Páginas: << 1 ... 11 12 13 14 15 16 17 18 19 20 21 ... 168 >>

26-05-2015

  21:27:55, por artabria   , 346 palavras  
Categorias: Comissom de Língua

A Fundaçom Artábria congratula-se pola derrota das candidaturas que excluírom o galego da sua campanha eleitoral

Como ferrolanos e ferrolanas observadoras do recente espetáculo eleitoral na nossa cidade, ficamos preocupadas com umha novidade negativa neste tipo de processos: O até ontem maioritário e governante Partido Popular, com o seu candidato José Manuel Rei à cabeça, optou por excluir totalmente o nosso idioma da sua ?oferta política? durante os 15 dias que durou a campanha eleitoral das Municipais 2015.

Talvez contagiado por algumhas forças ditas ?emergentes? e por outras tendências objetivas contrárias ao uso do galego, que eles mesmos tenhem alimentado durante anos, o PP considerou desnecessário utilizá-lo, dando por ?finiquitado? o galego como língua de campanha.

Nom dizemos que esse tenha sido o motivo da sua sonora derrota. Porém, achamos que ficárom demonstradas duas cousas:

1ª Que a renúncia à identidade galega nom é garantia de êxito, apesar das posiçons de poder dos defensores da supremacia do espanhol.

2ª Que o galego é umha ferramenta comunicativa e de identificaçom coletiva que ainda vai muito além do cada vez mais reduzido número de falantes efetivos, sendo perfeitamente possível ganhar umhas eleiçons em Ferrol com umha campanha veiculada no nosso idioma.

Com efeito, achamos que as candidaturas de Ferrol em Comum, PSOE e BNG demonstrárom que se pode construir umha maioria política-institucional em galego e transmitimos-lhes por isso os nossos sinceros parabéns. Também fazemos público reconhecimento da aposta da Maré Ártabra e do PCPE, realizando as suas campanhas igualmente em galego.

Esperamos que a nova maioria de governo continue a fazer do galego o principal idioma de uso em todas as suas açons de governo, aplicando também umha planificaçom que ajude a recuperar o uso social mediante medidas de estímulo efetivo nom só a nível administrativo, mas também nos mais diversos ámbitos sociais: laboral, cultural, comercial, etc.

Pola nossa parte, a Fundaçom Artábria, como entidade veterana no trabalho normalizador no concelho de Ferrol, anunciamos desde já a nossa disponibilidade para colaborar nessa necessária tarefa e a nossa firme determinaçom de exigir passos concretos que permitam ao nosso idioma recuperar espaço e prestígio em Ferrol.

Junta Diretiva da Fundaçom Artábria
Ferrol, Terra de Trasancos, 26 de maio de 2015

11-05-2015

  22:23:59, por artabria   , 230 palavras  
Categorias: Concertos

Completo programa no Dia das Letras organizado pola Fundaçom Artábria

Mais um ano, chega o 17 de maio e, mais um ano, a nossa entidade organiza umha intensa jornada lúdico-reivindicativa para festejar o Dia das Letras.

No sábado 16, começamos a jornada na Associaçom de Vizinhança de Santa Marinha, onde às 11.30 realizaremos um mural coletivo, obra da jovem artista ferrolana Névia Lamas.

Posteriormente, às 12.30, haverá umha sessom vermute com música tradicional.

Às 14.00 decorrerá um jantar popular com o churrasco como protagonista, a 5? a refeiçom, acompanhada de pam e crioulo.

Já de tarde, haverá umha gincana infantil com a nossa língua como tema central. Haverá prémios para @s ganadores/as.

Todas estas atividades decorrerám no local da Associaçom de Vizinhança de Santa Marinha.

Já à noite, a atividade deslocará-se para o nosso Centro Social, onde às 22.30h e com entrada gratuita, teremos música galega e em galego: Os Derradeiros, já uns clássicos na Fundaçom Artábria, partilharám cenário com outros clássicos do rock and roll galego: Os Zënzar.

Os da ?cochiqueira? chegam a Ferrol para apresentar o seu último trabalho, com que festejam 25 anos em cima dos cenários.

Já na manhá do dia 17, combinamos na Praça da Tafona, em Canido, para percorrer o bairro com umha ruada normalizadora que nos levará como destino final ao Cruzeiro, onde participaremos na concentraçom convocada pola Plataforma Queremos Galego. Mais umha vez, daremos visibilidade ao reintegracionismo, conformando o ?Bloco Laranja?.

Em Trasancos, em galego!
Na Galiza, em galego!

07-05-2015

  16:08:12, por artabria   , 104 palavras  
Categorias: Palestras e debates

Palestra analisa nesta sexta em Ferrol "como nos afeta a Lei mordaça"

Organizado pola Corrente Sindical Anticapitalista (CSA), o ato conta com a participaçom de Fernando Blanco Arce.

A palestra é organizada no ámbito sindical ferrolano, por parte da corrente Sindical Anticapitalista, formada por filiados e filiadas da CIG.

O advogado Fernando Blanco Arce, integrante do observatório dos direitos civis Esculca, será o encarregado de expor o significado e dimensom das medidas aprovadas pola direita espanhola através da chamada Lei Mordaça, assim como pola reforma do Código Penal.

Dirigida a ativistas sociais e sindicais, além do público geral, a palestra decorre nesta sexta-feira na Fundaçom Artábria (travessa de Batalhons, Ferrol), a partir das 20 horas.

(info diarioliberdade.org)

29-04-2015

  13:37:36, por artabria   , 502 palavras  
Categorias: Concertos

Voltamos a Canido a fazer o nosso Maio

Este domigno 3 de maio a partir das 11.15h voltamos à praça da Tafona, no popular bairro de Canido, para festejar a despedida do Inverno e a chegada da Primavera com a apariçom das primeiras flores e frutos elaborando os Maios. Cobriremos a nossa estrutura , seguindo a tradiçom da na nossa comarca, com fiuncho, laranjas, flores...

Mas o dia antes, sábado 2, combinamos no Centro Social às 12hs para ir apanhar flores.

O próprio domingo combinamos previamente às 10.30 na Fundaçom Artábria para deslocar-nos posteriormente a Canido.

Também Podes trazer o próprio domingo as tuas flores, verde e frutas para ajudar a enfeitá-lo. Esperamos-te!

Full story »

23-04-2015

  00:23:55, por artabria   , 81 palavras  
Categorias: Concertos

Projeçom do documentário "Proxecto Zeca"

Na sexta-feira 24 de abril daremos início às atividades comemorativas do 41 aniversário da Revoluçom dos cravos com a projeçom do documentário "Proxecto Zeca". A projeçom está marcada para as 21h00.

'Proxecto Zeca' é um pequeno documentário escrito e dirigido por Pablo Portero no ano 2012, com a produçom de Volta e com as intervençons de Najla Shami, Carlos Blanco, Gonzalo Bouza Brey ou Joao Afonso entre outros/as.

Foi apresentado no evento 'Terra da Fraternidade', celebrado no Auditorio de Galicia em 10 de Maio de 2012.

14-04-2015

  18:02:15, por artabria   , 107 palavras  
Categorias: Concertos

Ceia portuguesa para comemorar Revoluçom dos Cravos

No próximo sábado, 25, daremos continuade as atividades deste mês de abril com umha ceia concerto em homenagem ao quarenta e um aniversário da Revoluçom dos Cravos em Portugal.

A ementa estará composta de caldo verde, bacalhau à brás, vinho, água e sobremesa.

O preço do bono é de 12 euros para as pessoas associadas à fundaçom e de 15 euros para o resto, podes reservá-lo no balcom do Centro Social ou escrevendo para correiodeartabria@gmail.com e fazendo o pagamento no número de conta: ES64 2080 0226 6130 4002 2733 ponhendo como conceito "Ceia 25 abril". A data límite para apontar-se é o 21 de abril.

As praças estám limitadas a 60 pessoas.

A ceia dará começo às 22.00hs

<< 1 ... 11 12 13 14 15 16 17 18 19 20 21 ... 168 >>

Horário de Abertura
- Segundas a sextas 10.00h-13.30h // 17.30h-feche
- Sextas e Sábados 18.00h-feche

A Associaçom Reintegracionista Artábria, nascida em 1992 em Narom, transformou-se em abril de 1998 em Fundaçom, inaugurando em setembro desse mesmo ano o seu Centro Social.

A Fundaçom Artábria está declarada de Interesse Galego e classificada de interesse cultural, com o número de inscriçom 54 e CIF:G15645518.


Para saberes mais, lê a definiçom da Artábria na wikipédia + info

Busca

Ferramentas de administraçom

  Feeds XML

powered by b2evolution CMS