O próximo 2 de julho iniciamos na Fundaçom Artábria um obradoiro de teatro para crianças entre 8 e 12 anos que decorrerá durante os meses de julho e agosto e será ministrado por Lara Soto.

O preço de inscriçom é de 15 euros ao mês por 1 hora à semana ou de 25 euros ao mês se @ nen@ vem 2 horas à semana.

O horário do obradoiro de teatro será de 12h a 13h nas terças e quartas-feiras.

Podes ter mais informaçom ligando para o telefone 671 200 160.

Ano após ano, a noite de 23 para 24 de Junho tem servido para que a Fundaçom Artábria comemorasse a chegada do Verao, como é tradiçom na nossa comarca e na Galiza toda: com grandes fogueiras, festa, comida e vinho.

Mais um ano estaremos com todos vos na Travessa de Batalhóns a partir das 20.30hs com música, dança e chouriços à grelha a dous euros.

Viva a festa galega e popular!

Na próxima sexta-feira 19 de junho às 20hs, terá lugar no nosso Centro Social a apresentaçom do último trabalho do historiador e professor da UDC, Uxío-Breogán Diegues, Nacionalismo galego aquén e alén mar. Desarticulación, resistencia e rearticulación (1936-1975). Este ensaio, editado por Laiovento, será apresentado polo também historiador e professor da UDC, Carlos Velasco.

Com esta obra, o professor Uxío-Breogán Diegues realiza umha fonda incursom na história do nacionalismo galego. Apresenta umha monografia na qual, pola primeira vez, obtemos umha detalhada panorámica desta realidade entre o plebiscito autonomista de junho de 1936, diante a II República, e a eclosom do movimento nacional-popular galego na primavera do ano 1975, no final da ditadura franquista. Umha viagem que parte dum tempo presidido no campo nacionalista polo Partido Galeguista (PG), fundado em dezembro de 1931, para rematar com a criaçom da Assembleia Nacional-Popular Galega (AN-PG) da qual se completam quarenta anos.

O próximo sábado, 13 de junho, às 22.00h o polifacético Carlos Meixide apresentará no nosso Centro Social o monólogo "No pensar". O bilhete terá um custo de 3 euros e 2,5 para associad@s.

A poucos minutos dum discurso crucial perante a imprensa, o presidente do governo reflexiona acerca de distintos episódios da sua vida que nos ajudarám a comprender como alguém como el puido chegar a presidente dum pais de 45 milhóns de habitantes. Porque todo tem umha explicaçom...
NO PENSAR

A próxima sexta-feira, 5 de junho, às 20.30hs decorrerá no nosso centro social a apresentaçom do livro "O pequeno é grande", da autoria de Xoám Carlos Carreira e Emilio Carral. O lançamento do livro, editado por Através editora, será apresentado pol@s companheir@s do Coletivo Pumido ao Natural de Ferrol.

O Pequeno é grande. A agricultura familiar como alternativa: O caso galego é um novo número da coleçom Através das Ideias centrado na importáncia da agricultura em pequena escala. Umha combinaçom de revisões bibliográficas, investigações e conclusões próprias dos autores, hipóteses e ideias prospetivas, que tenciona apresentar um conjunto de ideias e propostas para incentivar um debate necessário na nova fase que deverá começar para a agricultura galega.

No próximo sábado 30 de maio, às 21h decorrerá na Fundaçom Artábria o III concurso ártabro de elaboraçom de Tortilha de Patacas.

Queres saber cono participar?

É muito fácil: preparar umha tortilha de tamanho meio (Entre 20 e 25 cm de diametro) que, obrigatoriamente, deverá incluir ovos e patacas e trazê-la entre as 19.00 e 21.00 à Fundaçom Artábria no Sábado 29 de maio.

Poderá participar qualquer pessoa.

Podes engadir, se assim o desejares, os teus ingredientes segredos ou favoritos à base de ovos+patacas para conseguir a melhor tortilha do concurso.

Cada concursante/a apresentará umha só tortilha.

O júri popular valorará o sabor, a criatividade, a grossura, a originalidade e a apresentaçom da mesma.

Cada tortilha será identificada com um número que se anotará no exterior dum envelope fechado em cujo interior figurará a folha de inscriçom (nome da ou do concursante, apelidos, correio-e, telefone)

O falho do júri fará-se à finalizaçom da degustaçom das tortilhas.

O júri estará conformado polas pessoas que assim o desejarem pagando umha inscriçom de 3 euros que lhe permitirá degustar todas as tortilhas apresentadas.

Haverá um total de 3 prémios para @ 1º, 2º e 3º classificad@