No entroido de 2008, volta O MERDEIRO e A MERDEIRA às ruas da ribeira do Berbés e da Zona Velha de Vigo.

OS MERDEIROS E AS MERDEIRAS sairám no Domingo 3 de Fevereiro e na 3ªfeira 5 de Fevereiro de 2008.

Esta figura criada polos marinheiros e marinheiras do Berbés para ridicularizar as gentes do rural do entorno de Vigo está num processo de recuperaçom. O Centro Social Revolta com o apoio da Associaçom Vizinhal e Cultural do Casco Velho iniciou a sua recuperaçom há quatro anos. A história desta figura de entroido urbano, reflexa o enfrontamento entre o mundo rural e mundo marinheiro.
No seu dia, as pessoas do rural vigués que se aproximavam até a ribeira do Berbés a recolher o escabiche (refugalhos de peixes e algas) eram os e as Escabicheiras. Na escuridom da noite recolhiam estes restos para adubar as leiras à lus do seu candil.

Chegado o entroido os marinheiros e marinheiras do Berbés vestiam-se com roupas e elementos (cebolas, grelos, varas,...) que recordavam aos escabicheiros e às escabicheiras e ridicularizavam o seu comportamento, exagerando-o. Utilizavam umha carouta que cobria a sua cara e eram mal falados. Sós ou bem em parelhas, saltavam polas ruas do que no seu dia foi o centro da cidade de Vigo (actual Zona Velha), provocando os risos e os arrepios de aquelas pessoas que ousavam cruzar-se no seu caminho.

OS MERDEIROS E AS MERDEIRAS sairám no Domingo 3 de Fevereiro e na 3ªfeira 5 de Fevereiro de 2008.