A Esmorga blogue - Este sábado 19 de Março a partir das 18h, terá lugar umha homenagem em Belesar (Chantada) ao Piloto e em geral a todos os homens e mulheres que se botaram ao monte para luitar contra o Franquismo. Os seus inimigos chamava-nos ?bandidos? mas nós sabemos que apenas eram gente que por compromisso ou simplesmente obrigada polas circunstancias, decidiu pelejar e em muitos casos vender cara a sua vida.

José Castro Veiga, o Piloto, foi um deles. Nascido no lugar de Boelhe (Argemil-O Corgo), com 16 anos ingressou no corpo de Aviaçom do Exército Republicano em Madrid (de aí a sua alcunha). Acabada a guerra foi condenado a 30 anos de cárcere mas é indultado aos 4. Une-se ao Exército Guerrilheiro da Galiza no 1945, chegando a elaborar os estatutos da 2ª e 3ª Agrupaçom.

Quando o Partido Comunista, organizaçom de referência para muitos dxs combatentes, ordena em 1948 abandonar a confrontaçom armada, O'Piloto decide seguir pola sua conta. E assim foi durante 17 anos até que finalmente, o 10 de Março de 1965, a Guardia Civil tirotea-o e acaba com a sua vida quando se encontrava a descansar, num penedo à beira da barragem de Belesar.

Programa:

• 18h. Roteiro por Belesar até o lugar onde caiu O'Piloto. Homenagem.
  Lugar de encontro: Náutico da barragem de Belesar.
  Para chegar: desde Ourense, apanhar a N-540, direçom Lugo e ao pouco de passar Chantada tomar a LU-1802 e depois a LU-1811 até chegar à represa.
• 20h30 Jantar de confraternizaçom.
• 22h Concerto dos Labregos do Tempo dos Sputnik.
  Preço do jantar e o concerto: 10?
  Lugar: Náútico da aldeia de Belesar (nom confundir com o da barragem).
  Para chegar: desde Ourense, apanhar a N-540, direçom Lugo e tomar a LU-1801 justo antes de entrar em Chantada e pouco depois a LU-1806 até chegar à aldeia de Belesar, à beira do rio Minho.

Para mais informaçom: Anxo (672 015 992)