Agrupaçom Cultural O Facho
Rua: Federico Tapia 12-1º
15005 A Corunha

Foi um grande sucesso a entrega dos prémios do XL Concurso Literário de Contos de Nenos ? Carlos Casares? convocado polo Facho. O acto celebrou-se às 7 da tardinha do dia 23 de Maio 2008.
Depois de umha curta apresentaçom por parte do Presidente d?O Facho, José Luís Rodrigues Pardo, onde destacou a importância que a gente nova escreva na língua própria do País e a vez demandar-lhes a que nom abandonem a escritura, onde eles derom provas de capacidade e criatividade. De seguido o júri formado polos escritores Xosé Manuel Martínez Oca, Xabier P. Docampo e o membro da nossa Agrupaçom Soledade González Maside, fizérom entrega dos prémios com os seus correspondentes diplomas aos novíssimos escritores:

Categoria B ( Nenos e nenas de 9 a 12 anos)
Primeiro prémio: ? O sapo saltón? de Iria Esperón Abril. Aluna de 5ºcurso no CEIP Banho da Xanza. Valga
Categoria C ( Rapaces e raparigas de 13 a 16 anos)
Primeiro prémio: ?A Caza da Quimera? de Brais Lamela Gómez. Aluno do IES Basanta Silva. Vilalba
Segundo prémio: ?Narco? de Noelia Toja Mañon. Aluna do CPI de Zás. Zás

O Segundo prémio: ? A avoa e eu? de Lorena Barrera López. Aluna do CEIP Vista Alegre. Burela nom puído acudir ao evento polo que o seu prémio será-lhe enviado por correio.

Iria Esperón Abril

Brais Lamela Gómez

Noelia Toja Mallón

José Alberte Corral Iglesias
Secretário d?O Facho

Agrupaçom Cultural O Facho
Rua: Federico Tapia 12-1º
15005 A Corunha

A professora e doutora da Universidade de Santiago, Carme García Negro, enterveu no passado dia 22 de Abril no quadro do ciclo «Economia e História» organizado polo O Facho, com a sua conferencia intitulada «A economia galega, o seu desenvolvimento». A intervençom da conferencista foi seguida com grande interesse entre os assistentes, tal como demonstrou o prolongado e participado colóquio ao findar a palestrista a sua leitura da economia galega.
A professora encetou a sua exposiçom comunicando que ia fazer umha exposiçom provocadora da economia galega fundamentando-a com umha leitura nova. Com umha mudança de focalizaçom com respeito à tradicional localizaçom dos sectores produtivos a vez que sublinhava a relevância dos dados estatísticos aos contrastar com os das economias de outros Países. Com a expressom ?Pessimismos fora? afirmou que a economia galega hoje é umha economia industrial, de inovadores e fortes piares.
A conferencista chantou sua nova leitura da economia galega nestes três esteios: a) Mudança da composiçom dos sectores produtivos, incluindo no secundário ou industrial, o sector da pesca . b) Releitura da pirámide de povoaçom galega. c) As novas áreas de desenvolvimento industrial; Celeiro-Burela, Bisbarra do Deza.
Com a pergunta, É mau ter muitos anos? deu a conhecer às pessoas assistentes a esperança de vida dos galegos e a sua pirâmide de povoaçom salientando como o cimo da mesma corresponde com os países de economia mais desenvolvidas e superando a maioria dos mesmos. Segundo a palestrista, este dado estatístico é um activo importante da nossa economia e que deveria ser um elemento a considerar para redistribuir a carga de trabalho de um jeito diferente, pois seria possível alongar e modificar a intensidade da carga laboral. Também mostra que somos quem de obter um bom rendimento aos nossos recursos e por outra banda é um dos sinais certos da qualidade de vida na que vive a povoaçom galega no tramo da maior idade é comparável com a sueca, e ainda melhor que a de muitos outros países com o maior adianto social do planeta.
No percorrer da sua palestra, Carme Garcia Negro, seguiu debulhando a economia galega mostrando a sua consistência nos eidos da manufactura do peixe e da indústria naval. Considerando a primeira como um sector da indústria ao requerer os seus processos de produçom (extracçom, cultivo, conserva, comercializaçom) de conhecimentos, técnicas e médios que som próprio da indústria, para que o peixe como mercadoria está nas mans do consumidor.
Ao longo deste desenho a conferencista remarcou o êxito nos mares de todo o mundo das empresas do peixe galegas, tanto em volume de capturas, como espécies capturadas, sistemas de pesca empregados, tecnologia aplicada, sem esquecer as luitas ganhadas nos julgados devido os problemas legais que vam tendo afrontar (pesqueiros, limitaçom de capturas...), e mesmo os problemas derivados do transporte por e para todo o mundo. E ainda mais, é capaz de apresentar e ser aceitados produtos com marca de autóctones, sinónimo de alta qualidade, mesmo com elementos que passam um pouco de tempo nas nossas augas. Apostilou como Celeiro-Burela na Marinha do norte de Lugo, é um magnífico exemplo de como o sector pesqueiro é quem de dinamizar toda unha comarca, e como a vez facilita o surgir de outras empresas que o fornecem.
Seguindo com a defessa da sua tese que a economia galega está cimentada numha pujante industria e para compreender a mudança económica do interior do País, a professora Carmo Garcia Negro mostrou o modelo da bisbarra do Deza. Esta comarca tradicionalmente destinada à agricultura e gandeira, hoje podemos constatar a sua transformaçom numha grande área industrial polo nascimento dumha urdime de empresas que empregam um importante número de operários e profissionais diversos. É interessante a observaçom que algumha destas empresas tenhem entre as suas linhas da actuaçom o equipamento do sector pesqueiro.
Segundo o critério da conferencista o desenvolvimento económico das Terras do Deza e da Galiza em particular nom tem como piares as subvençom senom a consciência empresarial dos patronos e isso a pesar dos atrancos existentes no transporte tanto por terra como por mar, e da carência de energia posto que nem as augas nem o vento da Galiza som nossos senom Fenosa ou outras empresas radicadas em Madrid.
Sublinhou hoje na Galiza somos receptores de emigraçom e que isto é mostra outro aspecto positivo da economia galega pois é capaz de gerar postos de trabalho.
Esta última questom junto a da energia provocárom no findar da palestra um grande e intenso debate, ao questionar muitos dos pressentes a imagem idílica mostrada. Analisando as diferencias qualitativas e quantitativa das migraçons na Galiza, mentres a emigraçom galega hoje, por dúzias de milheiros cada ano, é de média e alta qualificaçom no seu capital humano até o extremo que o tecido industrial e de serviços do País nom tem um só buraco de emprego criado que poda absorver aos ?cérebros? que ao findar as suas licenciaturas fórom continuar a sua formaçom em Centros de alta qualificaçom em todo o planeta estando impossibilitados em retornar ao nom existir aqui as possibilidades de emprego para os mesmos sendo posteriormente empregados em empresas de fora do País; porém isto nom só afecta a mao de obra de altíssimo valor acrescentado senom também a maioria dos Licenciados e Titulados Médios que cada ano findam os seus estudos tenhem que fazer as malas, já que o pouco emprego gerado aqui pola patronal retribui mal em estabilidade e dinheiro aos trabalhadores. Mentres a recebida é pola características de emprego das empresas galegas, de baixa qualificaçom: cuidar doentes, assistentes, marinheiros, etc.; e tampouco nunca o seu número quantitativo, nom som dúzias de milheiros cada ano, chega equilibrar a emigraçom de autóctones.

Agrupaçom Cultural O Facho
Rua: Federico Tapia 12-1º
15005 A Corunha

Por Dores Valcárcel Guitiám

Agrupaçom Cultural o Facho abriu umha convocatória pública para um curso de fotografia, e fomos coincidir no mesmo umhas cantas pessoas que hoje expomos aqui parte do trabalho realizado sob o título ? 5 olhadas com presbitia?. Há afeiçons que, como os amigos mais fieis, nos acompanham ao longo da vida e suspeito que para alguns dos meus companheiros que impulsárom a iniciativa deste curso, esta é umha delas.

Alguns e algumhas que nele participamos somos ou recém pre-jubilados, ou jubilados ou estamos a piques de selo. Dum jeito ou doutro, todos somos filhos do século, que para nós fórom tempos virados para o País. Assim que, diante dum horizonte preciso e após algumha quimera e mais dumha batalha pessoal ou colectiva da nossa existência, o presente fai-nos evocar aquela decisom de Voltaire retirando-se, depois de tantos combates contra o poder, ao seu paço de Ferney e dando-se outro novo horizonte vital que rezava: ?cultivemos o nosso jardim.? Esta tessitura existencial nom nos vai meter na casa, mais joga um papel: fazer o que nom demos feito antes, agora que temos tempo.

A Helena viajava um dia com a radio acesa, quando escuitou umha entrevista com um professor alemám de fotografia e nom parou até que conseguiu que nos vinhera dar este curso: era Peter Scheneider quem na sua interlingua, rica de tantos ecos, nos explicou os conceitos teóricos e nos mandou ir aos espaços exteriores fechar e abrir o diafragma da nossa reflex. Com rigor alemám, fiz-nos rematar o processo da aprendizagem com esta exposiçom. Assim que começava a segunda parte do cursinho: buscar onde expor fotos comuns, de afeiçoados e neófitos. Agradecemos á Manoli e á Helena este trabalho penoso que consistiu em chegar, com a única tarjeta de cidadans, a petar em moitas e moitas portas até que, ao fim, a Concelharía de Cultura do Concelho de A Corunha ? a quem agradecemos vivamente esta atençom - nos permitiu a entrada a este fogar onde reinam os desterrados, os nossos custódios: os Casares Quiroga. Poucos sítios desta cidade nos teriam gostado mais do que esta casa.

Sabemos com canta sanha e vesânia o fascismo se aplicou a borrar a mais mínima traça da existência desta família corunhesa, o injustamente que o grande político, Santiago Casares Quiroga foi tratado até o de agora. Pessoa bondadosa, aberta e moi bem querida polas gentes humildes da cidade, também ganhara a confiança do mais afastado labrego do Val de Lemos, como a de tantos doutros lugares da Galiza.

Ao redigir estas palavras, pensava num título para este texto: Salutaçom, acçom de graças (?). Todo isso lhe-lo fazemos chegar a todos vostedes, assistentes. Mais imos ficar com este título:

Residentes privilegiados

Assim é como nos sentimos estes 15 dias que imos ficar aqui entre os Casares Quiroga. Mais também porque Résidente privilegiée é o título do único libro de Maria Casares publicado nos oitenta em Paris. Aquela foi a sua pátria. Desde esta casa na que ela brincou de nena e nom puído residir: In memoriam.

Dentro das actividades organizadas polo Facho em comemoraçom do Dia das Letras o escritor e professor, Celso Álvarez Caccámo conversou no serám do dia 14 sobre Xosé Maria Álvarez Blázquez, o seu pai, a quem se dedica este Dia.
Na sua exposiçom, Celso, mostrou as múltiplas angueiras de Álvarez Blázquez em tanto que investigador, poeta, editor, e homem de bem que foi o homenageado; e dizer, um activista da cultura e língua galegas ao longo de toda a sua vida. Todo o acto foi seguido polo público assistente com um grande interesse.
Na Internet o documento máis amplo, rigoroso e actualizado sobre Álvarez Blázquez está na seguinte dirección : www.udc.es/dep/lx/cac/xmab.

Agrupaçom Cultural O Facho
Rua: Federico Tapia 12-1º
15005 A Corunha

Com o objectivo de recuperar os prémios literários que desde os anos sessenta convocou O FACHO e nos que participárom ou ganhárom muitos dos escritores e escritoras que hoje fam possível com a sua obra umha literatura galega de qualidade e de grande importância nas letras universais, convocou-se XL Concurso Literário de Contos de Nenos baixo o nome de Carlos Casares em afectuosa homenagem ao primeiro ganhador do Certame de Literatura Infantil no ano 1968 com a sua formosa obra ?A galinha azul? que acadaria a honra de ter sido o fito fundacional da bem viçosa Literatura Infantil e Juvenil Galega contemporánea.

O júri formado polos escritores Xosé Manuel Martínez Oca e Xabier P. Decampo e Soledade González Maside membro da Agrupaçom Cultural O FACHO, resolveu o seguinte:

A).- Declarar deserto o prémio para a Categoría A (Nenos e nenas de 6 a 8 anos)

.- Premios da Categoría B (Nenos e nenas de 9 a 12 anos)

Primeiro prémio: ? O Sapo Saltón? de Iria Esperón Abril.
Aluna de 5ºcurso no CEIP Banho da Xanza
Valga- Pontevedra

Segundo prémio: ?A Avoa e eu? de Lorena Barrera López
Aluna do CEIP Vista Alegre
Burela- Lugo

C).- Premios da categoría C. (Rapaces e rapazas de 13 a 16 anos)

Primeiro prémio: ?A Caza da Quimera? de Brais Lamela Gómez
Aluno de IES Basanta Silva
Vilalba-Lugo

Segundo prémio: ?Narco? de Noelia Toja Mañón
Aluna do CPI de Zás
Zas- A Corunha

Parabéns a todos os ganhadores.

A Corunha a catorze de Maio de 2008.

Entrega de prémios. A Corunha a 23 de Maio de 2008

Iria Esperón Abril, primeiro premio categoría B

Brais Lamela Gómez, primeiro prémio categoría C

Noelia Toja Mallón, segundo prémio categoría C

Sob umha marmalha e como todos os anos a Agrupaçom Cultural O Facho fizo às 12 h , oferenda floral no monumento a Curros Henriques nos jardins de Méndez Núñez da Corunha em lembrança Xosé Maria Alvarez Bláquez a quem se lhe adica este ano o Dia das Letras. José Luís Rodríguez Pardo fizo um esboço do homenageado diante de dos assistentes. Posteriormente deu leitura a resoluçom do IX concurso de Contos de Nenos ?Carlos Casares?.

Agrupaçom Cultural O Facho
Rua: Federico Tapia 12-1º
15005 A Corunha

Convidamo-vos assistir

O Facho com o galho da Semana das Letras Galegas manifesta a sua adesom a mesma convocando os seguintes actos:

Dia 14, quarta-feira, manhá
As doze (12 h.) da manhá oferenda floral no monumento a Curros Enríquez nos jardins de Méndez Nuñez da Corunha.
Comunicaçom da resoluçom do Concurso de contos de nenos ?Carlos Casares?

Dia 14, quarta-feira, serám
Conferencia sobre a figura de Xosé M. Álvares Blázquez. As oito (8 h) do serám na Fundaçom Caixa-Galiza, Cantons da Corunha polo escritor e ensaísta, Celso Álvares Cáccamo, Doutor e Professor de Linguística na Universidade da Corunha e filho de Xosé María Álvarez Bláquez, escritor homenageado este ano no dia das Letras Galegas.

Dia 15, quinta-feira, serám
As oito (8 h.) do serám na Casa Museu ?Casares Quiroga?, rua Panadeiras, n.º 12 da Corunha, inauguraçom da exposiçom de fotografia ?5 Olhadas com presbitia? do Obradoiro de fotografia d?O Facho, baixo a direcçom do fotografo e professor Peter Scheider. A mostra estará aberta desde 14 até o 31 de Maio.

Agrupaçom Cultural O Facho
Rua: Federico Tapia 12-1º
15005 A Corunha

Convidamo-vos assistir

O Facho com o galho da Semana das Letras Galegas manifesta a sua adesom a mesma convocando os seguintes actos:

Dia 14, quarta-feira, manhá
As doze (12 h.) da manhá oferenda floral no monumento a Curros Enríquez nos jardins de Méndez Nuñez da Corunha.
Comunicaçom da resoluçom do Concurso de contos de nenos ?Carlos Casares?

Dia 14, quarta-feira, serám
Conferencia sobre a figura de Xosé M. Álvares Blázquez. As oito (8 h) do serám na Fundaçom Caixa-Galiza, Cantons da Corunha polo escritor e ensaísta, Celso Álvares Cáccamo, Doutor e Professor de Linguística na Universidade da Corunha e filho de Xosé María Álvarez Bláquez, escritor homenageado este ano no dia das Letras Galegas.

Dia 15, quinta-feira, serám
As oito (8 h.) do serám na Casa Museu ?Casares Quiroga?, rua Panadeiras, n.º 12 da Corunha, inauguraçom da exposiçom de fotografia ?5 Olhadas com presbitia? do Obradoiro de fotografia d?O Facho, baixo a direcçom do fotografo e professor Peter Scheider. A mostra estará aberta desde 14 até o 31 de Maio.

Agrupaçom Cultural O Facho
Rua: Federico Tapia 12-1º
15005 A Corunha

Entrega d?O Facho de Ouro a D. Francisco Fernández del Riego

Comunicamos que o vindoira segunda-feira (luns), dia 5 de Maio, a Agrupaçom Cultural O Facho fará entrega a D. Francisco Fernández del Riego do ?FACHO DE OURO?, segundo foi acordado em Juntança da Directiva da Associaçom. O acto terá lugar no local da Fundaçom Penzol, sita na Praça da Princesa n.º 2, Vigo, às 1 ½. Para logo, ir jantar ao ?Restaurante Mosquito? e compartilhar com o homenageado uns momentos de companha.
Francisco Fernández del Riego foi um dos principais artífices da restauraçom cultural galega na post-guerra. Foi director da Real Academia Galega, entidade em que ingressara em 1960 com discurso intitulado Um país e unha cultura. A Idea de Galicia nos nosos escritores, e da Biblioteca da Fundaçom Penzol.
Autor dumha extensa obra, cultivou o ensaio sobre a cultura e a literatura galegas. Polo seu importante contributo á nossa cultura, Fernández del Riego foi reconhecido com numerosos galardons (Prémio Trasalba, Prémio Pedrom de Ouro, Medalha de Ouro da Cidade de Vigo, Prémio de criaçom Cultural da Junta de Galiza, etc.). Assim mesmo, foi nomeado Doutor Honoris Causa pola Universidade de Vigo e Galego Egrégio pola Fundaçom dos Prémios da Crítica.

José Alberte Corral Iglesias
Secretário d?O Facho

Agrupaçom Cultural O Facho
Rua: Federico Tapia 12-1º
15005 A Corunha

Sol González Maside/ J. A. Corral Iglesias

O escritor e professor da U. de V. Anxo Angueira Viturro entreviu o passado dia 8 de Abril dentro do ciclo «Língua e Naçom» organizado polo O Facho, a sua conferencia intitulada: O Rexurdimento e António Fernández Morales (Poeta berciano do século XIX).
A intervençom do conferencista espertou grande interesse entre o numeroso publico como demonstrou o prolongado e participado colóquio que seguiu á exposiçom do professor vigués.
O palestrista encetou a sua exposiçom afirmando a importância da obra de António Fernández Morales,?Ensaios poéticos em dialecto berciano?, no ámbito da nossa cultura. Esta genial obra poética foi publicada em 1861, dous antes que Rosália de Castro publicará ?Cantares Galegos?. Sublinhou da sua relevância, e ainda que Murguia nom o considera como um precursor, bem podemos considera-lo tal pois a sua obra nom desmerece a escrevida por Joam Manuel Pintos ou Francisco Anhom senom que é de maior transcendência, em opiniom do professor Anxo Angueira profundo conhecedor e divulgador da obra do poeta berciano.
O professor Angueira desbulhou a historia da cultura galega em três grandes ciclos: um primeiro de forte personalidade desde o seu xurdimento como entidade própria, até fins da Idade Media, um segundo período que vai desde fins da Idade Media hasta o século XIX (os séculos escuros), e um terceiro que se inicia co Rexurdimento e no que ainda estamos. No percorrer deste desenho histórico também fijo mençom a forte personalidade de Galiza como entidade colectiva diferenciada até o extremo que é a única Naçom que mantém o seu nome desde a sua origem romana, feito que nom acontece em nengum outra Naçom europeia.
Sublinhou a importância histórica do Rexurdimento, já que foi nesse período quando se forjárom os grande eixos nos que ainda hoje se pousa o quefazer político e social. A Defessa da identidade galega (língua, costumes, paisagens, etc..) , a construçom de um projecto político com fundas características de transformador social e nunca essêncialista; tendo como piares, o pensamento crítico, a democracia nom só jurídico política senom em forte urdime com o económico e social.
Ainda que coetáneo da geraçom dos Precursores, Fernández Morales comparte os ideais mais de vanguarda do Rexurdimento tanto na sua obra literária como na sua vida como cidadam é militar, sendo deputado em Cortes (1887) polo Partido Radical da época, que traduzido as coordenadas de hoje veria a ser como um deputado das concepçons mais avançadas no eido social como no político.

Para compreender a obra de António Fdez. Morales, temos que ter presente e nom esquecer que a actual raia administrativa amputadora do Berço do País Galego marcou-se no ano 1833 quando Madrid cria as provinciais actuais em funçom dos interesses da Corte e nunca em funçom da cidadania; e que este poeta da Galiza irredenta estivo residindo em Tui no primeiro terço do século XIX polo de certo conheceria a obra e o projecto dos escritores do País. A sua poesia reflecte muitas das características da obra rosaliana, a grande mestra. Como ela defende e dignifica a paisagem fronte a afrenta e vexame dos autores castelans e da Corte (Góngora, Quevedo, entre outros); o conferencista leio versos de Góngora confrontando os mesmos com os do poeta berciano mostrando como este último ao igual que Rosália utiliza a paisagem para louvar a Galiza em geral e o Berço em particular.
Na leitura dos poemas do autor do Berço: ? O Fiandom?, ? A Romaria?, ?O Entroido?, ?Caça Maior?, Angueira, destacou como o poeta baixa ao profundo do povo, a vez que descreve maravilhosamente os labores da vendima, a sega em Castela, todo mundo que contem a cultura de e baseada na castanha, etc. Na poética do vate de Cacabelos canta os costumes, as festas, os trabalhos... e sempre mantendo um pensamento crítico sobre a realidade que observa, a vez tem um tom retranqueiro com a doutrina e as cousas da Monarquia Sacerdotal com que a Eireja Católica sustenta o seu discurso ideológico para sujeitar ao seu critério às classes populares.
A obra de Fernández Morales é irónica, satírica, humana, próxima, tensa, desenfada, ágil no dialogo. Aportando sempre umha grande riqueza tanto léxica como etnográfica. É umha mostra da cultura galega mais lá dos lindes marcados pola a Vila e Corte; exibe como o Berço tira pola sua reintegraçom a Galiza mas Castela nom solta.

Ao findar a conferencia houvo um interessante debate entre os presentes.