30-11-2005
Maricarmen Lugris: Arte de calceta
Há bem de dias que abrim a sub-categoria "Maricarmen Lugris", dentro da categoria "Lugris", mas os problemas dos que falava no comentário anterior impedirom-me enché-la de conteudo. Hoje, com pouco tempo e muito orgulho, traio para cá esta ligaçom, junto com esta outra recomendando umha visita a esta exposiçom com a que poder lembrar e/ou conhecer o trabalho dumha pessoa excepcional.
Esteja onde esteja, ainda está com nós. Com nós está o seu trabalho, a sua arte, a sua calceta, palavra que é pequena de mais para explicar e conter a arte que ela trabalhava, que ela criava.
10-11-2005
Tempo...
Levo tanto tempo sem escrever no blogue, que mais de um ou umha pensariam que isto já estava morto. Pois nom! O que está morto, se algum deus das novas tecnologias nom o remédia, é o meu computador, que parece que decidiu boicotar o meu contacto com a rede...
Para alem disto, a minha condiçom de pluriempregado (um trabalho de manham, outro trabalho na tarde-noite), tem-me impedido mesmo achegar-me a um ciber para actualizar este modesto blog de operário. Hoje, só queria vir cá para dizer que sigo vivo, e que no Berzo seguimos recebindo visitas de Ovnis que sobrevoam as nossas isoglossas, ainda que eu nom poda contá-lo.
Veremos se com o passo do tempo, podo novamente recuperar as minhas relaçons com a rede...
Saúdos
28-09-2005
O Berzo será o que o Berzo queira ser
O Diario de León publica hoje a resposta ao artigo que os leonesistas da "Plataforma Pro Identidad Leonesa" publicaram no dia 14 de Setembro, como resposta, à sua vez, ao artigo colectivo "Tira por ela Galiza, mas Castela nom a solta", publicado polo Diário o dia 1 de Setembro.
16-09-2005
Acto em Vila Franca de apoio à Candidatura à UNESCO
Por cousas.tk inteiramo-nos do programa de actos a celebrar manham, 17 de Setembro, em Vila Franca do Berzo como apoio à Candidatura do Património Imaterial Galego-Português para ser declarado "Património da Humanidade" pola UNESCO.
14-09-2005
Gigurros e cazurros
Responde hoje no Diário de Leom umha no Berzo desconhecida "Plataforma pro-identidad leonesa", de certa actividade na cidade de Leom, ao artigo publicado, em espanhol, no próprio Diário de Leom o 1 de Setembro passado, e, em galego, neste blog e noutras webs galegas (PGL, Primeira Linha em Rede, Vieiros,...). Sob o título "El Bierzo es leonés", pretendem nom só negar as históricas relaçons entre a comarca berziana e o resto da naçom galega, mas mesmo negar ao conjunto da populaçom berziana o direito a decidirem o seu futuro.
10-09-2005
El Toralin. Asociación Berciana en defensa de la llingua llïonesa
Informa o Diário de Leom, na sua ediçom do Berzo da sexta-feira 9 de Setembro, da criaçom da "Asociación Berciana en defensa de la llingua llïonesa El Toralin", associaçom independente, cultural e apolítica em defesa da língua leonesa no Berzo. Segum di a imprensa, os seus fundadores decidirom denominá-la "oralin" (que é o nome do campo de futebol da S.D. Ponferradina, sito no lugar que leva esse nome), porque é um topónimo em leonés muito estendido pola comarca.
07-09-2005
Quê fazer?
E também estam as sombras
e o silêncio
E todas essas palavras que desconheço
e que penso
que já nom serei quem de pronunciar
E chega Setembro
antes que Outubro
e nom sei se som os teus olhos
ou os teus beizos
E quê fazer?
Digo
Quê fazer?
Porque também estam as sombras
e o silêncio
E todas essas palavras que desconheço
Discriminaçom lingüística
Já falara disto há umhas quantas semanas (o 20 de Junho), no meu comentário "Passam do galego, passam do Berzo", e agora Fala Ceive fai pública a denúncia por discriminaçom lingüística por parte da Junta de Castela e Leom, ao convocar os seus "Prémios Internet de Castela e Leom" em várias categorias, dedicando umha delas, nada mais e nada menos, que à promoçom do espanhol.
Por suposto, da promoçom do galego, nada de nada.
06-09-2005
Conselho Comarcal do Berzo apoia candidatura à UNESCO
Com umha dessas notícias nas que nom se entende nada de nada se nom sabes de que vai o tema, e com um titular que parece tirado dum jornal de há sessenta ou setenta anos ("Apoyo a la defensa de las tradiciones del Bierzo"), El Mundo-La Crónica de León informava na sua ediçom do Sábado 3 de Setembro de que o Conselho Comarcal do Berzo apoiava a candidatura do Património Inmaterial Galego-Português para ser declarado Património da Humanidade por parte da UNESCO.
