Finalmente será na próxima terça-feira dia 10 de agosto quando poderás levar a tua roupa ao local social para cambiar por outra. Lembrarmos que nengumha peça de roupa poderá ficar no local após a feira.

Dentro das actividades que desde o centro social organizamos arredor do Dia da Pátria em colaboraçom com a Escola Popular Galega, nesta quinta-feira dia 22 projectará-se às 20h00 o documentário Castelao e os irmaos da liberdade da autoria de Xan Leira.

MANIFESTO: A simbologia galega de volta às ruas!

Umha parte importante do nosso povo decidiu aderir ao vendaval espanholista que tem monopolizado nos últimos meses jornais, televisons, rádios e resto de meios empresariais.
Bandeiras espanholas nas janelas e varandas, camisolas da selecçom, panos, pulseiras, bonés e variadíssimo merchandisng invadem as nossas ruas num esforço sem precedentes por invisibilizar a discrepáncia com o pensamento único, com o único pensamento permitido.
Esta potente operaçom mediática nom é inocente; está planificada e responde aos interesses políticos do projecto nacional espanhol, negador da nossa cultura nacional e principal responsável polo extermínio da nossa língua.
Achega-se o Dia da Pátria; achega-se o dia em que as pessoas que queremos que a Galiza continue a existir saímos à rua para reivindicar os nossos direitos nacionais.
Por isso cremos que chegou o momento de recuperarmos as ruas: com a nossa presença nas mobilizaçons, com a nossa participaçom nas festas e especialmente agora, com a bandeira da Pátria.
Vamos exibir a nossa bandeira, a bandeira galega; AGORA TOCA-NOS A NÓS.
Eles ganhárom o mundial de futebol: nós havemos ganhar o futuro.

TODAS AS CASAS COM BANDEIRA!

Através da experiência militante concreta de José L. Gonçales Blasco "Foz" e Joám Lopes, conheceremos a história e significado do dia da Pátria Galega nas décadas de 70 e 80 do passado século.
O nosso centro social em estreita colaboraçom com a Escola Popular Galega apresentamos esta oportunidade de aprofundizar nas raízes e significado do 25 de julho na próxima quarta-feira dia 21 de julho às 20h00 no local da Escola Popular Galega (Rua Real, 12)

Obrigad@s, mais umha vez, às/aos companheir@s de Galiza Contrainfo polo seu imenso trabalho.

O 10 DE JULHO TODAS E TODOS A TEIS!!

CONSTRUINDO GALIZA NOS BAIRROS DESDE A ESQUERDA!

Os centros sociais de Vigo (A Revolta, Faísca, Guindastre, A cova dos ratos e Semente vermelha) juntamo-nos para organizar umha jornada de luita e celebraçom polo dia da Galiza. Como no mesmo dia 25 todas e todos temos por tradiçom achegar-nos a Compostela, a celebraçom em Vigo fica para o dia 10 de Julho. Todas as actividades serám no bairro de Teis.
De manhám, no centro cívico de Teis (entre o caminho de Maceira e a rua Pedro Alvarado) às 12h haverá umha palestra-mesa redonda no mesmo edíficio do centro cívico, que tratará sobre movimentos sociais . Assistirám representantes de organizaçons sectoriais que trabalham nos seguintes temas : Defesa da Terra, luita anti-patriarcal, língua e luita obreira.
No exterior do centro cívico, às 14h teremos um jantar popular com um preço de 6?, no que se incluirá além da comida: pam, bebida, sobremesa e chopinhos.
No mesmo lugar e depois do jantar teremos diferentes actividades como: campeonato de bilharda, jogos populares, conta-contos, ? Todo amenizado intermitentemente com música ao vivo.
Às 20h chega o acto principal da jornada, umha MANIFESTAÇOM baixo o lema ?CONSTRUINDO GALIZA NOS BAIRROS DESDE A ESQUERDA? o ponto de saida será a rotunda de cruzamento da rua Garcia Barbom com a rua Sam Jurjo Badia e percorrerá o bairro de Teis até o mesmo centro cívico.
Após a manifestaçom deslocaremo-nos todas e todos até a carvalheira da Guia, mui perto de onde remata a mani, onde às 22h darám começo os actos da noite. Em primeiro lugar haverá um recital poético de companheiras e companheiros, depois venhem os concertos onde participarám os seguintes grupos:
AID (hip-hop)
ROJO 2 (hardcore)
RAIBA (hardcore)
OS 3 TREBÓNS
Após este concerto a festa continua com:
CHUZAUSEN (música electrónica artesanal ao vivo, game-music)
DJ NGK (pinchada até que o corpo aguante, o nosso ou o da polícia, Ska, Soul, Reague, punk, Oi, ?)
Durante todo o dia haverá posto de bebidas e comida a preços populares.

DIFUNDE A NOVA E ACHEGA-TE A CELEBRAR CONNOSCO O DIA DA NOSSA TERRA!!


Coordenadora de centros sociais de Vigo

Este sábado dia 3 de julho às 13h00 podes levar ao centro social a roupa que nom uses e colher a roupa que queiras. Nom é necessário levar roupa para poder colher.

Graças às companheiras e companheiros de Galiza Contrainfo dispomos deste vídeo que agora vos oferecemos sobre a jornada do passado sábado:

Desde o centro social agradecemos a entrega do grupo de sócias e sócios que figérom possível a realizaçom do torneio e damos a bem-vinda à nova equipa para a ediçom do próximo ano: os ordenses KASTOMÄ!
Obrigadas/os!

Sétima ediçom do torneio de futebol da Revolta já chegou!! Será no próximo sábado dia 26 de junho a partir das 10h00 no campo da pirucha em Sam Miguel de Oia.
A jornada dará começo às 10h00 com um acto de inauguraçom ao que seguirám os jogos eliminatórios que nos levarám até a hora do jantar, este decorrerá no mesmo campo da pirucha. Já de tarde disputará-se a fase final do torneio. Durante todo o dia as/os assistentes poderám refrescar-se no balcom instalado para a ocasiom pola organizaçom com preços populares.
Na noitinha, já no centro social, petiscos e música às 21h00 com DJ NGK RACING e para as 22h30 entrega de prémios e grande concerto com os ordenses KASTOMÄ.

Nesta sexta-feira dia 25 de junho às 21h30 do serám a Coordenadora de Centros Sociais de Vigo (Faísca, Revolta, Guindastre, A Cova dos ratos e Semente Vermelha) organizamos umha ceia-convívio no Faísca com o objectivo de recadar fundos para a Jornada do dia da Galiza, que este ano celebraremos o dia 10 de julho no centro cívico de Teis (palestras, jantar, música ao vivo, jogos, ...) e na carvalheira da Guia (concertos). O preço do prato será o custo, sobre 5 euros, e depois quem puider e quiger pode fazer umha achega solidária. Apontade-vos nos centros sociais para fazer umha estimaçom de assistentes.

A seguir da ceia, iremos todas e todos para a sala A Farándula na praça de Portugal onde haverá pinchada de "Selectah in Helicopta" e mais "Selectah Txo" a partir das 00h00. Entrada solidária 1 ?.

CONSTRUINDO GALIZA NOS BAIRROS DESDE A ESQUERDA!!