23-09-2008
Bicicletas, contaminaçom e hipocrisia
Di o e-Estraviz que a hipocrisia é o fingimento de boas qualidades ou sentimentos, para aparentar os contrários dos que realmente se têm. Sinónimos: fingimento, falsidade [do grego hypokrisia].
Como noutros muitos concelhos da Galiza, Ponferrada, capital desta regiom berziana, também celebrou nestes dias essa pretenciosa jornada chamada "Dia sem carro", "Jornada da mobilidade", ou como se lhe queira chamar.
22-09-2008
The Put Night (o começo dos começos)
Vai já para 20 anos, que um grupo de rapazes/as, estudantes (mais ou menos) do liceu Arcebispo Gelmires-I de Compostela (entre os que estavam o Barón de Medio Pelo, entom mais conhecido como Davidú, e quem isto escreve), editavamos o número 1 (e único) da Nova Época da revista The Put Night.
Em anos anteriores, publicaramos vários números do The Put Night, editados em linotípia e grampados. Mas, este número, impreso em Tórculo, supunha um grande avanço para nós. Tam grande, tam grande, que nom editamos mais números.
A desapariçom dum post
Inexplicavelmente para mim, desapareceu o último post que escrevim. Aquel que falava da revista The Put Night, que um grupo de rapazes faziamos no liceu Gelmires-I, em Compostela, haverá uns 20 anos.
Quando me recupere da impressom, e do cabreo, intentarei escrevi-lo novamente. Mas já nom será o mesmo.
A informática...
18-09-2008
Dia das Letras do... 2011
O Partido do Bierzo soma-se às propostas de dedicar o Dia das Letras de 2011 a António Fernández y Morales.
17-09-2008
Um inédito de Lugris Freire
A verdade é que nem eu tenho, nem penso que ninguém na minha família mais próxima tenha, nengum documento de Lugris Freire.
Mas no 2006, quando se lhe dedicou o Dia das Letras, um seu neto, Manuel Lugris Rodríguez, tivo a bem desculpar a sua ausência ao acto que para esse dia celebrava Fala Ceive em Ponferrada, com umha carta sua e um poema de Manuel Lugris Freire que é este que aqui transcrevo.
COLON
¿Que foi galego Colón?
Nin o afirmo, nin o nego.
Por mim pode ser galego
ou ser chino de Cantón.
Non pasan pouco trabalho
furgando en velhos papés
catro sabios do revés
cô mais pedante arruallo.
El nada quixo falar,
encol do seu nacimento;
nen sinal nen documento
se poido ainda atopar.
Mais s'en Galicia foi nado
e adrede o caso calou,
o bon senso o designou
Gran Patrón do Renegado.
16-09-2008
Ajuda urgente para Cuba
Atençom! Lê e difunde esta informaçom. É urgente. É necessário. É de justiça.
Olha este vídeo de Cuba Informaçom.
Os furacans Gustav e Ike causarom graves danos na ilha das Caraibas. O portal Cuba Informaçom publica um listado com os números de diferentes contas bancárias de diferentes países de todo o mundo nas que poder ingresar dinheiro para contribuir a paliar a grave situaçom criada.
O conjunto das organizaçons, entidades, movimentos e organismos internacionais de solidariedade com Cuba realizarom um chamamento para realizar umha campanha urgente de solidariedade material com o povo cubano, por meio do ingresso de fundos económicos que iram destinados às necessidades fundamentais e peremptórias da populaçom afectada.
15-09-2008
14-09-2008
Categorias: Cousas por aí, Estam tolos estes espanhois, Stop hipocrisia!
O peido de Airberlin ainda cheira
Nom está bem auto-citar-se tanto, mas é que há umhas quantas semanas falei dum peido, e resulta que ainda cheira, e cheira mal, quer-se dizer: fede, apesta, é mesmo insuportável.
E o senhor da foto, por nome Álvaro Middelmann, pensa que cheira, mas que cheira bem, vaia que arrecende, vaia que é um aroma agradável. E penetrante.
A minha língua remix (oceanic version)
Publicado na Revista das Letras do 4 de Setembro, trata-se dumha versom do meu próprio poema "A minha língua quero na tua boca", escrita haverá já practicamente dous anos, e que se pode incluir dentro do meu "trabalho" de Bi-lhei.
A minha língua quero na tua boca
e falar com o silêncio dos peixes
tam líquido e húmedo
o falar dos sargos
petaranhas e maragotas
o falar dos xurelos
as sardinhas e as xoubas
Entendermo-nos entre bránquias
Mirarmo-nos entre escamas
Movermono-nos na âgua
entre fluidos e sabores salgados
como quem durme numha cama na tua cama
Categorias: Cousas por aí, Estam tolos estes espanhois, Stop hipocrisia!
Colaborar com Garzón?
Carlos Morais, escreve um interesante artigo no web de Primeira Linha, no que analisa a decisom do juiz Garzón de reclamar censos de vítimas do franquismo a diferentes instituiçons. Reproduzo-o aqui polo seu interese.
Devemos colaborar com Garzón?
Carlos Morais
A inícios de mês, o juiz da ?Audiência Nacional? Baltasar Garzón reclamou a diversos estamentos da administraçom espanhola (ministérios, cámaras municipais) e também à Conferência Episcopal o censo das centenas de milhares de desaparecidos durante a Guerra Civil e a brutal repressom da pós-guerra.
