24-01-2007

  17:29:43, por Lugris   , 272 palavras  
Categorias: Escrever nom é mau, Livros

Volver-lhes a palavra

Recentemente, tem-me chegado à minha morada o volume colectivo "Volverlles a palabra", umha coediçom, coordenada por Xoán Carlos Domínguez e Baldo Ramos, da Difusora de Artes Letras e Ideas, da Junta da Galiza e com a colaboraçom da Associaçom Arraianos, no que se recolhem as colaboraçons literárias de 57 autoras/es e gráficas doutras 14 pessoas (entre elas, modestamente, eu próprio, com um pequeno poema inédito, nom publicado ainda em papel nem na rede) que querem, em palavras dos coordenadores, "render umha solidária e comovida homenagem a todas as mulheres e homens que foram repressaliados pola ditadura franquista por pensar e viver livremente num país que começava a nascer".

Full story »

  11:02:04, por Lugris   , 31 palavras  
Categorias: Estam tolos estes espanhois

Cuidado! Vam por ti!

Neste caso, a categoria dos comentários deveria chamar-se: "Som uns fascistas estes espanhois". Já se ve qual é o verdadeiro talante dos progres!
De qualquer forma, cuidado. Muito olho, e avante!

23-01-2007

  19:54:14, por Lugris   , 237 palavras  
Categorias: Cousas por aí

Conta-me como se passou (ou "Aqueles marabilhosos anos")

Entro no meu messenger, e aperece alguem que me envia umha ligaçom para um vídeo de youtube, no que se recolhe um capítulo dumha possível série para a tele, que se poderia chamar "Conta-me como se passou" ou bem "Aqueles marabilhosos anos", ou ainda "Momentos gloriosos do movimento nacional popular".

Entre, e mira a colecçom completa, para saber como eram todos estes com 22 anos menos (e é que, contrariamente ao que di o tango, 20 anos som muito!)

Suso Vaamonde, Milladoiro, Los Ilegales, Radio Océano, Lois Diéguez, Xosé Mª Álvarez Cáccamo, Os Resentidos, Manuel María, Darío Xohán Cabana, Terminal Norte, 39 Escalones, Na Lúa, Xosé Manuel Beiras, Manuel Rivas, Antón Reixa, Xosé Luís Méndez Ferrín, Aerolíneas Federales... Todos juntos e revoltos a dizer cousas que hoje, practicamente todos eles, nom diriam. Por certo: fixai-vos que todos som ELES. Elas, no glorioso movimento nacional popular, deviam estar dedicadas a outras cousas.

Ferrim a reclamar o socialismo real "que existe na URSS, em Cuba, em Ángola", para Galiza; Rádio Oceano a falar contra "um governo de moros, de moros, de moros de mierda que quiere acabar con un pueblo de trabajadores navales; Xosé Manuel Beiras, "rector in pectore" da USC, segum o apresentador, acusando ao governo espanhol do PSOE e a Junta de querer reconvertir a universidade para que apodreza, etc... etc... etc...

  19:08:02, por Lugris   , 82 palavras  
Categorias: Stop hipocrisia!

Da esquerda da esquerda à direita do centro

Ia escrever um comentário sobre aquela velha (e agora já, caduca) "esquerda da esquerda" que nos anos 60 e 70 caminhavam entre nós, ao fio do aniversário dumha velha publicaçom da esquerda esquerdista espanhola, que estivo cheia de personagens que presumiam precisamente disso, de estar à esquerda da esquerda, para terminar, hoje em dia, à direita do centro (quando nom à direita da direita), mas atopei em Rebeliom um muito bom texto de Emir Sader, que recomendo: Guía para ser ex izquierdista

17-01-2007

  15:17:22, por Lugris   , 63 palavras  
Categorias: Cousas por cá

Mofa e Befa no Bierzo

Dentro do programa "Lenguas a escena", que organiza a Escola de Idiomas de Ponferrada, a quarta feira 14 de Fevereiro, às 21'00h,no teatro Bergidum de Ponferrada, poderemos ver a Mofa e Befa com a sua obra "SEMPRE LONXE", con Evaristo Calvo, Victor Mosqueira e Piti Sanz, dirigdos por Kiko Cadaval.

Aqui podedes ver umha pequena parte do espectáculo. Mais que recomendável!

27-12-2006

  08:39:33, por Lugris   , 156 palavras  
Categorias: Estam tolos estes espanhois, Stop hipocrisia!

Um País em espanhol

A estas alturas já as poucas pessoas que lêm algumha vez este blog sabem que El País (o diário independente da manham e dependente de quem todos sabemos), tem umha ediçom galega. Já falarei mais adiante da especial importáncia que tem ver, cá no Bierzo, que o País publica artigos, notícias e reportagens em galego, porque, por se nom o sabedes, a ediçom de El País que se reparte no Bierzo é, por suposto, a ediçom galega!!!
Mas o que mais me chama a atençom dessa ediçom é ver como algumhas pessoas (outras nom), aproveitam a existência dessa ediçom para escrever EM ESPANHOL!!! os seus artigos, textos, comentários... Supostos jornalistas, artistas e intelectuais, está a aproveitar a existência dessas páginas para iniciar a sua viagem cara as letras espanholas.
É é que, parafrasando a Obélix mais umha vez, está tolos estes espanhois!

21-12-2006

  17:08:43, por Lugris   , 631 palavras  
Categorias: Escrever nom é mau, Livros, O Livro das Confusons

Queres um livro das confusons de balde?

Nom te confundas, isto nom é um concurso electrónico, isto nom é um calote de internet, isto nom é umha brincadeira virtual. Isto é umha pequena demostraçom de que a cultura (neste caso, modestamente, a literatura) pode nom só circular livremente grazas às novas tecnologías, mas que também pode repartir-se, livre e gratuitamente, boicotando isso que agora se chama indústria editorial e indústria dos direitos do autor, contando com as ?vellas? tecnologías.
Se es umha das (imagino que poucas) pessoas que lêm este blog, que se actualiza dependendo das possibilidades de quem isto escreve, tes a oportunidade de conseguir, completamente de balde, um livro, completamente de poesia. E, por suposto, na nossa língua.

Full story »

05-12-2006

  14:45:00, por Lugris   , 521 palavras  
Categorias: Cousas por cá

Protesta ante o escaso reconhecimento da nossa língua, no Estatuto de Castela e Leom

A Associaçom Cultural Fala Ceive do Bierzo , denúncia nos dias passados que no proxecto de Estatuto de Castela e Leom, aprovado o 29 de Novembro passado polas Cortes (Parlamento) regionais, nom medrou o reconhecimento jurídico do idioma galgo. Mantem-se em dito proxecto o mesmo texto do ainda em vigor Estatuto de 1999, que estabelece que ?gozará de respeito e protecçom a língua galega nos lugares em que habitualmente se utilice?. Porém, sim que se introduzem novidades no tema lingüístico, ao falar do leonês nos seguintes termos no novo artigo 5.2: ?o leonês será obxecto de protecçom específica por parte das instituiçons polo seu particular valor dentro do património lingüístico da comunidade. A sua protecçom e uso será obxecto de regulaçom?. Fala Ceive chama a atençom sobre este distinto tratamento estatutário das línguas minorizadas presentes na Comunidade Autónoma, e por tanto legal, que di que nom tem nengum sentido nem explicaçom possível.

Fala Ceive pergunta-se porquê motivo o leonês vai ser obxecto dumha regulaçom jurídica específica e a língua galega nom. Para a entidade normalizadora berziana, as e os galego-falantes das Portelas e do Bierzo, regións galegas hoje em dia baixo administraçom castelam e leonesa, também tenhem todo o direito a que se regule legalmente o seu idioma próprio, para que se formalice juridicamente a sua protecçom, uso e promoçom. Nesse sentido, exigem umha protecçom igualitária para as línguas minorizadas no futuro Estatuto de Autonomia de Castela e Leom, advertindo que de nom fazer-se assim estará-se dando umha evidente internvençom política discriminatória para com a língua e a cultura galega por parte das Cortes regionais. Nesse sentido, lembram que o proxecto de Estatuto aprovado, e que ainda tem que passar polo tramite Parlamentário em Madrid, recolhe como obxectivo das políticas publicas, no seu artigo 16.23, ?a nom discriminaçom e o respieito dos distintos colectivos étnicos, culturais e religiosos em Castela e Leom, com especial atençom à comunidade gitana, fomentando o entendemento mútuo e as relaçons interculturais?.
Fala Ceive do Bierzo quer que o proxecto aprovado seja obxecto de reforma no tramite nas Cortes espanholas, e lembram que foi nesse tramite onde se incluiu ao reconhecimento da nossa língua e cultura no ano 1998, pois no proxecto de Lei aprsentado em Madrid tal reconhecimento nom existia. Por tal motivo, Fala Ceive anuncia que realizará diversos contactos com os partidos políticos presentes no Parlamento espanhol e no Senado, nomeadamente PP, PSOE, BNG, IU, ERC e Chunta Aragonesista, para fornecer-lhes de informaçom sobre a realidade e a problemática lingüístico-cultural da Comunidade Autónoma de Castela e Leom, com a intençom e evitar qualquer tipo de discriminaçom, e para recabar apoios para a declaraçom de oficialidade da língua galega no Estatuto de Autonomia, passo prévio e necessário para poder aprovar declaraçons similares noutras instituiçons berzianas, como os concelhos e o Conselho Comarcal.

28-11-2006

  15:26:57, por Lugris   , 2935 palavras  
Categorias: Cousas por aí

Ainda mais sobre o Mapa

Diversos meios tenhem recolhido nas últimas semanas a notícia do mapa comarcal da Galiza editado por NÓS-UP... há três anos! Nom está mal: se calhar dentro de três anos, recolhem as iniciativas que NÓS-UP está levando adiante na actualidade (como por exemplo a campanha contra a simbologia fascista).

Primeiro, como saberam as pessoas asíduas deste blogue, a "notícia" apareceu num periódico de Samora, escandalizado porque um mapa da Galiza recolhera entre as suas comarcas a Seabra. Dias depois, a polémica foi recolhida em Astúrias, onde os espanholistas e o asturianismo mais descerebrado sempre caminham de maos dadas à hora de atacar à língua e a cultura galegas do Eu-Návia e Íbias. E um par de semanas mais tarde, é "El Mundo-La Crónica de Leom" quem traslada a polémica ao Bierzo e à Cabreira.

Polo meio, todo tipo de declaraçons e desvários. Desde umhas declaraçons da Conselheira de Educaçom da "Xunta de Galicia", dizendo que o mapa era ilegal (sic), até alcaides asturianos do PP e o PSOE pedindo umha condena do mapa por parte do Parlamento espanhol.:crazy:

Onte mesmo, "El Mundo-La Crónica de León", na sua ediçom para o Bierzo, recolhia umha interesante entrevista com Maurício Castro, membro da Direcçom Nacional de NÓS-Unidade Popular. Hoje, o web de NÓS-UP e também Primeira Linha em Rede, entre outros meios electrónicos, recolhem, em galego, essa entrevista. O web de NÓS-UP, aclara que "a entrevista, dedicada sobretodo à proposta territorial da esquerda independentista galega, desenvolveu-se integramente em galego, mas foi finalmente publicada em espanhol, na secçom berziana do referido diário".

Full story »

  14:56:06, por Lugris   , 377 palavras  
Categorias: Cousas por aí

Barbaridades do Reino de Leom...

Leo isto hoje no "Diário de Leom", que bem poderia chamar-se "Diário de psiquiatria" :crazy:

"Sin abandonar los límites del despropósito, no puede resultar más paradójico que, en el presente año, se haya renovado el convenio suscrito, hace cinco años, entre la Xunta de Galicia y su homóloga de Castilla y León para promocionar, en el Bierzo y Sanabria, el empleo del gallego -variante, como es sabido, del leonés-."

Os leoneses sempre igual: pensam que para que a língua leonesa recupere a sua saude, a língua galega tem que estar moribunda. Sem palavras!

Mas é que o homem, o autor deste artigo, um tal José Antonio Fernández Llamas, é todo um especialista, um filólogo desses estupendos, que um pouco mais arriba, oferece toda umha magistral liçom de lingüística románica: "Por último, llamar la atención sobre palabras tales como «pardal» y «pega», propias de las actuales León, Zamora y Salamanca, que no son utilizadas en el resto de España, donde se prefiere»gorrión» (siendo lo anterior cierto, sí vienen recogidas en el diccionario. Por tanto, aportación del leonés al castellano)".

O que nom sei é como entom pode explicar que o e-Estraviz, diga:
"Pardal s. m. Zool. Ave passeriforme da família dos fringilídeos de cor escura que se domestica facilmente e tem um canto agradável. N. C. Acanthis cannabina."
"Pega3 s. f. (1) Zool. Ave da família dos corvídeos, de cor negra e branca o abdome, que se alimenta de insectos ou pássaros. N. C. Pica pica. Há diversas variedades de pegas: pega-carniceira, pega-carrachenta (o mesmo que pega-rabilonga). Pega-da-fraga, pega-da-montanha, pega-do-país (o mesmo que pega-marça. N. C. Garrulus glandarius). Pega-gaia, pega-marcha, pega-marça, pega-real, pega-reboldana, pega-rebordá: N. C. Garrulus glandarius. Pega-rabilã, pega-rabilonga, pega-rabuda, pega-raposeira, pega-porca, pega-preã, pega-sapeira: N. C. Pica pica. Pega-marinha: gavita. N. C. Haematopus ostralegus. Pega-fria: avefria. N. C. Vanellus vanellus. Pega-marta: azul monhuda. (2) pop. Mulher mal vestida. (3) Castanha cozida com casca [lat. pica]".

Mágoa que nom abundem entre os e as defensoras do leonês as pessoas com as que se poda falar e razonar. Algum trabalho é que se poderia fazer conjuntamente, mas com esta tropa...

<< 1 ... 25 26 27 28 29 30 31 32 33 34 35 ... 44 >>