aniversário.

Full story »

21-07-2015

  00:05:27, por artabria   , 165 palavras  
Categorias: Movimentos sociais, Palestras e debates

Dia da Pátria na Fundaçom Artábria

Na quinta-feira, 23 de julho, decorrerá no nosso Centro Social a festa do Dia da Pátria, que terá lugar o próximo 25 de julho.
Dentro das atividades programadas para este dia, além dumha grelhada popular, contaremos com umha palestra internacionalista que trazerá a realidade dos Països Cataláns a Ferrol.

Na palestra, que dará início às 19.30hs, intervirám Simón Vázquez, membro de Endavant (OSAN) e Maria Plana, Porta-voz de Som Països Catalans.

Aproveitamos para informar-vos que o nosso Centro Social permanecerá fechado os próximos 24 e 25 de julho, Dia da Pátria.

A Fundaçom Artábria trabalha para que o nosso país esteja no lugar que lhe corresponde no espaço europeu e aportamos o nosso pequeno grao de areia na construçom nacional da Galiza, é por isso que apelamos a:

1.- Secundar ativamente todas aquelas iniciativas patrióticas promovidas nos próximos dias ao longo da Naçom que reclamem a soberania e a independência nacional da Galiza.

2.- Pendurar nas varandas, janelas, fachadas de casas e vivendas da nossa base social a bandeira da Galiza.

<< 1 ... 9 10 11 12 13 14 15 16 17 18 19 ... 168 >>

Horário de Abertura
- Segundas a sextas 10.00h-13.30h // 17.30h-feche
- Sextas e Sábados 18.00h-feche

A Associaçom Reintegracionista Artábria, nascida em 1992 em Narom, transformou-se em abril de 1998 em Fundaçom, inaugurando em setembro desse mesmo ano o seu Centro Social.

A Fundaçom Artábria está declarada de Interesse Galego e classificada de interesse cultural, com o número de inscriçom 54 e CIF:G15645518.


Para saberes mais, lê a definiçom da Artábria na wikipédia + info

Busca

Ferramentas de administraçom

  Feeds XML

powered by b2evolution CMS