O FACHO: O Mundo Editorial Galego hoje, por Belém López Vázquez (Baia) e Afonso Ribas Fraga (Laiaovento)

14-01-2020

A Agrupaçom Cultural O Facho de A Corunha tem a bem o convidar para assistir aos seus ciclos de palestras públicas do período 2019-20

Palestra

A vindoura terça, 14 Janeiro, os editores: Belém López Vázquez (Baia), Afonso Ribas Fraga (Laiaovento) falarám dentro do ciclo, Lingua, Cultura e Naçom, com a palestra intitulada ?O Mundo Editorial Galego hoje.?

López Vázquez é directora de Baía Edicións, editorial que desenvolve 29 colecçons dirigidas ao público Infantil e Juvenil, que se concretárom nos mais de 300 títulos do actual catálogo infantil da editorial, alguns deles merecedores de prémios. Com o o Prémio Meiga Moira de Literatura Infantil e Juvenil a editora pretende ser um novo foro para autoras e autores que, em galego, dirigem as suas obras de criaçom a este sector da nossa povoaçom.

Ribas Fraga ?(Laiaovento) é director financeiro de Edicións Laiaovento, editorial que nestes últimos anos vem significando-se na publicaçom de livros de ensaio. Assi mesmo é director associado do grupo Unipro-Consultores de Empresas, director da revista de economia Análise Empresarial. É vice-presidente de Promoçons Culturais Galega. Foi co-fundador da revista Teima e Escola Aberta.

Dia: terça, 14 de Janeiro 2020 ? Hora: 8 do serám

Rua Sinagoga 22 ? Cidade Velha

J. Alberte Corral Iglesias

Presidente d?O Facho

O FACHO:?O cancro de pulmom. Investigaçom Clínica Aplicada?, pola Dra. Rosário García Campelo

16-12-2019

O vindoiro dia 17 de Dezembro às 8 do serám em Portas Ártabras, a professora, Rosário García Campelo da UDC, falará dentro do ciclo: A ciência e a investigaçom na Galiza, com a palestra intitulada "?O cancro de pulmom. Investigaçom Clínica Aplicada?
A Dra Rosário García Campelo é Oncólogo Médico no Hospital Universitário da Corunha. Estudou Medicina na USC, e posteriormente completou a sua formaçom em Oncologia Médica via MIR no CHUAC. Ao finalizar a mesma, completou umha estância como investigador no Laboratório de Biologia Molecular do Hospital Germa Trias i Pujol, na Unidade de Tumores Torácicos do hospital Moffit Cancer Center (Tampa, USA) e em Memorial Sloan Kettering Cancer Center (New York, USA). Assi mesmo exerce como oncóloga médico no Complexo Hospitalário Universitário da Corunha, onde centra a sua actividade clínica e investigadora na área de Tumores Torácicos. As suas investigaçons actuais centram no tratamento de tumores torácicos, com especial interesse em novas terapias contra o cancro, inmunoterapia e investigaçom clínica/traslacional.
É autora de múltiplas publicaçons, guias clínicas nacionais assim como múltiplas conferências em âmbito nacional e internacional, com participaçom como investigadora principal em mais de 150 ensaios clínicos nacionais e internacionais nos últimos anos.

PARA ESCOITAR, CLIQUE DE SEGUIDO:

https://archive.org/download/garcia-campelo-rosario/GARCIA-CAMPELO-ROSARIO.mp3

Dia: 17 Dezembro 2019 ? 8 p.m. do serám.

Local: Portas Ártabras ? R. Sinagoga 22 ? Cidade Velha

J. Alberte Corral Iglesias

Presidente d?O Facho

O FACHO: "A Teoría do Colapso Territotal na Galiza?, por Xosé Constenla Vega

11-11-2019

A Agrupación Cultural O Facho da Coruña convidao a asistir ós seus ciclos de palestras públicas do período 2019-2020.

Palestra

O vindeiro día 12 de novembro, o Xeografo, Xosé Constenla Vega, dentro do ciclo "Economia, História e Realidade Social" impartirá a palestra titulada "A Teoría do Colapso Territotal na Galiza?. O acto realizarase en Portas Ártabras, Cidade Vella, ás 8 do serán. O finalizar haberá un pequeno coloquio cos asistentes.

Xosé Constenla Vega (Compostela, 1980). Xeógrafo. Licenciouse e doutorouse en Xeografía pola Universidade de Santiago de Compostela. No ano 2017 recibiu o XVII Premio de Ensaio Ramón Piñeiro de Ciencias Sociais e Humanidades pola obra titulada ?O Colapso Territorial en Galiza?. Unha lectura dende o espazo da construción social do país.

Na actualidade é profesor de Didáctica das Ciencias Sociais na Universidade de Vigo e de Xeografía Humana no CA da UNED en Pontevedra. Con anterioridade foi docente na Universidade da Coruña, na Carlos III de Madrid e na de León. No ámbito privado, traballou profesionalmente no campo do Urbanismo e da Ordenación do Territorio.

Publicou numerosos artigos en revistas científicas no eido da Xeografía e das Ciencias Sociais. En 2010, publicou en Edicións Laiovento o libro ?(Re)Imaxinando o universo urbano de Batilmore a Santiago de Compostela?. Na súa faceta como cantautor, ten catro discos publicados: Quen fixo berrar ao silencio (2005), Olladas dun entusiasta (2008), Sinecismo. Xosé Constenla ao vivo (2013) e Virada por avante (2016).

Dia:12 de novembro - 8 do serán
Local: Portas Ártabras, R/ Sinagoga 22
Cidade Vella . A Coruña


Correio electrónico: o_facho_a_corunha@yahoo.com.br
Segue-nos en Facebook: Agrupación Cultural O Facho
Para axudas e aportacións económicas:
Conta ES02.3070.0044.58.6090453421
Todas as palestras dadas están en: http://agal-gz.org/blogues/index.php/ofacho/

PARA ESCOITA, CLIQUE DE SEGUIDO:
https://archive.org/download/constenla-vega-xose/CONSTENLA-VEGA-XOSE.mp3

A tabela periódica hoje: para qué, por Manuel Bermejo Patinho

04-11-2019

A Agrupaçom Cultural O Facho de A Corunha convida-o a assistir aos seus ciclos de palestras públicas do período 2019-2020.

Palestra

O vindoiro dia 5 de novembro, o Catedrático de Química Inorgánica da U.S.C., Manuel Bermejo Patinho, dentro do ciclo "Economia, História e Realidade Social" impartirá a palestra intitulada "A tabela periódica hoje: para qué?. O acto realizara-se em Portas Ártabras, Cidade Velha, ás 8 do serám. Ao findar a mesma haberá un pequeno coloquio com os assistentes sobre o exposto na conferencia.

Manuel Bermejo é Doutor em Ciências Químicas desde 1972, docente e investigador da USC, onde acadou a Cátedra de Química Inorgánica desde 1988, sendo na actualmente professor emérito. Foi director do Instituto de Ciências da Educaçión da USC (1986-1991), director do Departamento de Química Inorgánica (1993-96) e presidente da Comisión Interuniversitaria da Galiza no período 1999-2011.

Tem inumeráveis publicaçons de trabalhos em revistas internacionais do máis alto nível. Também é autor de múltiplos trabalhos pedagógico-didácticos, livros de Ciência e Divulgaçom científica, artigos em revistas galegas e espanholas e múltiplas conferências de divulgaçom. Algúns títulos dos seus traballos que mostran a amplitude das suas inquedanzas e áreas de conhecemento son: "A luz eléctrica na Galiza", "A ciência na Galiza no século XVIII : os seus protagonistas", "As mulheres científicas: essas desconhecidas dá história", "Cómo é a química dos nanomateriais metálicos?" e "Qué son as nanopartículas metálicas (NPM)".

Nos múltiples cargos de responsabilidade que ejerceu, deixou sempre uma funda semente de galeguidade. No ano 2017 se lhe concedeu o "I Prêmio Luis Porteiro Garea" pêlo seu labor na defesa e promoçom do galego na docencia e na divulgaçom científica e no ano 2019 recebeu o Prêmio Lois Peña Novo, sendo destacada a sua coerência na utilização da língua galega durante toda a sua vida académica e investigadora.

Dia: 5 de novembro-8 do serám
Local: Portas Ártabras, R/ Sinagoga 22
Cidade Velha . A Crunha

J. Alberte Corral Iglesias
Presidente d'O Facho

O FACHO: a génese do teatro independente galego: a conquista da identidade, por Cilha Lourenço

13-10-2019

O FACHO: a génese do teatro independente galego: a conquista da identidade, por Cilha Lourenço

O vindoiro dia 15 de Outubro, a profesora Cilha Lourenço Módia falará dentro do ciclo, Economia, História e, Realidade Social com a sua palestra intitulada ?A génese do Teatro Independente Galego: a conquista da identidade?, o acto realizara-se em Portas Ártabras, Cidade Velha, às 8 do serám. Ao findar a mesma haberá un pequeno coloquio com os assistentes sobre o exposto na conferencia.
Cilha Lourenço Módia A Corunha, 1974. Doutora em Filologia Galego-Portuguesa pela Universidade da Coruña, onde atualmente trabalha como professora.
Tem publicado as monografias Teatro Circo na configuración do Teatro Independente Galego (1967-1978) (2013) e Teatro Circo. Tres textos (2010). Além disso, é coautora de O ideario teatral das Irmandades da Fala. Estudio e antoloxía (2002) e Talía na Crónica de Nós. Dez anos de teatro galego (1990-1999) (2000).

Também é coautora de Gramática Práctica da Lingua Galega. Comunicación e Expresión [2010] (2011) -Prémio Xosefa Iglesias Vilarelle ao melhor livro didático de 2010- e dos livros de texto de Língua Galega e Literatura de ESO publicados por Baía Edicións.

Trabalhou como atriz no Teatro do Alvardán, no Clube Teatral Elsinor e na Compañía Teatral Casahamlet, em cujo estúdio foi professora.


Dia: 15 de Outubro 2019 - Hora: 8 do serám
Local: Portas Ártabras
Rúa Sinagoga 22 ? Cidade Velha
Correio electrónico: o_facho_a_corunha@yahoo.com.br

O FACHO: Martiño Santos: ?Vinhos galegos, Hª e perspectivas?

13-10-2019

O FACHO: Martiño Santos: ?Vinhos galegos, Hª e perspectivas?

O FACHO: Martiño Santos: ?Vinhos galegos, Hª e perspectivas?

O enólogo Martinho Santos disertou a pasada terza feira 1 de outubro en Portas Ártabras sobre a orixe, evolución e momento actual dos vinhos galegos na apertura das palestras públicas do período 2019-2020 da Agrupaçom Cultural O Facho. O conferencista, co apoio do audiovisual, fixo un percorrido moi acaído por un dos sinais de identidade da nosa cultura, a viticultura, actividade que coas raiceiras asentadas de xeito real na terra desenvolve nas distintas zonas da Galiza, e con denominacións de orixe, eses viños tan diversos e saborosos.
Vostede pode ouvir o audio da conferencia nesta publicación.
Agrupaçom Cultural O Facho d?A Corunha.

O FACHO - Os nomes dos penedos na Galiza. Motivaçons, cultos, ritos e lendas por Vicente Feijóo Ares

04-03-2019

O passado dia 12 de Fevereiro, terça (martes), o responsável de Toponímia na R. Academia Galega, Vicente Feijóo Ares, dissertou dentro do ciclo Língua, Literatura e Naçom. A sua conferencia versou sobre: Os nomes dos penedos na Galiza. Motivaçons, cultos, ritos e lendas, o acto realizou-se em Portas Ártabras. Com umha interessante palestra, Feijóo Ares Rodríguez González mostrou é analisou através de umha abondosa documentaçom e imagens a ricaz cultura antropológica galega com respeito aos penedos e a sua presença no imaginário galego.
Ao findar a sua exposiçom o palestrista mantivo um interessante colóquio com os assistentes.

O FACHO: Vicente Feijóo Ares - Os nomes dos penedos na Galiza. Motivaçons, cultos, ritos e lendas.

04-03-2019

Agrupaçom Cultural O Facho
Apartado de Correios nº 46 O.P.
Corunha


A Agrupaçom Cultural O Facho da Corunha convida-o assistir aos seus ciclos de palestras públicas do período 2018-19

Palestra

O vindouro dia 12 de Fevereiro, terça (martes), o responsável de Toponímia na R. Academia Galega, Vicente Feijóo Ares, falará dentro do ciclo ?Língua, Literatura e Naçom?. A sua dissertaçom versará sobre: ?Os nomes dos penedos na Galiza. Motivaçons, cultos, ritos e lendas?.

Feijoo Ares é Lcdo. e Filologia Galego-Portuguesa, obtivo o DEA com a investigaçom ?A fala do Riós. Contribución ó estudo da dialectoloxía galega?. Na actualidade trabalha na sua tese doutoral sobre ?Os nomes dos penedos na Galiza. Motivaçons, cultos, ritos e lendas?.
Actualmente é o responsável de Toponímia no Seminário de Onomástica da RAG, gestionando e executando as actividades de revisom e correcçom do Nomenclátor de Galiza, ademais de assessorar e colaborar com a AMTEGA na criaçom de aplicaçons informáticas para trabalhar com a toponímia galega e difundi-la. Assi mesmo é membro da Comissom Especializada em Nomes Geográficos (CENG), do Instituto Geográfico do Ministério de Fomento. Como docente é professor e avaliador de cursos CELGA da SXPL; professor dos cursos de verám para estrangeiros de Língua e Cultura galegas da USC mais a RAG. É professor e titor de cursos de tele-formaçom em linguagem administrativa e redacçom de documentos administrativos na EGAP.

Dia: 12 de Fevereiro 2019 - Hora: 8 do serám
Local: Portas Ártabras ? Rua Sinagoga 22
Cidade Velha ? Corunha

J. Alberte Corral Iglesias
Presidênte d?O Facho

O FACHO: Perfecto Conde Murais - Paco del Riego

02-03-2019

Agrupaçom Cultural O Facho
Apartado de Correios nº 46 O.P.
Corunha

A Agrupaçom Cultural O Facho da Corunha convida-o assistir aos seus ciclos de palestras públicas do período 2018-19


Palestra


O vindouro dia 26 de Março, terça (martes), o escritor, Perfecto Conde Murais falará dentro do ciclo, Língua, Literatura e Naçom. A sua charla versará sobre: Paco del Riego

Conde Murais estudou Filosofia e Letras na Universidade de Santiago e transladou-se a Madrid para estudar Jornalismo na Escola de Jornalismo da Igreja. Encetou a trabalhar como jornalista no Diário SP. Pouco depois, exercendo a profissom no jornal Noticias Médicas, tomou contacto com Borobó que dirigia a revista Chan. Nesses momentos empeçou a escrever nos semanários Triunfo e Actualidade Económica. Foi coordenador da Grande Enciclopedia Galega. Posteriormente incorporou-e à redacçom em Galiza de TV espanhola, onde foi pioneiro da utilizaçom do idioma galego neste médio. Nesse tempo entrevistou a pessoeiros fulcrais da cultura galega: Ramón Otero Pedrayo, Eduado Blanco Amor, Isaac Díaz Pardo, Luís Seoane, etc... Ao mesmo tempo, era correspondente na Galiza da BBC britaníca, na que tivo que assinar com o pseudónimo de Antonio do Eo por razons políticas, e trabalhou também para a Radiodifução Portuguesa. Foi correspondente na Galiza do jornal El País nos começos deste diário. Assi mesmo formou parte do equipo de redacçom de ?Inteviú?.
Entre a sua obra sublinhamos: La conexión gallega, del tabaco a la cocaína, Memoria infinda, Conversas com Paco del Riego, etc.

Dia: 26 de Março 2019 - Hora: 8 do serám
Local: Portas Ártabras
Cidade Velha - Corunha


J. Alberte Corral Iglesias
Presidente d?O Facho

O FACHO: Concurso nacional de Teatro Infantil

31-01-2019

Agrupaçom Cultural O Facho
G-15037021
Apartado de Correios nº 46 O.P.
Corunha

CONCURSO NACIONAL DE TEATRO INFANTIL 2018 CONVOCADO POLA AGRUPAÇOM CULTURAL O FACHO.

Assumindo como próprias as palavras de Juan Ramón Jiménez quando afirmava que ?Teatro infantil é aquele que também lhe gosta aos nenos?, a Agrupaçom Cultural O FACHO acordou convocar o Concurso de Teatro Infantil 2018, que se regerá polas seguintes bases:

1º) Poderám optar ao devandito prémio qualquer pessoa, sem restriçom, sempre que a obra seja inédita e redigida em língua galega, -em qualquer norma ortográfica (AGAL, PADROM, RAG)- nom representadas, nem premiadas noutros certames.

2º) Estabelece-se como prémio único de 450,.- ? e umha biblioteca de livros teatrais.

3º) A obra, que nom poderá exceder os 80 fólios, será apresentada por triplicado, em formato DIN A4, a dobre espaço e mecanografados por umha soa cara.

4º) Os originais para o Concurso enviaram-se por correio à Caixa de Correios n.º 46, Oficina Principal d'A Corunha. Apresentaram-se sob um lema, que figurará na portada dos textos enviados, e viram acompanhados de um envelope fechado que contenha no exterior o lema da obra e, no interior, o nome, apelidos, correio electrónico e telefone do autor ou autora.

5º) O prazo de admissom de originais finda o dia 15 de Abril do 2018 às doce da noite. O falho do prémio fará-se público no mês de Maio.

6º) Os ganhadores serám elegidos por um júri nomeado pola Associaçom Cultural O FACHO. O mesmo está composto por pessoas de reconhecido prestigio no âmbito teatral galego.

7º) O júri poderá declarar deserto o prémio do concurso e será o que deverá resolver aquelas situaçons que se pressentem e que nom esteiam contempladas nestas bases, assim como as duvidas que podam existir na sua interpretaçom.

8º) A participaçom neste Certame implica assumir as bases do mesmo.

9º) Os originais nom premiados poderám ser retirados, no prazo de 30 dias, prévio correio dirigido ao endereço postal da Agrupaçom. No caso de que o autor o autora nom resida na Corunha poderá solicitar que lhe sejam enviados por correio postal.
Esta convocatória entrará em vigor ao dia seguinte da sua publicaçom nos médios.

Agrupaçom Cultural O Facho
Na Corunha, 17 Janeiro 2019

<< 1 2 3 4 5 6 7 8 9 10 11 ... 61 >>

Agrupaçom Cultural O Facho

Agrupaçom Cultural O Facho existe desde o ano 1963. Nasce da vontade conjunta de umha vintena de estudantes, trabalhadores e profissionais liberais d?A Corunha. A ideia é originaria dos daquela hora estudantes de bacharelato, Henrique Harguindey, André Salgueiro, e Xosé Luis Carneiro; respondendo ao seu chamamento posteriormente somárom-se entre outros: Eduardo Martínez, Henrique Iglesias, X. Alberte Corral, Xosé L. Rodríguez, etc... É a primeira agrupaçom de resistência cultural criada numha cidade do Pais polos seus cidadaos, já que O Galo é conformada por estudantes universitários de todo o Pais em Compostela, naquelas datas era a única cidade galega com Universidade. O grupo nasceu cos sinais de identidade da resistência contra o franquismo e da defesa da plena valia da língua e da cultura galega. Existia unha claríssima vocaçom política do que se fazia precisamente porque essa era toda a actividade publica com repercussons políticas que se podia fazer. A defesa da cultura e a língua galega é a cerna do que-fazer d?O Facho, que passou de fazer cultura de resistência nos anos da longa noite de pedra a se constituir hoje numha autentica mostra de resistência da cultura. Desde os primeiros momentos O Facho destaca-se com os seus cursos de língua com apoio de alguns exemplares da ?Gramática do idioma galego? de Manuel Lugrís Freire. Estes cursos tivérom umha importância mui grande na Corunha;. Daquela o galego nom se escrevia apenas e estava expulso da sociedade ?bem pensante?, nem sequer tinha secçom galego a faculdade de Filologia de Compostela. Umha das figuras fundamentais dos cursos foi D. Leandro Carré Alvarellos quem dirigiu esta actividade. Os ciclos dedicados á cultura galega, os encontros nos que se tratava economia e sociedade, os concursos literários. O seu grupo de teatro criado nas primeira datas de existência da Agrupaçom do quem eram responsáveis Manuel Lourenzo, e Francisco Pillado, foi dos pioneiros em representar obras no nosso idioma, tanto de autores galegos como de outras nacionalidades ( Brecht, Ionesco...). Na actualidade, O Facho é consciente dos desafio culturais do século XXI. Agora há que tentar ver o significado que pode ter hoje o sermos galegos num mundo globalizado. A ideia básica é que sermos galegos agora implica ser dumha maneira concreta numha sociedade mundial. Entre as iniciativas mais recentes é a criaçom do Facho de Ouro, um prémio para reivindicar galegos, o que amossa a própria agrupaçom é unha cultura que resiste. d’A Corunha.
+ info

Agrupaçom Cultural O Facho
Apartado de Correios n.º 46, Oficina Principal da Coruña
o_facho_a_cultural@yahoo.com.br

Busca

  Feeds XML

Ferramentas de administraçom

powered by b2evolution free blog software