Chegou o entroido, voltam A MERDEIRA e O MERDEIRO

Chegou o entroido, voltam A MERDEIRA e O MERDEIRO

16-02-09

No entroido de 2009, volta O MERDEIRO e A MERDEIRA às ruas da ribeira do Berbés e da Zona Velha de Vigo.

OS MERDEIROS E AS MERDEIRAS sairám na sexta-feira 20, no domingo 22 e na terça-feira 24 de Fevereiro de 2009.

merdeira

Esta figura criada polos marinheiros e marinheiras do Berbés para ridicularizar as gentes do rural do entorno de Vigo está num processo de recuperaçom. O Centro Social Revolta com o apoio da Associaçom Vizinhal e Cultural do Casco Velho iniciou a sua recuperaçom há cinco anos. A história desta figura de entroido urbano, reflexa o enfrontamento entre o mundo rural e mundo marinheiro.
No seu dia, as pessoas do rural vigués que se aproximavam até a ribeira do Berbés a recolher o escabiche (refugalhos de peixes e algas) eram os e as Escabicheiras. Na escuridom da noite recolhiam estes restos para adubar as leiras à lus do seu candil.

merdeiro

Chegado o entroido os marinheiros e marinheiras do Berbés vestiam-se com roupas e elementos (cebolas, grelos, varas,...) que recordavam aos escabicheiros e às escabicheiras e ridicularizavam o seu comportamento, exagerando-o. Utilizavam umha carouta que cobria a sua cara e eram mal falados. Sós ou bem em parelhas, saltavam polas ruas do que no seu dia foi o centro da cidade de Vigo (actual Zona Velha), provocando os risos e os arrepios de aquelas pessoas que ousavam cruzar-se no seu caminho.

Desde o C.S. Revolta há preparadas varias actividades:

- A segunda-feira 16 de Fevereiro haverá umha charla-presentaçom da Asociaçom Etnográfica O Merdeiro.

- O sábado 21 de Fevereiro, ás 22:00hh, haverá um concerto de "Os Chiquilicuatres" (mais info.: http://www.chiquilicuatres.com). Entrada: 2?.

null

- O domingo 22 de Fevereiro, ás 14:00hh, há um Jantar Popular. Haverá cocido. Preço: 10?.

- O mesmo domingo, pola tarde, Roger de Muskaria tocará umhas peças.

- A terça-feira 24 de Fevereiro Roger de Muskaria fará pasar umha boa tarde ás crianças com os seus títeres.

Escrito ?s 15:16:59 nas castegorias: NOVAS, AS MERDEIRAS, OS MERDEIROS
por csrevolta   , 333 palavras, 1400 views     Chuza!

Ainda sem comentários