Em 3 de março de 1976, a polícia espanhola baixo responsabilidade directa do entom Ministro de Governaçom Manuel Fraga Iribarne, mata 5 pessoas e fere mais de cem em Gasteiz no transcurso dumha assembleia de trabalhadores/as.
Era a maneira em que o Estado espanhol fechava a porta à possibilidade de mudanças sociais profundas, a maneira de pôr os limites às crescentes demandas do povo.
Em 3 de março de 2006, trinta anos após, umha manifestaçom em recordo das vítimas com várias/os familiares destas à frente é duramente reprimida pola ertzaintza em Gasteiz.
Através da música do cantor catalám LLuis LLach, som apresentados estes factos no documentário "LLach: la revolta permanent" que projectaremos no centro social nesta quinta-feira dia 20 às 20h30.

Nesta sexta-feira dia 14 começamos a celebraçom do dia das nossas letras com umha festa no centro social. A partir das 18h30 haverá petiscos e projecçons. Já perto das 22h00, e antes de que os estradenses "Esquios" subam ao cenário, procederemos à entrega da camisola às/aos membros da equipa de bilharda que nos representarám no II Aberto de Bilharda da comarca de Vigo a jogar no torreiro de Bembrive o sábado 16 às 16h00.

No passado domingo dia 9 o Maio chegou à Revolta da mao de Deleite. Dentro da festa dos maios que se celebrou no bairro, o grupo viguês de apoio à lactaçom ultimou os preparativos da sua actuaçom no nosso centro social. No seu blogue podedes olhar mais fotos assim como um vídeo da jornada.

Em quatro anos, o tempo que dura umha administraçom norteamericana, um pequeno país que começa umha Revoluçom é submetido a centenas de actos de sabotagem, a umha invasom em grande escala, a um bloqueio económico e coloca-se no vórtice dum possível holocausto nuclear...Esta é a crónica, em eloquentes imagens, dos quatro anos que estremecêrom o mundo. Na proxima quinta-feira dia 6 às 20h30 no centro social.

Neste 1º de Maio o CSA O Guindastre, LS Faísca e CS Revolta organizamos um jantar que terá lugar no LS Faísca (Rua Toledo, 9) às 14h30. Polo preço de 8? haverá omeleta, empada, chouriço, mexilhom, jamom assado, pam, vinho e água e mesmo sobremesa com doces e licor café incluídos. Na mesma noite poderemos desfrutar do concerto que terá lugar na sala Farándula (Rua Rogélio Abalde, 6) por 4? com: Notarios, Antrax en tu tampax, Real banda de gaitas de Teis, Leo e Gabi Vacalouras e o Coro Tabernario.

Para continuarmos com a série de documentários sobre Cuba iniciada no passado dia 15, na próxima quinta-feira dia 29 de Abril às 20h30 projectamos "Antes do 59", documentário que recolhe os momentos mais relevantes da história republicana da ilha de Cuba desde o fim da Guerra da Independência em 1898 até a entrada de Fidel Castro em La Habana, em janeiro de 1959, à frente do Exército Rebelde.

Na segunda-feira dia 26 de Abril, coincidindo em tempo com o dia dos mártires de Carral (1846-2010) homenageados este fim-de-semana polo soberanismo galego organizado em Causa Galiza, inauguramos no nosso centro social a exposiçom que sobre a figura do patriota galego Joám Jesús Gonçales elaborou a A.C. O Fervedoiro sob o título: Joám Jesús Gonçales: porta dum futuro proletário.

É a nossa intençom com esta exposiçom cedida polas amigas e amigos do Fervedoiro, dar a conhecer a figura deste nacionalista galego nado em Sebil (Cúntis) em 1895 e que após umha vida de entrega à causa galega era assassinado polo fascismo em 1936 trás fundar o Terço de Calo para luitar contra o golpe militar.

A exposiçom que começa esta semana será acompanhada de mais actividades que girarám arredor da figura do de Sebil.

Na próxima quinta-feira dia 22 às 20h30 o nosso centro social acolherá o acto comarcal de Causa Galiza com motivo do dia dos mártires de Carral (26 de Abril), umha palestra do historiador Ugio-Breogám arredor da reivindicaçom autodeterminista e a sua relaçom com os factos de Abril de 1846.

GALERIA DE FOTOS

O Julgado Central de Menores da Audiência Nacional espanhola vem de emitir sentença esta mesma manhám contra o patriota galego Jurjo Rodrigues Olveira. Finalmente, 4 meses em centro de menores de Ourense e liberdade vigiada foi a pena imposta ao militante galego polo tribunal espanhol.