O corretor de galego imaxin galgo® é un producto de imaxin para a
Conselharia da Educaçom, e Ordenaçom Universitária

Dia e hora da atividade: 10 de fevereiro, 10h00.

Palestra orientada à formaçom em novas tecnologias aplicadas à educaçom, formaçom e comunicaçom, onde as ferramentas da Web 2.0 terám especial relevo.

O objectivo que se quer atingir é dotar ao estudantado de recursos que lhes permitam dinamizar as suas salas de aulas mediante a utilizaçom de novas tecnologias, assim como conhecer as características e benefícios docentes das ferramentas da web colaborativa.

Vam-se analisar as características do software social e as suas possibilidades de integraçom nos cenários formativos, centrando-se na apresentaçom das principais tipologias de ferramentas Web 2.0: tecnologias que permitem criar, modificar, publicar e promover a interaçom entre as pessoas na rede.

Professorado

Luz Castro. Diretora do departamento de multimédia de imaxin|sofware. Docente da Faculdade de Comunicaçom Audiovisual da Universidade da Corunha.

Silvia López. Pedagoga da equipa de multimédia de imaxin|sofware.

Empresa

imaxin|software é uma empresa galega nascida no ano 1997, líder na Galiza no desenvolvimento de produtos altamente especializados, fundamentalmente nas áreas de Engenharia linguística, Ediçom eletrónica, produtos culturais e educativos, Formaçom, Multimédia e Web.

imaxin|software centra a sua inovaçom na engenharia informática e multimédia, com ampla experiência na implementaçom e desenvolvimento tanto de ferramentas linguístico-computacionais para línguas caso do galego como para desenvolvimentos educativos e formativos em formato multimédia e Internet. A alta qualidade dos nossos produtos valeu-os o título de Vendor de Microsoft Corporation, isto é, empresa selecionada por Microsoft para implementar software específico para as suas aplicações Windows.