Um ceia para associados e associadas serviu na passada sexta-feira de celebraçom principal destes 11 anos cumpridos desde a abertura do Centro Social, acontecida em Setembro de 1998. Um bom número de companheiros e companheiras juntamo-nos num restaurante de Fene para a ocasiom. Além da gastronomia do País, vimos em primícia um trailer de 35 minutos do documentário sobre a história da Artábria que está a ser realizado e desfrutamos da música ao vivo oferecida polo José Constenla, velho amigo da Fundaçom Artábria.

Como sempre, mostramos-vos umhas imagens da festa gastronómica e musical.

Full story »

Como integrante da mesma desde o início, a Fundaçom Artábria achou importante convocar a Plataforma Galego Sempre Mais de cara à mobilizaçom normalizadora convocada para o dia 18 de Outubro com carácter nacional. As entidades reintegracionistasa convocadas, em regime de autoconvocatória, som todas as integrantes da Plataforma e o lugar da reuniom será o Centro Social do Pichel, em Compostela, no próximo sábado dia 3 de Outubro, às 12h30.

Full story »

Mais um ano de vida é sempre motivo de celebraçom, por isso as associadas, associados e amizades da Fundaçom Artábria vamos reunir-nos no Restaurante Cantábrico no dia 2 de Outubro, num encontro gastronómico de confraternizaçom ártabra, incluindo música ao vivo e umha projecçom em vídeo sobre a história da nossa entidade.

Full story »

Reproduzimos a intervençom da representante da Junta Directiva da Fundaçom Artábria no fim da marcha em defesa da língua que decorreu no dia 25 de Setembro polo centro de Ferrol.

Full story »

Dentro da programaçom prevista na comemoraçom dos 11 anos da Fundaçom Artábria, anteontem contamos com a apresentaçom do livro de artigos de temática sociolingüística 'Galiza vencerá!' e ontem, com a anunciada marcha reivindicativa por um Ferrol em galego, que retomou, com maior participaçom, as ruadas que anos atrás realizava a Artábria com motivo do Dia das Letras.

Full story »

Oferecemos-vos o áudio da entrevista de quase 18 minutos decorrida na manhá de hoje na emissora Rádio Fusión, em Fene. Almudena Marcos entrevistou a nossa companheira Rebeca e o nosso companheiro Maurício, falando sobre a convocatória "por um Ferrol em galego" que partirá no dia 25 de Setembro da praça do Hino Galego às 20 horas. Também falárom sobre a situaçom lingüística em Ferrol e sobre a necessidade de que haja umha mobilizaçom social para reclamar umha outra política lingüística para Ferrol, Trasancos e Galiza.

Tés que clicar em cima de "play full song here" para ouvir a entrevista completa: