A Esmorga Blogue - Esta quinta-feira, 18 de Novembro, às 20h30, retomamos o Ciclo de Cinema Resistências desde a Periferia no Centro Social A Esmorga com a projecçom do filme argentino Antigua Vida Mía dirigida por Hector Olivera em 2001.

Desta volta, o tema escolhido polxs organizadores do cine-fórum é a violência de gênero. De facto, este 25 de novembro, celebra-se em todo o mundo o Dia Internacional contra a Violência de Gênero. Após a projecçom haverá um colóquio.

O filme conta a história de Josefa e Violeta, amigas desde sempre. Josefa é umha reconhecida cantora espanhola casada com o seu avogado e com dous filhos; Violeta está casada com um escritor mais velho do que ela e quere ter um filho. Tudo complica-se quando Violeta começa a sofrer maus tratos por parte do homem. Eis o detonante para que as duas mulheres se decataren de que viviam enganadas e nem tudo o que as arrodeiava era perfeito.

Resistências desde a periferia nasce como um ciclo de cine-fórums que terám lugar ao longo do ano (um cada mês) e é fruto da inquedança dum grupo de moças e moços de Ourense por contribuír a criar espaços de debate e reflexom. A organizaçom deste ciclo de cinema parte da planificaçom de 3 temas com os seus correspondentes filmes (ver mais abaixo) mas está aberto à participaçom para a organizaçom das projecçons de 2011 para todo aquel que tenha interese em achegar propostas e participar desta iniciativa. (contacto através de: resistenciasdp[arroba]gmail.com ).