Polo Novo Consenso é umha candidatura continuadora do labor realizado polos dous últimos Conselhos da AGAL; portanto, no caso de ser eleita, manterá todas as linhas de trabalho atuais. Ainda, fixa novos objetivos para os próximos anos, identificados quer a partir de iniciativas próprias da candidatura, quer graças à participaçom das pessoas que nutrírom de ideias a nossa plataforma colaborativa, cujas propostas fôrom praticamente todas integradas no nosso programa, cujas linhas detalhamos a seguir.

1) CONFLUÊNCIA NORMATIVA

Trabalhar em prol da aglutinaçom das duas tradiçons gráficas do reintegracionismo numha única norma flexível, abrindo um processo de diálogo com a Comissom Lingüística para possibilitar a implementaçom do mandato assemblear. Neste processo serám contatatos diferentes coletivos reintegracionistas em reunions presenciais, mas sem ánimo de interferir nas decisons que os mesmos tomarem.

2) ACOMPANHAMENTO DA ‘LEI PARA O APROVEITAMENTO DA LÍNGUA PORTUGUESA E VÍNCULOS COM A LUSOFONIA’ (LEI PAZ-ANDRADE, LPA)

Ensino

  1. Criar área para acompanhar e promover introduçom do português em cada centro de ensino em coordenaçom com outros coletivos interessados em promover esta via.
  2. Criar e divulgar unidades didáticas de Português Língua Estrangeira para ministrar nas aulas de galego, disponibilizando-as on-line num site que facilite a chegada a outros conteúdos interessantes para transmitir a nossa visom da língua.
  3. Criar formalmente, dentro ou fora da AGAL, umha área/coletivo de professores e professoras de prática reintegracionista nas aulas.
  4. Para facilitar a viabilidade das propostas anteriores, criar a rede ‘Um/ha tutora em cada centro’, com professores que orientem sobre a nossa proposta e produtos e que nos permitam o contacto rápido com professorado e alunado interessado.

Conhecimento mútuo Galiza-Lusofonia

  1. Em colaboraçom com instituiçons municipais, aproveitar eventos turísticos (nomeadamente Caminho Português de Santiago) ou sociais (geminaçons de vilas) para gerar e divulgar umha ideia de comunidade lingüística, cultural e social entre a Galiza e Portugal.
  2. Criar área para fortalecer a ideia de comunidade galego-portuguesa na Internet (nomeadamente através da introduçom de conteúdos galegos em sites como a wikipédia).
  3. Em colaboraçom com instituiçons municipais e de ensino, promover a leitura em português (nomeadamente nas vilas médias aonde nom chega o ensino do português para adultos, promovendo a eventual geminaçom de clubes de leitura da Galiza e Portugal).
  4. Disponibilizar em linha e gratuitamente obras literárias em galego-português (próprias ou traduçons de obras inéditas). Publicariam-se em formato epub no site da Através e seriam acessíveis sob registo.
  5. Aproveitar rede de contactos em Portugal, organizando encontros com entidades políticas e sociais para lhes explicar a nossa proposta.
  6. Continuar a colaborar com Cultura que Une.

Trocas de ámbito audiovisual

  1. Acompanhar de maneira pró-ativa a colaboraçom entre a CRTVG e a RTP, propondo medidas para esta se tornar mais estável.
  2. Gerar umha atitude ativa para criar demanda de colaboraçom entre a RTP e a CRTVG.
  3. Criar um grupo de trabalho para assessorar e continuar a reclamar a negociaçom do governo galego e do espanhol para possibilitar a receçom do sinal aberto das televisons e rádios portuguesas.

Outras

  1. Criar grupo de trabalho ‘Observatório pró-ativo da LPA’ para acompanhar e coordenar os resultados obtidos polos diferentes grupos de trabalho neste campo, fazendo propostas para continuar a ativar a Lei.
  2. Promover Plano Diretor da Língua assente na LPA e que supere o PGNLG, aproveitando para introduzir na sociedade novos discursos sobre a língua.
  3. Criar área para promover LPA nos programas de instituiçons e organismos políticos e sociais.

3) VINCULAÇOM REINTEGRACIONISMO E IDENTIDADE GALEGA

  1. Campanha continuada para promover a identificaçom dos diferentes dialetos galegos com o conjunto do português no mundo, nomeadamente usando produtos audiovisuais
  2. Estar mui presente na Internet com vídeos que expliquem da nossa forma de ver a língua na prática, implicando sobretodo gente nova, com intençom viral podendo ser.
  3. Intensificar parcerias com meios de comunicaçom galegos e colaboraçom com associaçons como a AELG.
  4. Criaçom de um consultório lingüístico no Twitter.
  5. Divulgar terminologia lingüística para áreas aonde o galego vivo ou o oficial nom chegam: desportos, tecnologia, etc.
  6. Desenvolver ferramentas lingüísticas informáticas.

4) ÁREAS DE CONTINUIDADE

Através Editora

  • Garantir a ediçom de 11 livros por ano
  • Polo menos umha coletánea internacional
  • Potencializar ‘Através Clube’ para garantir amortizaçom dos projetos
  • Continuar labor como editora de qualidade e referência do reintegracionismo
  • Direçom: Valentim Fagim

Organizaçom

  • Sempre que as finanças o permitirem, manter ou ampliar a profissionalizaçom das áreas estratégicas, impulsionando parcerias para desenvolver os projetos que o precisarem.
  • Implicar polo menos 10% dos sócios e sócias nas diferentes áreas de trabalho da AGAL: LPA-Ensino, LPA-Conhecimento Mútuo, LPA-Trocas audiovisuais, Reintegracionismo e Identidade, Área Editorial, Coordenaçom Geral, Área Administrativo-Económica, Área Informática e Área de Cursos.
  • Promover açons que facilitem e incrementem a participaçom efetiva das mulheres na associaçom.
  • Manter OPS e aPorto
  • Elaborar umha proposta de otimizaçom dos estatutos e do regulamento interno da associaçom, eliminando redundáncias e reordenando o articulado para os tornar instrumentos mais úteis para o dia-a-dia associativo.
  • Manter referencialidade do PGL no ámbito comunicativo.
  • Continuar a linha de internacionalizaçom da revista Agália.
  • Estar mais presente com a nossa opiniom na sociedade galega, com vídeos breves a comentar atualidade, aproveitando para divulgar a nossa mensagem.
  • Estar mais presente com a nossa opiniom no mundo, traduzindo os nossos produtos para outras línguas, nomeadamente o inglês.