Arquivo da Categoria: Sem categoria

Galego Sempre Mais reuniu centenas de pessoas em defesa da hegemonia social da nossa língua

PA18290618ou

Centenas de pessoas somárom-se à coluna reintegracionista na manifestaçom em defesa do idioma do dia 18 de Outubro. Tal como tínhamos feito no 17 de Maio, a nossa plataforma voltou a convocar com a cor laranja como identificativo e umha faixa de cabeça com a legenda ‘Contra o bilingüismo, pola hegemonia social do galego’. Umha marcha alegre e combativa que concluiu na praça do Toural, onde Séchu Sende e Beatriz Peres alternárom a leitura do manifesto da Plataforma Galego Sempre Mais.
18

“Queremos que se supere a condiçom do galego como língua regional”

181009_gsmblocolaranja

Fonte: Vieiros

A plataforma, constituída arredor do movemento reintegracionista, participará tamén na manifestación do 18 de outubro cun cortexo de cor laranxa.

Eduardo Sanches Maragoto é un dos impulsores da plataforma Galego Sempre Mais, creada para defender a normalización da lingua galega dende a perspectiva do reintegracionismo. Como xa fixera no 17 de maio, Galego Sempre Mais estará presente na mobilización do 18 de outubro, aínda que cun cortexo diferenciado.

Vieiros: Como xurdiu Galego Sempre Mais?

Eduardo Maragoto: A plataforma xa xurdira con motivo da manifestación do 17 de maio. Desde hai anos, o reintegracionismo expresouse a través de diferentes colectivos, actividades, centros sociais… pero veuse a necesidade de conformarse dun xeito máis forte. Temos un proxecto normalizador moi claro para a lingua, pero precisabamos unha voz máis forte nestas mobilizacións. Xa na manifestación do 17 de maio decidimos constituír a plataforma, para apoiar o movemento normalizador e tamén darlle un futuro á actividade.

E cal é a súa principal diferenza cos outros grupos na defensa da lingua que apareceron recentemente?

Podemos dicir que a principal diferenza é que está centrada no reintegracionismo. Temos problemas para considerar o marco normativo actual para a normalización lingüística. Cremos que a lingua sen o reintegracionismo ten pouco futuro e non vai poder adherirse a novos retos. Cremos que é preciso a súa visibilización. O reintegracionismo sempre estivo no movemento normalizador e está no ideario de xente que non se escribe nesta normativa.

Participarán conxuntamente na manifestación do sábado 18 ou farano dalgún xeito diferenciado?

Temos un manifesto propio, Contra o bilingüismo, pola hegemonia social do galego. Imos levar un cortexo diferenciado, cunha faixa con esa mensaxe e coa nosa simboloxía, que estará baseada na cor laranxa. Imos dividirnos ao final para acabar no Toural. Alí leremos o noso manifesto. Queremos que se vexa a forza que temos.

Seguirán apoiando todas as iniciativas a prol da lingua?

O que temos decidido é apoiar calquera mobilización de movementos a favor da lingua e que se supere a condición do galego como lingua rexional. Queremos que sexa considerada unha lingua internacional. Se o contexto do movemento normalizador non o fai, teremos que facelo nós, pero apoiaremos todas esas iniciativas. O 17 de maio foi un ensaio que saíu bastante ben. Xuntámonos unhas mil persoas. Queremos repetilo, sentar as bases para unha plataforma que se prolongue no tempo e ter unha dinámica con máis actividades nos centros sociais.

Manifesto 18 de Outubro de 2009

Contra o bilingüismo
Pola hegemonia social do galego

cartaz18oO período histórico que estamos a viver é com certeza o pior para a nossa língua. Seria portanto o melhor momento histórico para que todos os grupos e todas as pessoas que temos como meta a hegemonia social do galego uníssemos as nossas vozes e as nossas acçons. O melhor momento histórico para que colocássemos num segundo plano as nossas filiaçons partidárias, as nossas fobias e os nossos preconceitos. O melhor momento histórico para incidir naquilo que nos une, que é muito, e nom naquilo que nos separa, que é menos do que pensamos. O certo é que a divisom, na conjuntura actual, é um luxo que nom nos podemos permitir.

Por isso, a Plataforma Galego Sempre Mais está aqui. Porque o seu único objectivo é que língua da Galiza se torne no referente lingüístico por excelência da sociedade galega, para além do seu sinal de identidade.

Para evitar isto, o governo actual está a seguir umha política de inutilizaçom do galego por meios de duas vias:

A primeira é eliminar ou reduzir a sua presença naqueles espaços sociais que fam com que umha língua seja sentida como tal pola sociedade galega. É o caso do ensino, o acesso a postos de trabalho ou os meios de comunicaçom. Facilita-se assim a hegemonia social do espanhol nestas áreas, já de por si muito acentuada.

A segunda é desligando o galego das outras variedades que sim som hegemónicas nas suas respectivas sociedades, caso de Portugal e do Brasil. Com isto consegue-se estrangeirizar todo o que elas produzem: software, livros, música, cinema. Facilita-se assim que a sociedade galega aceda a estes produtos unicamente em espanhol.

Ambas as linhas de actuaçom tenhem como objectivo restringir as potencialidades do galego, para que continue a ser umha realidade periférica a respeito do espanhol, quando nom facilitar já a sua substituiçom definitiva.

Portanto, a hegemonia social do galego e a estratégia galego-luso-brasileira som os eixos de qualquer política lingüística que aspire a que a Galiza exerça plenamente o seu direito colectivo à língua.

Organismos internacionais nom supeditados aos interesses do Estado, como o Conselho da Europa, tenhem recomendado repetidamente nos seus informes anuais o incremento dos nossos relacionamentos lingüísticos com Portugal e a aplicaçom de políticas de imersom no ensino galego, medidas essas que só seriam possíveis num quadro de verdadeira oficialidade legal do galego.

Em definitivo, a Plataforma Galego Sempre Mais apresenta-se novamente nas ruas de Compostela para defender esses princípios, esperando poder coincidir com outros colectivos também interessados na normalizaçom do galego.

Contodo, as entidades que formamos a Plataforma Galego Sempre Mais temos a firme determinaçom de ir além das convocatórias pontuais, alicerçando umha verdadeira unidade em torno dos referidos princípios. Com esse objectivo, convocamos umha assembleia aberta para o dia 21 de Novembro, em que sentemos as bases de umha nova entidade nacional que trabalhe todo o ano, e nom só em datas simbólicas ou concretas, pola conquista da hegemonia social do galego.

Galego Sempre Mais chama a mobilizar-se pola língua o dia 18 no bloco reintegracionista

 

Fonte: Portal Galego da Língua

170509_gsm_250O passado sábado, dia 3 de outubro, tivo lugar em Compostela umha reuniom da plataforma Galego Sempre Mais. O principal acordo a que se chegou foi a de aderir-se à manifestaçom pola língua do vindouro dia 18.

Como aconteceu na manifestaçom do Dia das Letras, o ‘bloco laranja’ reintegracionista participará na mobilizaçom com presença e faixa próprias, neste caso sob a palavra de ordem «Contra o bilingüismo, hegemonia social do galego». Ainda, aprovou-se redigir um manifesto que se distribuirá na marcha.

Por último, na seqüência da reuniom também se decidiu dar continuidade a Galego Sempre Mais, e com este propósito e para dinamizar o funcionamento da plataforma haverá futuras reunions.

Convocadores espontáneos

 

 

blocolaranja1

Chegou-nos estas fotos de adesom à manifestaçom em prol da língua do próximo domingo, 17 de Maio. Convocadas através de telemóveis, 20 pessoas aparecêrom no centro social do Pichel vestidas com camisolas cor-de-laranja, um distintivo que já se tornou símbolo dos galegos e galegas que querem usar a língua a tempo completo, sem fronteiras diglóssicas nem provinciais.

E já sabes: nom basta olhar para a foto, no dia 17 une-te à laranjada!

Galego sempre mais!

blocolaranja2

 

Participa no Bloco Laranja!

 

galegosempremais

12h15 no Palco da Música do Passeio Central da Alameda. Compostela.

Convocam:

Associaçom Galega da Língua, Movimento Defesa da Língua, Mocidade pola Língua, Fundaçom Artábria, C.S. Baiuca Vermelha, C.S. Esmorga, C.S. Faísca, C.S. Fouce de Ouro, C.S. Gentalha do Pichel, C.S. Gomes Gaioso, C.S. Henriqueta Outeiro, C.S. Mádia Leva!, C.S. Revira, C.S. Roi Soga de Lobeira, C.S. Sem Um Cam, S.C.D. Condado.

Apoiam:

AGIR, Agrupaçom de Montanha Augas Limpas, A.C. Almuinha, L’ambaixada de Països Cataláns na Galiza, Assembleia da Mocidade Independentista, Assembleia de Filologia, Assembleia de Mulheres do Condado, Briga, Colectivo Cultural Buril, DdoOLeR’09, Edições da Galiza, Espai Gallec dels Països Catalans, Fala Ceive, GalizaLivre.org, Gráficas XERGA, S.C., Maribolheras Precárias, NÓS-Unidade Popular, Sei O Que Nos Figestes… Nos Últimos 525 Anos, Siareir@s Galeg@s, Sociedade Cultural “Conto da Feira”, STEG, Treme a Terra, Verdegaia, VOGAL, Assoc. Cultural Pró-AGLP.

O Galego já é oficial na UE

7. A nossa aposta é reintegracionista, pois consideramos que o único futuro do galego passa por integrar-se no mundo da Lusofonia que permitirá a sua sobrevivência, ajudará ao seu prestígio e, sobretudo, fará com que os utentes tenham um universo de possibilidades de relações humanas, comerciais e culturais ao seu dispor.

Por José Manuel Barbosa*

 

lusofoniaJá há dez anos, no 1994, algumhas pessoas da AGAL tivemos possibilidade de conhecer o funcionamento do parlamento europeu e de experimentarmos “in situ” a situaçom das diferentes línguas comunitárias graças ao convite feito à nossa Associaçom pola Coligaçom Galega (C.G.) liderada na altura, e ainda hoje, polo que foi europarlamentar José Posada.

Foi no mês de Março e na semana imediatamente anterior à Semana Santa quando um pequeno grupo de representantes da AGAL entre os que figuravam o nosso actual Tesoureiro Jesus Miguel Conde, Carlos Garrido, Secretário da Comissom Línguística, Xavier Paz, José Manuel Aldeia, Rosário Fernandes Velho e um que isto vos escreve.

Visitamos Bruxelas e ali as instituiçons europeias, e nom vimos surpresa no facto de vermos como podíamos defender-nos no dia-a-dia na nossa língua, e nom polo facto tópico e folclórico de toparmo-nos com galegos por toda a parte -facto que nalgum caso se deu- mas porque o galego é conhecido e reconhecido internacionalmente como umha forma ou variante da língua que a romanística denomina galego-português.

Nom som duas línguas, mas umha, o qual nos foi útil para nom deixar-nos levar por complexos de nengum jeito e entendermo-nos na nossa língua com a rapariga responsável do hotel no que moramos aqueles dias, sendo ela belga mas por ser casada com um brasileiro. Também nom foi surpresa o sermos atendidos por alguns funcionários do parlamento europeu na língua de Rosália na que se nos dirigírom quando nos ouvirom falar entre nós pensando que eramos portugueses (estou seguro que se souberem que eramos cidadaos do Estado Espanhol e galegos provavelmente se dirigiriam a nós em espanhol).

A alguém lhe poderia parecer surpresivo que um companheiro de expediçom e representante dum grupo ecologista da Límia, o nosso amigo Manuel Garcia, apresentasse publicamente e no seu galego limiao umha informaçom sobre a concentraçom parcelar na sua comarca perante o pleno do grupo parlamentar europeu do “Arco Iris”, grupo dentro do qual estava o Eurodeputado Posada. Como bem se sabe, havia, e há umhas cabinas de traduçom simultánea que transpunham a fala do amigo Manolo Garcia aos diferentes idiomas dos distintos europarlamentares dos diferentes países que integravam aquel grupo.

Lembro que havia umha porta-voz escocesa, lembro um corso que interveu e algum flamengo… e todos entendiam o que o nosso companheiro expunha porque os funcionários de traduçom reconheciam aquilo como umha das línguas oficiais dum Estado membro, neste caso, reconheciam-no como português e faziam o seu labor transladando para inglês, francês, neerlandês, etc…

Tanto na altura como ainda hoje a informaçom que se verte sobre a situaçom da nossa língua na Galiza nom chega a todos os galegos, polo que é fácil acreditar que ninguém tivesse nem ainda hoje tenha muito conhecimento nem consciência do que é o Informe Killilea nem das cartas cruzadas entre o europarlamentar Posada e o presidente do Parlamento Egon Klepsch nas quais se reconhecia o galego implicitamente como língua oficial por sê-lo o galego-português, língua oficial dum dos Estados membros: Portugal.

Essas cartas estám publicadas nas AGÁLIAS do ano 1994 e nelas se toma o assunto a raiz da dúvida que alguns funcionários tinham em relaçom à língua do eurodeputado. Eles diziam que era português com um sotaque que eles nom conheciam. O Senhor Posada clarificou que com argumentos históricos e linguísticos que aquilo era a mesma língua de Portugal mas com o sotaque galego das Rias Baixas, lugar de origem dele. Posteriormente e com a intervençom do europarlamentar irlandês Killilea reconhecendo as variedades linguísticas da U.E. e do próprio presidente do Parlamento reconhecendo que todas as intervençons do eurodeputado galego foram recolhidas no diário de sessons e reconhecidas como feitas numha variante do português.

Há poucos dias víamos nos meios de informaçom galegos a notícia de a Espanha pedir para o galego o Status de língua oficial dentro da U.E. e nom pudem mais do que olhar a notícia franzindo as sobrancelhas. Veremos no futuro a mesma petiçom para o valenciano ou o andaluz?? Veremos isso para o francês da Bélgica, o valom, ou o alemám da Austria? Veremos também na ONU essa petiçom para a língua dos norteamericanos?

Ora bem, estou certo que o flamengos da Bélgica nom a vam pedir para o flamengo porque já é oficial o neerlandês, língua comum a holandeses e flamengos, nem a pediriam os moldavos no momento no que entrem na Uniom quando já dentro topem o romeno oficial por ter entrado antes a República de Roménia.

Já o eurodeputado Posada no 1994 e no 1999 e o Camilo Nogueira desde o 1999 até hoje figeram o seu trabalho na nossa língua, gerando mesmo reacçons à contra de conhecidos políticos antigaleguistas, polo que é de necessidade dizer por se nom nos temos inteirado, que a Nossa Língua, a língua que Pondal denominou “Língua do gran Camões, fala de Breogám”, a língua das Cantigas do único Império peninsular que assim se podia considerar na Idade Média, a língua de Castelao, de Risco, de Carvalho Calero…é já oficial tanto na sua versom lusitana como galega, facto reconhecido polas instituiçons, e com ela se trabalhou na Europa comunitária desde o ano 1986, data na que os países da península Ibérica entrárom de pleno direito nesse futuro e autêntico Estado Plurinacional chamado Europa, e na sua versom galega, evidentemente reintegrada, no 1994.

* Artigo originalmente publicado no Portal Galego da Língua em 11/MAI/2004

Sobre o decreto do galego no ensino

6. Consideramos que, frente ao recrudescimento do discurso refractário ao galego na vida pública, a política lingüística nos últimos quatro anos se tem caracterizado polo continuísmo com a era fraguista. E que com a chegada do novo governo à Junta da Galiza se aproximam tempos de retrocesso e de concessom aos sectores mais espanholistas.

por Paulo Gamallo*

 

continuismoComo muitos de vós, suponho, levo vários meses discutindo e tecendo argumentações sobre um dos temas estrela da recente campanha eleitoral, nomeadamente o Decreto 124/2007 que regula o uso do galego no sistema educativo.

Como muitos de vós, suponho, levo vários meses discutindo e tecendo argumentações sobre um dos temas estrela da recente campanha eleitoral, nomeadamente o Decreto 124/2007 que regula o uso do galego no sistema educativo. Reconheço que, como soe acontecer nestes casos, falava e argumentava sem ter lido o decreto. Onte mesmo, com ajuda de São Google, resolvim lê-lo e compará-lo com o seu predecessor, o Decreto 247/1995, redigido e aprovado na era do fraguismo. Sempre pensei que eram mais ou menos parecidos. Pois não, estava enganado. Não são semelhantes, são basicamente idênticos. Cuspidinhos. Poderia-se mesmo falar de plágio. Ao respeito da educação infantil, o novo decreto não muda nada do anterior: em ambos, respeita-se a língua materna das crianças.

Na educação primária, os dous decretos obrigam a impartir até três matérias em galego, em quanto que em educação secundária, o número das matérias obrigatórias em galego ascende a quatro. A única diferença real é que no decreto de 2007 todas as matérias impartidas em galego, tanto em primária como em secundária, são troncais, en quanto que, no decreto anterior, as matérias galeguizadas são duas troncais e duas optativas. Em termos práticos, tudo é igual excepto que agora se impartem em galego as matemáticas e a educação para a cidadania, em vez de duas optativas sem especificar. Por certo, hoje em dia o Partido Poular e associações como Galicia Bilingüe gostam de empregar o termo “impor” para descrever as regulações de uso da língua no sistema educativo. No entanto, só empregam este termo quando quem regula não é o Partido Popular. Nos dous decretos, usa-se constantemente a expressão impessoal “impartira-se em galego a materia de…”. Nunca ninguém até há bem pouco considerou que esta expressão significava o mesmo que “impor o galego em…”. Só se chegou a tal conclusão quando o governo mudou. Subtilezas da linguagem.

Uma vez feita esta primeira análise, surge uma questão evidente: era preciso redigir um novo decreto para não mudar, essencialmente, nada? A política tem duas vertentes: a gestão e os gestos. Quando há ideias e projectos, a política é gestão. Mas quando as ideias e projectos estão paralisados polo medo a perder apoios dos simpatizantes ou porque não se quer afligir o enemigo, fica então como último recurso “fazer um gesto”. A aprovação do Decreto 124/2007, penso eu, é um simples gesto. Serviu para que os simpatizantes nacionalistas cressem que o Bipartito movia ficha na área de política linguística e, ao mesmo tempo, tentou servir, pola sua moderação, para manter calados os sectores da direita que, por certo, participarom na sua redacção. No entanto, algo novo aconteceu. Galicia Bilingue, El Mundo e La Cope começarom a falar de imposição e de liberdade e muita gente gostou desse discurso. Em realidade, o discurso de Galicia Bilingüe não só entra em confrontação com o decreto de 2007, senão também com o anterior de Fraga e mesmo com a Lei 3/1983 de normalização linguística. Contudo, o Partido Popular da Galiza entrou no debate e situou-se do lado dos que querem abolir a Lei. Muitos dos seus líderes forom à manifestação abolicionista de Santiago de Compostela. Ora bem, até hoje, Núñez Feijóo não tem falado explicitamente de abolir a lei, mas apenas de abolir o último decreto (que é basicamente o de Fraga). Várias perguntas sem resposta (ainda) começam a pairar no ar: contentará com isso aos abolicionistas sedentos de muito mais? Que medidas em concreto vão tomar-se?

Por agora, só sabemos que o novo presidente eleito vai cumprir uma das suas promessas eleitorais, nomedamente a derrogação do decreto de 2007. Se isto significa que vai voltar ao de 1995, não hai problema nenhum, pois são iguais. Se isso significa que vai propor um novo decreto, então teremos que aguardar para poder analisá-lo e conferir a sua aplicabilidade. Ora bem, se derrogar o Decreto 124/2007 significa que não vai haver nenhum instrumento de desenvolvimento da Lei de Normalização de 1983 para a sua aplicação no ensino, então a situação pode mudar consideravelmente. Neste último caso, deixar-se-ia em mãos das escolas e institutos a aplicação das estratégias necessárias para cumprir a Lei, é dizer, seriam os centros de ensino os responsáveis de definir de maneira ad hoc os regulamentos internos de uso da língua no centro. Só desse jeito poderiam assegurar, como regula a lei, que todos os nenos e nenas, ao remate do ensino obrigatório, tivessem a mesma competência linguística nas duas línguas. Não é difícil dar-se conta que esta alternativa tornaria ineficaz e caótico o desenvolvimento da Lei no ensino. Por último, existe também a possibilidade, mesmo se mui remota, que o governo de Fejóo tome em conta as reinvindicações de Galicia Bilingüe e anule a mesma Lei de Normalização, de maneira a permitir que os pais escolham a língua na que querem escolarizar os seus filhos. Em realidade, isto não é nada novo. Trata-se de pôr em prática o modelo Vasco, um modelo desenvolvido desde há mais de vinte anos polo Partido Nacionalista Vasco.

Frente a já mais que provável anulação do decreto de 2007 por parte do futuro governo de Feijóo, eu proponho a seguinte estratégia de acção: No plano teórico, é possível argumentar que o modelo mais apropriado para garantir a plena competência nas duas línguas é o modelo catalão de imersão linguística na língua minorizada, mas, sendo práticos, no plano da realidade sócio-política da Galiza, teremos que conformar-nos, como mínimo, com a volta à legalidade do decreto de Fraga de 1995. Esta volta ao fraguismo deveria acompanhar-se por uma estreita vigilância, por parte dos actores sociais (a Mesa, sindicatos, associações de pais e mães, etc.), do grau de cumprimento do decreto. Se o grau de cumprimento não fosse satisfatório, então poder-se-ia pensar em estratégias mais novedosas. Estou a pensar, nomeadamente, na estratégia de apoiar as posturas de Galicia Bilingue e o seu objectivo último que consiste na implantação do modelo Vasco. Desta maneira, garantiríamos que, polo menos, uma minoria de crianças e alunos pudessem beneficiar-se duma imersão real em galego. Seria um último recurso à desesperada, reconheço-o. Mas, frente a um governo e uma maioria de galegos que só lhes preocupa que os seus filhos e filhas estudem ?como Dios manda? em espanhol, a única solução para garantir uma educação em galego de qualidade é segregar e tentar dar volta aos valores e preconceitos que ainda hoje imperam. Isto quer dizer que, a médio e longo prazo, seria preciso dispor dum ensino em galego altamente qualificado e associado as elites bilíngues do país, frente a um modelo em espanhol de ?paletos? monolíngues. Esta situação levaria, como ocorre hoje no País Vasco, a que os pais e mães do futuro recusassem escolher o modelo fracassado do monolinguismo de Galicia Bilingüe.

* Artigo originalmente publicado em Vieiros

Falamos de que?

falamosdequeIniciamos umha série de pensamentos em alta voz para esclarecermos os pormenores do nosso manifesto.

Obrigado a todas as nossas colaboradoras e colaboradores.

Começamos com um artigo de Paulo Gamallo, publicado originalmente em Vieiros sobre o sexto ponto do nosso manifesto: o continuísmo em matéria de política lingüística dos governos e os escuros tempos com o novo governo.

Por que Galego Sempre Mais?

gaivota

A plataforma Galego Sempre Mais recolhe o seu nome de um artigo de Celso Álvarez Cáccamo em defesa da língua, fazendo um jogo de palavras com o nome da plataforma Nunca Mais mas, neste caso, dando-lhe um nome em positivo à ideia. Por isso, recolhemos essa legenda e fazemos nossa, para dar nome a esta plataforma na defesa da língua.

Galego Sempre Mais está impulsado por diversas organizações lingüísticas, culturais e centros socias da Galiza que vêem no Dia das Letras umha oportunidade única, para fazer umha defesa do nosso idioma de um ponto de vista plural e global frente às agresões que o nosso idioma está a sofrer. Mas, também, ante as que, com a mudança de governo, no futuro mais próximo a língua terá que fazer frente.

A nossa vontade nom é a de fazer frente à “A Mesa pola Normalizaçom Lingüística”, polo qual participaremos na manifestaçom que essa entidade convocou de forma unilateral. Se bem queremos fazê-lo com um bloco diferenciado deste, um bloco de cor laranja. Um bloco onde podermos participar com a nossa própria voz e argumentos dentro do que desejamos que seja umha manifestaçom massiva.

Após a manifestaçom, GSM fará o seu próprio acto de encerramento alternativo ao de A MESA onde daremos leitura ao manifesto “Galego Sempre Mais: Contra a imposiçom do Castelhano”.