SALVA LIBERDADE!

SALVA LIBERDADE!

03-06-11

Titular do Julgado nº 6 de Vigo impom o ingresso em prisom do militante do Espaço Irmandinho. Salva Gomes é um veterano militante com anos de activismo em diversas iniciativas e organizaçons políticas e sociais como Causa Galiza ou a rede Galiza Nom Se Vende.

Os factos remontam-se ao 6 de Dezembro de 2007. Naquela altura dezenas de pessoas concentraram-se às portas da esquadra da polícia espanhola em Vigo em protesto pola detençom de quatro militantes independentistas após a manifestaçom autodeterminista convocada por Causa Galiza, acusados de ofensas à coroa pola queima dum boneco coa efígie do monarca espanhol. Do protesto daquele dia derivou um processo judicial por desordens e desobediência à autoridade contra sete militantes independentistas. O atestado policial claramente sobredimensionado falava de lessons a um polícia, tentativa de assalto à esquadra,.. Finalmente, e apesar da fiscalia nom solicitar condenaçons por falta de provas, a juíza, depois de escuitar o alegato político dos militantes julgados, condenava-os a umha multa de noventa euros por pessoa. Salva Gomes interessou-se no julgado polas conseqüências de os condenados rejeitarem o pagamento da multa ou a sua medida substitutiva de localizaçom permanente. Sendo a resposta do secretário judicial que era o ingresso em prisom. Após vários anos, umha suspeitosa falta de localizaçom do militante por parte do julgado e a teima e ruindade do secretário judicial que afirmou em todo momento que o condenado optou polo ingresso no cárcere, incluso dizindo-lhe ao próprio Salva "eu nom sonhei o que me dixeche ", comunicavam-lhe, desta volta si que o localizavam, a orde de ingresso em prisom. Depois do advogado do militante ter apresentado os recursos pertinentes, que foram desestimados, fazia-se firme a orde de ingresso, tendo de prazo até sábado 4 de junho para se apresentar na prisom d'A Lama.

O mesmo sistema judicial espanhol tam benevolente e indulgente com empresários e políticos corruptos, com delinqüentes fardados que roubam, traficam e assassinam, é extremadamente drástico, quando nom abertamente premeditador, prevaricador e repressivo no que di respeito à militança política e social neste País.

Desde o CS Revolta queremos mostrar todo o nosso apoio ao companheiro Salva denunciando esta nova medida represssiva, este novo ataque encadrado na progressiva fascistizaçom institucional e a constante ofensiva do poder contra os direitos políticos, civis e sociais, e particularmente na acossa e combate que padece o independentismo galego.

Ante este gravíssimo ataque as liberdades, do que hoje é alvo o Salva mas que amanhá poderia ser qualquer outr@ que ouse exercer a solidariedade ante a repressom, manter certos postulados socio-políticos ou simplesmente exercer umha crítica activa em qualquer ámbito social, desde Ceivar anunciam a convocatória dumha concentraçom de protesto para o sábado 4 de junho às 21h00 frente ao Museu de Arte Contemporánea (MARCO) de Vigo.


STOP REPRESSOM!!

SOLIDARIEDADE COM SALVA!!


Protestos contra o encarceramento do independentista Salva Gómes (galizalivre.org)


Ceivar convoca concentraçom de protesto contra o encarceramento do militante independentista Salva Gomes (ceivar)

Escrito ?s 09:27:25 nas castegorias: ACTIVIDADES
por csrevolta   , 478 palavras, 711 views     Chuza!

Ainda sem comentários