O Centro Social Lume! muda-se a 50m. na r/ Rouxinol.
Estaremos fechados até primeiros de junho, já que estamos com os preparativos para abrir o novo local.

Em breve, informaremos da apertura e da inauguraçom, a que estades todas/os convidadas!
Desculpade as molestias, C.S.Lume!

Chegam os Maios também da mao do Centro Social LUME! O próximo sábado 26 de maio e durante todo o dia, daremos a bem-vinda a primavera e celebraremos Os Maios nas pistas de fútebol da r/ Merlo, (pistas municipais do merlo), com a colaboraçom da A.VV. A PAZ Fútbol Sala.

Desta volta, paralelamente com a reivindicaçom do Dia das Letras Galegas, com o dia da defesa do nosso idioma galego, que também se atopa secularmente em crise.

Começaremos por volta das 10h. da manhá com um partido de fútebol, para seguir depois ao redor das 11h. com a decoraçom do Maio que teremos preparado. Ao longo do dia faremos colares de flores, haverá jogos populares pola tarde, bebida, petiscos e doces, música tradicional ao vivo (podes levar o teu instrumento e tocar connosco) e muito mais.

Desde o LUME! animamos-vos a participar! Vemo-nos lá!

Com motivo do dia das letras galegas, trasladamos a celebraçom deste dia a próxima sexta-feira 18 de maio a partir das 19h. onde decorrerá no C.S.Lume! umha Repichoca pola língua! Leva o teu instrumento e toca connosco. Contaremos com música ao vivo e petiscos. Anima-te!

No passado dia 28 de abril diversas entidades que trabalhamos pola defesa da nossa língua decidiamos numha junta aberta, e convocada em regime de autoconvocatória, que o reintegracionismo de base tinha que visibilizar-se na manifestaçom nacional que decorrerá no dia 17 de maio, Dia das Letras, nas ruas de Compostela.

A maneira que achamos para fazer mais efetiva essa visibilizaçom é participar no Bloco Laranja que sairá da Estátua das Marias, na Alameda.

Pola nossa parte, desde o Centro Social Lume!, chamamos à base social reintegracionista a participar no Bloco Laranja, utilizando macizamente essa cor nesse dia, e animamos outras entidades a somarem-se a esta convocatória e difundir o manifesto da mesma.

Leia mais »