Esta é umha versom antiga do documento!

Proposta normativa da AGAL

A presente Ortografia e morfologia para o galego-português moderno é um guia para facilitar a escrita num galego convergente com as variedades afro-luso-brasileiras, abrangendo todas as práticas ortográficas do reintegracionismo atual.

O propósito da mesma é só orientar quanto à morfologia e à ortografia, isto é, quanto à forma das palavras e à maneira de escrevê-las. Para outras informaçons de carácter lexical ou morfossintático e algumhas questons ortográficas aqui nom tratadas (a maior parte dos sinais de pontuaçom, a divisom silábica e a ortografia de palavras concretas difíceis de sistematizar em regras gerais) remetemos para o uso de outros materiais, como dicionários, prontuários e manuais, muitos deles acessíveis a partir do nosso site de formaçom.

Para a redaçom do texto, partimos das páginas dedicadas a expor a Normativa da AGAL presentes na segunda ediçom do Estudo Crítico (1989), umha vez que este já considerava todos os textos normativos anteriores: Estudo Crítico (1983), Prontuário Ortográfico Galego (1985) e Guia Prático de Verbos Galegos Conjugados (1989), ainda que os resuma em alguns casos. Este texto foi modificado no sentido de considerar diferentes atualizaçons normativas aprovadas pola Comissom Lingüística da AGAL desde entom, nomeadamente a inclusom do til em 1989, a adaptaçom ao Acordo Ortográfico em 1990 e a incorporaçom da conjugaçom do verbo traguer em 2013.

Porém, a principal inovaçom desta Ortografia e Morfologia para o galego-português moderno é a inclusom, por decisom assemblear da AGAL, de outras formas mais convergentes com as variantes luso-brasileiras da língua que já eram comuns no galego reintegrado moderno, com o objetivo de nom excluir nengum uso gráfico dos utentes do galego-português.

QR Code
QR Code pt_agal:norma_da_agal (generated for current page)