Continuando cos roteiros pola comarca onte deslocamó-nos cara Castroverde, visitando Soutomerilhe e o dolmem de Marrondo.

Full story »

A próxima sexta-feira, dia 4, volta umha nova sessom do grupo de estudos. Neste caso falaremos sobre a Corea do Norte. Para isso contaremos com Juan Nogueira, asturiano, militante juvenil comunista de 24 anos. Afiliado a CJC (juventudes del PCPE) desde 2003, membro do Comité Central desde o VI Congresso (2005) e Segredário Geral desde o VII Congresso (2009). Também é membro da Associaçom de Amizade coa Corea desde 2003 e, desde 2008, Segredário de Comunicaçons no Estado espanhol.

O debate começará às 19h30 e depois faremos a ceia.

Texto sobre Corea

Diante do novo ataque do estado de Israel onte concentrámo-nos em Lugo em solidariedade co povo palestiniano e hoje repetirá-se a concentraçom às 20h30 diante do Concelho.

Soldados do Exército de Israel atacarom a "Flotilla da Liberdade", que pretendia desobedecer o bloqueo sobre a Faixa de Gaza e portava miles de toneladas de material de corte humanitário, assasinando a várias/os das/os participantes (entre 10 e 60 segundo fontes diversas) e ferindo a outras/os.

O ataque produciu-se a umhas 75 e 100 milhas da costa do Estado de Israel, em águas internacionais, violando o Direito Internacional desde o primeiro minuto.

Galiza com Palestina.
Os imperialistas som os terroristas.

Este mês acolheremos desde o 11 de junho diversas actividades de Siareir@s Galeg@s com motivo da celebraçom na África do Sul do Mundial de futebol. Sob a legenda "Eu só tenho duas selecçons: Galiza e qualquer que jogue contra Espanha" iniciam umha campanha para frear o espanholismo que invadirá Galiza coa escusa do futebol. A privaçom do nosso povo a ter as suas próprias selecçons e de poder participar em partidos oficiais ou acudir ao mundial une-se agora a propaganda mediática de apoio a la "Roja".
No local projectaremos os partidos de Portugal e Brasil (grupo G) e depois os jogos das fases finais. Animaremos deste jeito aquelas selecçons coas que temos vínculo pola nossa língua e a todas as que se enfrontem coa selecçom que nos nega como povo.

Podes ler mais abaixo um resumo de todas as actividades do mês ou bem na parte direita do blogue onde disponibilizamos o cartaz:

Full story »

Logo de rematar a tempada regular nas distintas conferências da Liga Nacional de Bilharda, este domingo celebram-se as finais em Compostela. Mais um ano a bilharda segue a consolidar-se e expander-se pola geografia galega, chegando cada vez a mais recunchos. Todo parte do esforço incansável e dum enorme trabalho de base, que sem qualquer apoio institucional, está a medrar para converter-se no verdadeiro desporto nacional.
Do Mádia Leva! embora nom conseguimos classificar-nos para as finais de Conxo valoramos este ano como muito positivo. Ter participado na Liga com equipa própria, organizar o já terceiro aberto de Lugo e viver a entrada da bilharda na universidade dá-nos motivos para a ilusom na próxima tempada.
Adiante co Varal!

O próximo domingo 30 de maio, desfrutaremos da fermosura do Minho ao seu passo por Lugo a até a paróquia de Ombreiro onde jantaremos. Acompanhará-nos de guia umha bióloga da Sociedade Galega de Ornitologia.
Sairemos do local às 10h00.
Para o jantar, que se realizará no Mesón Suso de Ombreiro há que anotar-se no local ou enviando um mail a madialeva.gz@gmail.com

Os ex-presos independentistas Santi Vigo e José Manuel Sánchez participarám este sábado 29 numha palestra no nosso centro social. Na mesma darám a conhecer a sua experiência nas cadeias espanholas durante quase dous anos.Em outubro de 2009 fôrom postos em liberdade.
Será às 20h00.Depois da palestra haverá umha ceia de convívio no próprio centro social.