Com umha palestra na que intervirá Iñaqui Solla da Associaçom de Amizade galego-cubana Francisco Villamil damos começo esta quinta-feira dia 15 às 20h30 a umha série de documentários sobre Cuba que se projectarám todas as quintas por volta das 20h30.
"A solidariedade internacional" é um documentário que resume, com umha alta percentagem de imagens inéditas, a colaboraçom militar e civil que Cuba levou à prática durante mais de quatro decénios em dezenas de países da Ásia, África e América.

A Associaçom de Amizade Galego-Cubana "Francisco Villamil" convoca umha manifestaçom nacional de solidariedade com Cuba para o vindouro domingo, 18 de Abril, às 12h30 na alameda de Compostela. O nosso centro social apoia a mobilizaçom junto a muitas outras organizaçons sociais, juvenis, estudantis, culturais ou políticas aderindo à legenda Paremos a farsa "informativa" contra Cuba com a que se pretende denunciar a última das campanhas mediáticas do imperialismo.

Na próxima segunda-feira dia 12 de Abril às 18h30 apresenta-se na Revolta Pumariños, um espaço para as crianças que desde 2004 vem funcionando em Bembrive por iniciativa da associaçom Pleiades, um grupo de famílias que acham necessário oferecer-lhes às filhas e filhos umha educaçom baseada no respeito, num ambiente relaxado e que confia na própria capacidade das crianças para a auto-aprendizagem e evoluçom.

Graças, mais um ano, ao trabalho das sócias e sócios do centro social, a nossa presença na festa do bairro transcorreu de maneira festiva e reivindicativa. Obrigad@s!!

Em 20 de Março passado vem-se de celebrar o 5º aniversário da associaçom limiá Aguilhoar. Com tal motivo, deslocamo-nos até ali convidadas e convidados para participar na palestra "Centros sociais: do urbano ao rural" gente da Esmorga, da Revira, de Almuinha, de Arrincadeira e mais nós, além d@s própri@s promotoras/es e homenagead@s de Aguilhoar.

Depois da palestra, que começou por volta das 18h30, umha ceia de confraternizaçom, pandeiretas e homenagens, e até um espectáculo poético-musical acompanhárom a jornada de celebraçom.

Os nossos parabéns a Aguilhoar polos 5 anos de existência e insistência!!

fotos

O próximo sábado 20 de Março em colaboraçom com outros centros sociais da cidade deslocamo-nos até o acampamento dos desempregados do naval diante do edifício administrativo da Junta em Vigo para passar umha jornada com eles e dar-lhe todo o nosso apoio à sua digna luita.

Obrigad@s, mais umha vez, às/aos companheir@s de Galiza Contrainfo polo seu imenso trabalho.

Dentro das actividades organizadas para este mês pola Assembleia de mulheres de Vigo, o nosso centro social acolherá em 13 de Março umha festa de bruxas acompanhada de petiscos. No cartaz editado pola assembleia informam de mais actividades nos diferentes locais sociais da cidade.