SCD do Condado apresenta o programa da XXII ediçom desta festa, que se celebra os dias 4, 5 e 6 de Setembro A Sociedade Cultural e Desportiva (SCD) do Condado apresentou o programa da XXII ediçom do Festival da Poesia, Mas um ano, a zona das muralhas de Salvaterra de Minho acolhe um festival que junta festa e luita, e que desta vez está adicado a ‘Galiza Non Se Vende’. A SCD saúda o desenvolvimento desta iniciativa, da que fai parte, dado que exprime o sentir do povo que nom renuncia a defender o que é seu, governe quem governe.

Pretende-se que o vigéssimo-segundo Festival da Poesia sirva como ponto de encontro das entidades que confluem na plataforma, como altofalante do sentir popular e como homenagem a todas aquelas luitas que continuam a livrar-se ao longo do território nacional. Boa parte das actividades está intimamente ligadas ao lema e à difusom das reivindicaçons da plataforma ‘Galiza Non Se Vende’.