Este Sam Froilam distintos colectivos e pessoas de Lugo queremos ofertar umha alternativa as festas do Sam Froilam.
Desde o dia 2 até o 12 de outubro haverá diversas actividades, concertos, passa-ruas, jogos populares, charlas, projecçons, pintxadas, jantares, e também algumha concentraçom para denunciar a hipocrisia do nosso Concelho dominado pola corrupçom em todas as instituiçons. Também voltaremos a apoiar aos "manteiros" que serám perseguid@s polas forças do que eles chamam "orden pública".
Pronto teremos o cartaz definitivo com todas as actividades. Aliás há um blogue criado para anunciar e publicitar todos os actos. http://alternativassanfroilan.blogspot.com/

Esta quarta-feira,dia 29 de setembro, apoiamos à greve geral. Devemos defender na rua os nossos direitos. Porque a verdadeira crise é o capitalismo. Adiante a greve geral! Apoiamos também a manifestaçom da CIG que sairá às 12h30 desde o parque de Frigsa.
Publicamos a seguir o panfleto de Causa Galiza Cinco ideias básicas para ir à greve geral.

Full story »

Depois da manifestaçom convocada pola CIG com motivo da greve geral faremos umha nova sessom do comedor popular, que bem sendo todas as quartas-feiras às 14h45.

O dia 25 de setembro celebramos o nosso terceiro ano de vida e trabalho na comarca de Lugo. Um jantar popular , bilharda e apresentaçom dos cursos para este ano. Se queres participar no jantar cumpre confirmar antes do dia 24.
As actividades programadas para o dia:
12h30. Sessom vermouth
14h00. Jantar popular.
17h00. Aberto de bilharda. Parque Rosalia de Castro.
20h00. Apresentaçom dos cursos 2010/2011 , música e petiscos.

Este ano haverá os seguintes cursos:
-Gaita.
-Pandeireta(iniciaçom).
-Esgrima medieval.
-Defesa pessoal.

Também haverá os obradoiros gratuitos de costura, galego e dança galega.

Este sábado 18 de setembro começa em Burela a Liga de bilharda co primeiro aberto puntuável da tempada. O aberto será pola tarde polo que organizaremos a viagem desde Lugo para participar. Se te queres unir a equipa e participar podes enviar um mail a madialeva.gz@gmail.com ou bem apontar-te no local.

Full story »

Começa de novo o comedor popular do Centro Social. Esta quarta-feira, dia 15, às 14h45. Como sempre podes anotar-te no Centro Social ou enviar um mail (madialeva.gz@gmail.com) confirmando.
As pessoas interessadas em participar podem faze-lo de distintos jeitos, cozinhando, arrumando, limpando e fregando, achegando produtos ecológicos ou bem aportando ideias e participando das assembleias ou das actividades mensais sobre consumo responsável e soberania alimentária.

O dia 16 de setembro às 20h00 teremos a apresentaçom por parte de FÉLIX RODRIGO MORA do seu último livro "O atraso político do nacionalismo autonomista galego: Reflexões sobre O atraso económico de Galicia",que foi editado polo grupo "Unión Libertária" de Ferrol o pasado 1 de setembro.

Full story »

Este sábado 11 de setembro, em Cospeito haverá umha poderosa intervençom billardeira às 17 h no campo da festa da feira do monte realizará-se o explosivo I Aberto da Rá de Cospeito.
Inscripción e contacto directo>> aacarballeira@gmail.com
Umha boa ocasom para ir preparando-se para a tempada oficial da Liga.

Podes ler o comunicado da Rede Galiza Non Se Vende a respeito dos lumes forestais:

Este ano 2010, como todos os das últimas décadas, volve ser negro para os montes galegos, e mesmo tráxico, coa morte de dous traballadores da loita contra o lume.

Galiza perdeu o bosque orixinario que a cubría enteira. Perdeuno século a século, co avance da agricultura e da gandeiría, como ocorreu en casi todo o mundo. Daquel bosque quedan, tan só, algúns vestixios. Sen embargo, as árbores ocupan dous terzos do territorio galego. É a masa forestal da repoboación do franquismo, que invadiu os pastos e as terras de labor con especies arbóreas alóctonas e pirófitas, que acabou nunha década cun sistema agrogandeiro que levaba funcionando séculos, e que acabou, tamén, con valiosos reductos de árbores autóctonas.Esta masa forestal de máis de 600 millóns de árbores, é na súa meirande parte un cultivo forestal abandoado. Pero tamén un tesouro económico de 28.000 millóns de euros, do que, sen embargo, apenas se tira rendemento. Só o nove por cento da superficie forestal de Galiza está cuidada e explotada comercialmente. Malia ser unha das comunidades con máis masa arbórea, Galiza ocupa os últimos postos en termos de investimento no sector forestal.

Full story »

A Plataforma "Salvemos O Río Eo", de Ribeira de Piquim, organiza umha marcha reivindicativa contra a construçom dumha minicentral eléctrica neste municipio. A marcha, que será este domingo dia 5 de setembro, sairá de Ponte de Mede e chegará até a zona conhecida como Os Congos. Depois haverá um jantar popular. O roteiro realizará-se na zona que sufrirá o impacto da minicentral, onde se juntam os rios Rodil e Eu, na paróquia de Santalha.
Sairám autocarros desde Meira e a Pontenova às 8h30 já que o roteiro começará as 9h00. A data limite para anotar-se é o dia 1 de setembro.