Ponte Vedra 100% em galego
Organizamos ato sobre a luita do povo palestiniano

Continuam as atividades de caráter internacionalista no nosso local social. Se recentemente informávamos da organizaçom dum ato sobre o Curdistám, desta volta achegaremo-nos à heroica e incansável luita do povo palestiniano contra o imperialismo e o sionismo, umha história de resistência ao genocídio, à expulsom, à ocupaçom e o apartheid do Estado de Israel, principal aliado de Estados Unidos e a Uniom Europeia na regiom. Ao igual que no caso anterior, a atividade está coorganizada junto com Mar de Lumes, e pretende contribuir para impulsar o crescente movimento internacionalista e anti-imperialista na Galiza.

No ato, que denominamos "Ocupaçom e Resistência", contaremos com a presença do camarada Fayez Badawi, da Frente Popular para a Libertaçom da Palestina, organizaçom política de orientaçom marxista-leninista fundada no 1967.

O ato celebrara-se a segunda-feira 22 de julho às 20:30 no nosso local social

Escrito em 10-07-2013, na categoria: Actividades, Palestras
Chuza!
A resistência do povo curdo
Vivam os povos que luitam!

Mar de Lumes, Comité Galego de Solidariedade Internacionalista, coorganiza junto com A Revira umha charla-colóquio sobre a resistência do povo curdo.

O acto celebrara-se a vindoura quinta-feira 18 de julho às 20:30 no nosso centro social. Contaremos com a participaçom de residentes curdos na Galiza e de Pepa Baamonde. Os curdos residentes na Galiza vam abordar a situaçom e perspetivas da luita da maior naçom sem Estado do planeta, repartida entre os Estados da Turquia, o Iraque, o Irám, a Arménia e a Síria, enquanto Pepa Baamonde vai falar sobre a sua experiência persoal no Curdistám, as similitudes lingüísticas em quanto à relaçom da língua do poder e a língua dominada, e a situaçom do curdo no ensino e noutros campos.

Podes aceder a umha reportagem sobre o Curdistám na página de Mar de Lumes.

Escrito em 08-07-2013, na categoria: Actividades, Palestras
Chuza!
VI Romaria do Dia da Pátria
romaria

A Revira e Almuinha organizam o sábado 6 de julho a VI Romaria do Dia da Pátria. Trata-se dumha completa jornada de reivindicaçom, conhecimento da natureza e o património, festa e convívio entre sócias e amigas de ambas as entidades culturais, que querem contribuir a dinamizar o autodeterminismo entre a populaçom da comarca.

As atividades incluem um roteiro polo Loira, umha saída em dornas pola ria (em colaboraçom com o Coletivo Ronsel), um jantar popular e umha foliada.

A participaçom é livre mas por questons organizativas há que anotar-se para as dornas e o jantar -que terá um preço de 10 euros- nos correios centrosocial@revira.org ou a.c.almuinha@gmail.com

Escrito em 23-06-2013, na categoria: Actividades, Festas, Jornadas
Chuza!
Marx no Soho (e na Revira)
Marx no Soho

Marx no Soho - Versión en galego de Pepe Sendón

Despois de moito protestar, un comité de ultratumba permítelle a Karl Marx volver ao mundo dos vivos durante unha hora. Un erro burocrático provoca que o seu espírito apareza en Santiago, materializándose nun anónimo transeunte.Marx volve para limpar o seu nome e deixar as cousas claras. Vén disposto a falar das súas ideas e de como foron mal interpretadas. Da súa vida: persecución e desterro, penurias no Soho, traxedias familiares, libros, erros, debates sobre o que foi o comunismo, o que non foi e o que ha de ser. Moitas cousas que contar e pouco tempo para falar. Tempo abondo, aliás, para descubrir que entre a actual crise e os días que Marx viviu, a humanidade non cambiou tanto.

Sexta 12 julho. Centro Social Revira. 22:00. Entrada 5 euros.(3? para sócias)

Full story »

Escrito em 18-06-2013, na categoria: Actividades
Chuza!
Roteiro pola senda do Leres
um percurso a descobrir!

O sábado 29 de Junho as Associaçons Culturais Revira, En Pé e Almuinha organizam em colaboraçom com a A.c.Cedofeita um roteiro pola senda do Leres. O roteiro arrincará as 10h na Facultade de Ciencias Sociais para ir a continuaçom pola ilha do Covo onde falaremos sobre a luita pola recuperaçom das junqueiras. Continuaremos cara a entrada de Monte Porreiro, zona de muitos fuzilamentos durante o franquismo, a casa das aguas e o balneário das águas engarrafadas. Também estudaremos a diversa flora e fauna da zona alem dos moinhos existentes . Após o mesmo celebraremos um jantar no Centro Social Revira. A inscriçom para o roteiro ou o jantar será nestes correios: centrosocial@revira.org e a.c.almuinha@gmail.com

Escrito em 18-06-2013, na categoria: Actividades
Chuza!

<< 1 ... 4 5 6 7 8 9 10 11 12 13 14 ... 72 >>

O Local Social Revira é um espaço alternativo galego inserido e ao serviço do movimento popular da comarca de Ponte Vedra fundado em Dezembro de 2003

Somos umha entidade independente, autogerida e plural, com visom de País e um projecto de esquerda anticapitalista.

Contacta com nós CS Revira em Facebook CS Revira em Twitter

Onde estamos? Gonzalo Gallas, 4, rés do chao Ponte Vedra, Galiza

Segunda-Feira 20.00 a 22.00
Terça-Feira 20.00 a 22.00
Quarta-Feira 20.00 a 22.00
Quinta-Feira 20.00 a 22.00
Sexta-Feira 20.00 a feche
Sábado 20.00 a feche

Ponte Vedra 100% em galego

LIGAÇOES

COLETIVOS PONTE VEDRA


CENTROS SOCIAIS

INFORMAÇOM

LINGUA

ANTIRREPRESIVO

MEIO AMBIENTE

FEMINISMO

SINDICATOS

DESPORTOS