Dúzias de crianças participárom na festa do Samhaim organizada polo centro social Lume! a quarta-feira 31 de outubro. Pouco depois das seis da tarde deu início o obradoiro de cabaças e posterior festa infantil.

Com a colaboraçom de Manu, que exerceu de monitor, fôrom dinamizados diversos jogos com as nenas e nenos, assim como os seus pais e maes, num ambiente de alegria.

Com esta iniciativa o nosso centro social contribui à recuperaçom das nossas tradiçons culturais frente à imposiçom colonizadora de celebraçons alheias à Galiza.

Já pola noite tivo lugar umha festa à volta de umha queimada para despedir o verao e dar as boas-vindas a próxima chegada do inverno.