Encetando a nova jeira de palestras 2018/19 organizadas pola nossa Agrupaçom, o dia 9 de Outubro do ano que corre, o historiador e investigador Bernardo Máiz Vázquez intervéu dentro do ciclo Economía, Historia e C.C. Sociais. A sua exposiçom versou sobre: ?Resistência, guerrilha e repressom na Galiza no período franquista?

Na sua ricaz exposiçom o conferenciante salientou como desde o mesmo começo do golpe de Estado clerical-fascista iniciou-se umha resistência armada na Galiza, sendo a mais importante e numerosa de todo o território do Estado espanhol. Esta guerrilha composta por distintos militantes de partidos políticos e sindicatos (Comunistas, Anarquistas, Socialistas, Republicanos, etc...) fôrom artelhadas polo Partido Comunista até o ano 1950, quando toma-se o acordo de abandonar a "Democracia Armada" na procura de outras alternativas políticas e sindicais de resistência contra a barbarie franquista.

Ao findar a palestra houvo um distendido colóquio com o público assistente.

No dia 1 de Junho do ano que corre, num acto de grande emoçom fizo-se a entrega dos prémios literários convocados pola nossa associaçom. O presidente d?O Facho, J. Alberte Corral Iglesias, deu as graças a todos os presentes, em particular a todas a nenas e nenos que concursárom da mesma forma expressou a felicitaçom em nome da nossa Entidade as nenas premiadas: Marta Rodríguez González, Andrea Ramos Casal, Mariña García Iglesias, María Carballo Rodríguez. Igualmente declarou o reconhecimento d?O Facho à autora premiada no Concurso de Teatro Infantil, Adela Clorinda Figueroa Panisse, pressente no evento.

No momento da entrega dos diploma do concurso Contos de Nenos para Nenos, as autoras premiadas fôrom agasalhadas com a gratificaçom monetária correspondente assi como com umha pequena biblioteca com livros de diversos autores galegos. O membro do júri, Lois Dieguez, enternecido falou para as novas literatas agradecendo a qualidade dos seus escritos, e demando-lhes que continuem escrevendo dada a sua imaginaçom e potente escritura.

O poeta premiado, Daniel Barral Calvo, no certame deste ano nom pudo acudir por estar dando exame em Barcelona, mas enviou um vídeo para comunicar a seu agradecimento por ser sido premiado à vez que leu dous poemas da obra premiada. O membro do júri, Fernando Díaz-Castroverde, resenhou a madures assi como a grande qualidade do texto galardoado.

Manuel Lourenzo, membro do júri de teatro, alabou o texto premiado polo excelente cuido da língua levado a cabo pola autora do texto, e recomendou encarecidamente a sua representaçom. A dramaturga manifestou a sua gratitude polo reconhecimento e lembrou ao seu neto colaborador na criaçom da peça teatral.

A Agrupaçom Cultural O Facho através do seu presidente, J. Alberte Corral Iglesias, exteriorizou o reconhecimento e a gratitude ao narrador, Xabier Docampo, sócio e dinamizador dos concursos literários da nossa Agrupaçom nestes momentos de tristeza polo seu estado de saude.

Ao findar o sucesso houvo um convite para os premiados e acompanhantes.

Full story »

Agrupaçom Cultural O Facho
G-15037021 / N. I. 1966/000008-1ª
Apartado de Correios nº 46 O.P.
Corunha

Entrega dos Prémios Literários do ano 2018

1 Junho 2018

A Agrupaçom Cultural O Facho convida assistir à entrega dos prémios literários convocados pola nossa associaçom consistentes em umha quantidade em metálico e umha biblioteca doada polas editoriais: LaiaoVento, Sotelo Branco, Xerais, Galaxia, Baia, Toxos Outos. A realizaçom do acto efectuara-se em Portas Ártabras, às sete e meia do serám do dia 1 de Junho do ano que corre. Ao final do evento haverá um pequeno refrigério.

Concurso de Contos de nenos para nenos

Premios da Categoría A (Nenos e nenas de 9 a 12 anos):
Primeiro prémio: O orfanato de Marta Rodríguez González
Segundo prémio: A fábrica de nubes de Andrea Ramos Casal

Premios da categoría B. (Rapaces e rapazas de 13 a 16 anos):
Primeiro prémio: A princesiña peideira de Mariña García Iglesias
Segundo prémio: Catro segundos de María Carballo Rodríguez (Corunha)

Concurso de Poesia
Obra Ganhadora: Dialética. Autor: Daniel Barral Calvo

Concurso de Teatro Infantil
Obra Ganhadora: Pingas. Autora: Adela Clorinda Figueroa Panisse

Dia: 01 de Junho do 2018 - Hora: 7,30 do serám
Local: Portas Ártabras . Rua Sinagoga 22
Cidade Velha ? Corunha

J. Alberte Corral Iglesias
Presidente d?O Facho

Com o galho das Letras Galegas, a Agrupaçom Cultural O Facho realizou a tradicional oferenda floral nos jardins de Mendes Nunes diante do monumento a Curros Henriques em lembrança de todos aqueles que fizérom que da cultura galega umha constante e permanente jeira na construçom da liberdade do povo galego. O evento tivo lugar o dia 8 de Maio, às 12 1/2 da manhá.

Muitos dos assistentes lêrom poemas de autores e autoras galegas. Findando o acto o alcalde da Corunha fizo umha curta dissertaçom, para logo os todos os presentes cantar o hino galego.

Agrupaçom Cultural O Facho
G-15037021 / N. I. 1966/000008-1ª
Apartado de Correios nº 46 O.P.
Corunha

O passado dia 8 de Maio, a catedrática e académica da RAG, Marilar Aleixandre intervéu dentro do ciclo Língua, Literátura, e Naçom . A sua exposiçom versou sobre María Victoria Moreno: o compromiso coa lingua e as liberdades e O Facho . María Victoria Moreno é a figura homenageada neste ano com o galho das Letras Galegas.

Marilar Aleixandre mostrou numha significativa exposiçom o processo de identificaçom com a cultura e língua do País realizado por Victoria Moreno, depois de tomar Pontevedra como cidade de residencia. E como neste compromisso a existência do concurso literario d'O Facho, Contos para nenos foi fulcral nom só como iniciador a literatura infantil galega, senom também como facilitou que futuros escritores como a figura homenageada fizeram da língua galega a sua língua comum e veicular.

Agrupaçom Cultural O Facho G-15037021 / N. I. 1966/000008-1ª
Apartado de Correios nº 46 O.P. - Corunha

Oferenda floral no monumento a Curros Henriques com o galho das Letras Galegas do ano 2018

08 de Maio 2018

Com o galho das Letras Galegas, a Agrupaçom Cultural O Facho convida assistir à tradicional oferenda floral diante do monumento a Curros Henriques. O evento terá lugar o dia 8 de Maio, às 12 e 1/2 da manhá, nos jardins de Mendes Nunes da Corunha em lembrança de todos aqueles que fizérom da cultura galega umha constante e permanente jeira na construçom da liberdade do povo galego.
Solicitamos aos assistentes, se o tenhem a bem, leiam um poema ou pequeno texto de qualquer autor ou autora galega da sua escolha.

Que os pardais corram aos falcons.
Saúdinha e cante o melro.
J. Alberte Corral Iglesias
Presidente d?O Facho

Agrupaçom Cultural O Facho
G-15037021 / N. I. 1966/000008-1ª
Apartado de Correios nº 46 O.P.
Corunha

A Agrupaçom Cultural O Facho a bem convidar à conferência que o vindouro dia 8 de Maio, terça (martes), catedrática e académica da RAG, Marilar Aleixandre falará sobre a figura homenageada neste ano com o galho das Letras Galegas. A sua palestra intitula-se ?María Victoria Moreno: o compromiso coa lingua e as liberdades e O Facho?

Marilar Aleixandre, nome literário de María Pilar Jiménez Aleixandre é professora na USC. Chegou a Vigo nos anos 70 como professora de ensino médio. Nessa cidade participou na loita contra a tirania clerical-fascista do franquismo e co-fundora a primeira associaçom feminista galega. Assi mesmo foi pioneira no uso do galego no ensino das ciências. O primeiro relato que escreveu em galego foi um conto sobre vampiros, sendo o germolo de Agardando polos morcegos. Logo vinhérom A formiga coxa, a sua primeira novela de literatura infantil, e A expedición do Pacífico. Ademais de destacar como autora de literatura infantil e juvenil também escreveu para adultos. Foi finalista do Premio Xerais de Novela com Tránsito dos Gramáticos. Publicou o libro de relatos Lobos nas illas, sobre as difíceis relaçons familiares, etc...Boa parte da sua obra narrativa está traduzida a outras línguas. Traduziu do inglês para o galego o poemário Muller ceiba, A caza do Carbairán, etc... Assi mesmo é umha reconhecida poeta.
Que os pardais corram os falcons. Saúdinha e cante o melro.
Dia: 8 de Maio 2018 - Hora: 8 do serám
Local: Portas Ártabras . Rua Sinagoga 22

J. Alberte Corral Iglesias
Presidente d?O Facho

O passado dia 24 de Abril, o professor de Historia, Carlos Barros Guimaráns, compartilhou com o numeroso público assistente a sua conferência organizada dentro do ciclo, Economía, Historia e C.C. Sociais: Vencedores e vencidos na revolta irmandinha

Na sua rica exposiçom o conferenciante salientou a situaçom de agressom e opressom na que se achavam as classes populares galegas por parte dos senhores feudais a mediados do século XV no Reino da Galiza, o que motivou o levantamento destas classes contra a oligarquia feudal, composta por prelados e os grandes senhores. Salientou o triunfo dos irmandinhos nom só por sere capazes de criar umha estrutura de governo para todo o país durante dous anos através da Junta Irmandinha, e como na contra-revolta levada a cabo polos oligarcas feudais, e estes fôrom incapazes de tomar as cidades e vilas. Practicamente todas as torres e castelos fôrom derrubados polos alçados, o que é mostra do êxito da Revolta Irmandinha.
Ao findar a palestra houvo um distendido colóquio com o público assistente.

Agrupaçom Cultural O Facho
G-15037021 / N. I. 1966/000008-1ª
Apartado de Correios nº 46 O.P.
Corunha

A Agrupaçom Cultural O Facho convida-o assistir aos seus ciclos de palestras públicas do período 2017/18

Palestra

O vindouro dia 24 de Abril, terça (martes), o professor de Historia, Carlos Barros Guimaráns, há falar dentro do ciclo,Economía, Historia e C.C. Sociais. A sua exposiçom versará sobre: "Vencedores e vencidos na revolta irmandinha"

Barros Guimaráns, é historiador especialista na Historia Medieval da Galiza. É formado em Engenharia Técnica Industrial e licenciou-se em Geografia e Historia na USC. Obtivo o doutoramento com a tese, Mentalidad y revuelta en la Galicia irmandiña: favorables y contrarios. Actualmente exerce como professor de Hª Medieval na USC. Formou parte do PCG, e foi membro do seu Comité Central e Secretario de relaçons políticas. Assi mesmo é coordenador do Grupo de Investigaçons Historiográficas de la USC, e director-fundador de la Reda Académica Internacional "Historia a Debate". Entre a sua obra podemos sublinhar: A mentalidade xusticieira dos irmandiños, ¡Viva el-Rei! Ensaios medievais, Historiografía fin de siglo, etc....

Dia: 24 de Abril 2018 - Hora: 8 do serám
Local: Portas Ártabras . Rua Sinagoga 22

J. Alberte Corral Iglesias
Presidente d?O Facho

Correio electrónico: o_facho_a_corunha@yahoo.com.br
Segue-nos em Facebook: Agrupaçom Cultural O Facho
Para ajudas e aportaçons económicas: Conta: ES02.3070.0044.58.6090453421
As conferências podem ser ouvidas em: http://agal-gz.org/blogues/index.php/ofacho/

O passado dia 17 de Abril, terça (martes), o arqueólogo e investigador Filipe Seném López Gómez ofereceu a sua palestra ?O Espólio cultural galego? dentro do ciclo, Economia, História e C.C. Sociais organizado pola nossa Agrupaçom.

O arqueólogo e investigador Filipe Seném fizo umha detalhada exposiçom do abandono e espólio em que se acha nom só património imaterial do nosso Pais, senom assi mesmo como a nugalha das autoridades político-culturais responsáveis do seu cuido e mantimento, incumprem as suas obrigas quando nom som cúmplices do desleigo histórico-cultural expressado no abandono dos artefactos arqueológicos que nos construírom com povo e país.

Depois da sua ricaz exposiçom o conferencista mantivo umha interessante palestra com o público assistente.