História do reintegracionismo
O reintegracionismo tem raízes muito antigas, nom em vao a nossa língua nasceu no reino medieval da Galiza, que se espalhava a norte e sul do Minho, e durante séculos ninguém discutia a sua unidade[1]. Mesmo no século XVIII os dous grandes eruditos galegos Feijoo e Sarmiento confirman tal unidade. Mas já no século XIX, quando por influxo do ressurdimento o tema da “fala provincial ou regional” passa-se a ser um tema popular de discussom, tal unidade é discutida, e nun ambiente onde o nacionalismo espanhol é hegemónico, para a sua natureza baralham-se 3 hipóteses, que de maior a menor popularidade, quando menos num principio, som:
- o galego é um dialecto, corrupçom do castelhano.
- a fala regional é unha língua independente do castelhano, como ela filha do latim e próxima ao português.
- o galego é umha variante do português.
Se bem num princípio esta última ideia nom tinha muito apoio popular, trás a divulgaçom da brilhante lírica galaico-portuguesa, e os estudos filológicos da Romanística (exemplos?? escola de Menendez Pidal em Espanha –veja-se a sua Gramática histórica–, de Vasconcelos em Portugal, da escola romanística alemá) acabou por ganhar muita aceitaçom. De facto no galeguismo de pré-guerra tornou-se a hipótese mais popular, do qual ficam numerosos testemunhos escritos.
Porém a guerra civil acarretou umha forte ruptura. A brutal repressom franquista esmagou o movimento galeguista estragando boa parte do seu labor cultural e político, fazendo-o retroceder muitos anos. Um dos muitos aspectos nos que se manifesta a longa noite de pedra é que subitamente e durante anos desaparece a língua galega, e oficialmente só ficam umhas falas rústicas, castelhano mal falado, que devem ser extirpadas quanto antes em nome do progresso. Nom é pois de estranhar que, quando nas prostimerias da ditadura volte agromar com força a literatura galega, os novos escritores abusem de dialectalismos e hiperenxebrismos semelhantes aos autores do século XIX, mas que se foram corrigindo no primeiro terço do século XX. A consciência de o galego ser umha variante do português sofreu também umha importante merma, mas sem deixar de ser umha ideia central do galeguismo. Além do mais as suas implicações práticas vam ser desenvolvidas polo movimento reintegracionista, que como tal, nasce trás a morte do dictador.
Entre os acontecimentos que vam dar lugar a tal nascimento podemos assinalar os seguintes:
- Publicaçom dos poemários de Ernesto Guerra Da Cal, Lua de além mar (1959) e Rio de Sonho e Tempo (1963), usando umha ortografia confluente coa portuguesa.
- Em 1973 M. Rodrigues Lapa da publica A recuperação literária do galego, primeiro em Colóquio/Letras e logo em Grial. Neste artigo defende que o modelo de galego culto nom deve ser outro que o português.
- Em Setembro de 1974 publica-se por os irmandinhos, ou os 13 de Roma, o Manifesto para a supervivência da cultura galega, na revista portuguesa Seara Nova. Os autores, consideram o galego parte do português, e usam a ortografia portuguesa. Este manifesto está baseado no estudo: “Em prol da integração linguistica galego-portuguesa”, dos mesmo 13 de Roma, também de 1974.
- Em 1976 J.M. Montero Santalha, um dos 13 de Roma, publica “Unificación ortográfica galego-portuguesa” em Grial
Na segunda parte da década de 1970 há umha grande efervescência política e cultural na Galiza, e entre os temas que mais se debatem está o modelo culto da nossa língua. Coa divulgaçom das teses reintegracionistas e a tomada de posiçom ao seu favor de pessoas de reconhecido prestigio no âmbito lingüístico como Carvalho Calero ou J. Coromines, a hipótese da unidade essencial da língua torna-se maioritária no nacionalismo galego, se bem ainda nom na sociedade galega em geral.
Em 1980 a Junta pré-autonómica, governada pola UCD, encarrega a umha comissom lingüística umhas normas ortográficas para uso da Junta e no ensino oficial. A comissom, presidida por D.Ricardo Carvalho Calero, e que reúne pessoas de diversas sensibilidades lingüísticas, elabora umhas normas que se bem partem da ortografia castelhana, permitem ir caminhando cara umha reintegraçom gráfica do galego no português.
Em 1981 funda-se a AGAL, sendo o seu presidente Xavier Alcalá, famoso reintegracionista platónico.
Em 1982 produze-se umha reviravolta normativa, num caso ainda nom bem esclarecido, o ILG escreve umhas normas ortográficas e morfolóxicas, em reuniom conjunta e “discreta” com parte da RAG aprovam tais normas, que o conselheiro de cultura Xosé Filgueira Valverde, apressura-e a tornar norma oficial mediante decreto. Impom-se assim, sem consenso mas com sigilo, o modelo dialectalista e castelhanista imperante.