A próxima sexta-feira 24 de fevereiro, por volta das 20h30., o nosso Centro Social acolherá umha atividade de carácter lúdica organizada pola organizaçom juvenil da esquerda independentista BRIGA.

Numha diana estarám representados os culpáveis desta crise, a classe burguesa. Cada jogo tem um custo de 0,50?. e ganhará o ou a jogadora que obtiver mais pontos ao final de cada jogo, lançando um máximo de 9 dardos. Haverá prémio para o ganhador ou a ganhadora.

Anima-te e lança-lhe um dardo ao capitalismo!

O Centro Social LUME! convoca umha homenagem ao primeiro manifesto que sentou, sem lugar a dúvidas, as bases do marxismo e foi um dos pilares chave do nascimento do movimento obreiro de carácter revolucionário.

O Manifesto comunista, escrito por Karl Marx e Friedich Engels e publicado a meiados do século XIX (1848), cumpre a sexta-feira 24 de fevereiro 164 anos. Muitos e muitas revolucionárias partírom deste primeiro manifesto que supujo o passo do socialismo utópico ao socialismo científico, onde sem complexo ningum apelava-se à uniom do proletariado e à tomada do poder mediante a revoluçom socialista.

É por isso que, 164 anos e 1 dia depois, o nosso Centro Social, independentista, socialista e feminista, quer render homenagem a esta obra o próximo sábado 25 de fevereiro, com o seguinte programa:

- 21h30: Ceia alemá. Ementa: Mexilhons à alemá, Bierfleisch (cacerola de carne à cerveja) e Strudel (sobremesa). Todo por 10 euros. Para inscrever-se na ceia liga para o 671.644.308, manda um co-e a centrosociallume@gmail.com ou passa polo Centro Social.

- 22h45: Teatro revolucionário (de balde) e interpretado polo C.S. LUME!
Representaçom do Manifesto comunista.

Que as classes dominantes tremam a ideia dumha revoluçom socialista! Aguardamos-vos!

Chega mais um ano o entruido e com ele a sátira, o humor e a recuperaçom dumha das mais importantes tradiçons populares que escapam das maos da Igreja Católica.

Como Centro Social destinado à recuperaçom e difusom das tradiçons populares, vemo-nos na alegre obriga de realizar umha ceia de bem-vinda ao entruido 2012. Esta terá lugar esta sexta-feira, 17 de fevereiro às 21h30 no nosso Centro Social. O preço será de 5?. e a ementa: pionono e arroz com verduras, (água e vinho incluídos).

Para apontar-se liga para o 671.644.308, manda um correio a centrosociallume@gmail.com ou passa polo Centro Social LUME!

O passado sábado 11 de fevereiro no Centro Social LUME! acolhimos um novo espetáculo realizado pol@s poetas da hóstia. Poetas galegas de distintos pontos do país reunírom-se mais umha vez numha fantástica velada poética onde o combate acadou a sua máxima tensom com os versos dumha e doutra equipa.

Arredor de 60 pessoas escuitárom e rírom com os espetaculares versos dos e das poetas, que desta volta enfrentávam ao povo contra Urdangarín. Um alto nível poético carregado de elevadas doses de humor que figérom das 2 horas de espetáculo algo efémero.

Desde o Centro Social LUME! queremos agradecer o esforço e entrega das poetas da hóstia assim como a todas e todos os assistentes polo magnífico ambiente ocasionado e por ser partícipes do nosso projeto, que desta volta tinha como objetivo nom só passar um bom momento, mas difundir a nossa poesia e demonstrar que na nossa língua todo é possível com total naturalidade, em contra da opiniom de muitos.

Esperamos que fosse do vosso agrado. Repetiremo-lo noutra ocasiom