O nosso Centro Social está de aniversário. Cumprimos um ano.
365 dias desde o começo do nosso projeto de construçom de poder popular em termos nacionais, socialistas e feministas, através do esforço de galegos e galegas, trabalhadores e trabalhadoras, jovens e mulheres que desde o âmbito político-cultural tentamos aportar o nosso grao de areia no caminho dumha Galiza ceive, socialista e nom patriarcal.

Som muitos os bons e maus momentos que passamos neste primeiro ano de vida, mas ficamos com o esforço do trabalho diário e agradecemos aos que, desinteressadamente, colaborárom e colaboram connosco pola recuperaçom e mantenimento da nossa língua, cultura, memória combatente, tradiçons, etc? e outros que através de diversas atividades dinamizam o nosso Centro Social. Um espaço de auto-organizaçom.

É por isso que o próximo sábado 26 de novembro celebramos o nosso aniversário durante toda umha jornada cheia de atividades à que ficades convidados e convidadas.

O programa que apresentamos este é o que segue:

12h30: Apresentaçom do livro Histórias de Oregón de Diego Ameixeiras. O própio autor falará-nos dele.

14h: Jantar popular. Entrantes, carne recheia com menestra de verduras e sobremesa (água, vinho e café incluídos). 10?. Para reservar sítio no jantar podes ligar para o 671644308 ou bem escrever a centrosociallume@gmail.com

16h30: Projeçom de videos e apresentaçom: ?Parkour em Vigo?. Contaremos com a presença da juventude do bairro do Calvário que se dedica a este desporto.

17h15: Projeçom da curtametragem Carapuchiña e o pobo feroz. Baseiada no livro de Fran Alonso Males de cabeza e dirigida por José Araújo, quem nos contará o processo de realizaçom.

19h: Intervençom do C.S. LUME! polo seu primeiro aniversário.

19h30: Concerto da banda corunhesa Sés com María Xosé Silvar. http://www.mariaxosesilvar.com/#/Inicio-01-00/

21h: Para rematar, foliada e petiscos de graça.