O Foro da Mocidade trae o dia 24 de Janeiro um grupo de Ponte Areas, Skandalo GZ (máis info em www.myspace.com/skandalogz). O sábado 24 ás 22:00, concerto e pintxos. Entrada: 2?.

A vindeira 5ª feira dia 08 de Janeiro do 2009, Pedro Ugueto Rosario, cónsul da República Bolivariana de Venezuela em Vigo, dará umha palestra no CS Revolta ás 20:30 hh titulada "O processo bolivariano hoje".

O vindeiro sábado dia 3, ás 22:00 haverá um concerto de Travelers (grupo de metal-folk instrumental) no CS Revolta. A entrada custa 1?.

Às 17:45 h. as marionetas do Roger começárom a botar fume para surpresa e emoçom das cativas e cativos mais pontuais, e foi concretamente a apariçom em cena da marioneta do Apalpador, feita para a ocasiom por Roger de Muskaria, a que presagiou a incrível jornada que se nos avizinhava.

Com umha Revolta preparada para a ocasiom com as suas melhores galas forom achegándo-se mais e mais crianças até chegarmos por volta das duas dezenas que às 18:30 h. aguardavam às portas do centro social entre nervos a chegada do barbudo carvoeiro.

Ao som dumha gaita e umha pandeireta a sombra do apalpa-barrigas fizo a sua apariçom ao fundo da Rua Real, cara onde correrom as cativas e cativos mais atrevid@s.

Já dentro do centro social um Apalpador algo canso sentou para começar a repartir os presentes a umha fileira de cativ@s que nom tardou em se fazer. Um chocolate quente com biscoitos acompanhou aos ali concentrad@s ainda por um par de horas até que o relógio das crianças marcou o fim do dia.

Concerto de XanSolo o dia 26, depois do apalpador, ás 22:00h. Entrada: 3?

Desde as montanhas do leste da Galiza chega o apalpador a Vigo. Dia 26 de dezembro no CS Revolta:

17:00h Títeres com Roger de Musikaria
18:30h Chegada do Apalpador com música
19:00h Agasalhos para as crianças
19:30h Merenda

É sabido que a igreja católica aproveitou toda umha série de festividades que marcavam o ritmo das sociedades existentes antes da cristianizaçom, tingindo com um novo verniz celebraçons e festas com milénios de história.

Assim sobre as celebraçons pagás do solstício do Verao colocou o Sam Joám, ligou o entruido em que celebramos a extinçom do Inverno com a quaresma e santificou as festividades dedicadas à morte que desde muito atrás coincidem na nossa cultura com os primeiros compassos do Outono. Mas guardou a celebraçom mais importante, a do nascimento do filho de Deus, para a situar nas mesmas datas em que a maior parte das culturas europeias anteriores à era cristá celebravam o solstício do Inverno, como momento de renascimento do ano.

Dessa sobreposiçom do cristianismo sobre os restos culturais pré-existentes temos um bom conhecimento na Galiza, porque nom se trata só da adaptaçom ao calendário, mas da mesma ocupaçom dos espaços empregados de antano para cultos pré-cristaos sobre os quais, sem nengum complexo, se levantárom ermidas e cruzeiros para os adaptar ao cristianismo.

Porém, e apesar do esforço que o cristianismo fijo para apagar qualquer pegada dos cultos e crenças populares, som muitos os vestígios que ficárom como testemunho. Nalguns casos com mais sucesso que noutros, mas em todos eles como prova das fundas raizes que o nosso povo mantém como a cultura indígena que é.

Pode que o caso das tradiçons ligadas ao solstício de inverno sejam algumhas das mais perjudicadas por séculos de tergiversaçom, marginalizaçom e ocultamento. E neste caso o processo de aculturizaçom tem-se agravado pola superposiçom a umha primeira deturpaçom de orige católica, com séculos de andadura, da poderosa maquinária ideológica do imperialismo que pretende homegeneizar a cultura popular a um nível global.

Mas por baixo do Pai Natal, o negócio da Coca-Cola e do Corte Inglés; mesmo por baixo dos Reis Magos e o nascimento de Cristo, na Galiza mantivérom-se pegadas de antigas tradiçons que é precisso recuperarmos.

Assim nalgumhas comarcas da alta montanha do leste da Galiza, no Courel, Lóuçara e o Cebreiro; mantinha-se até datas muito recentes a tradiçom do Apalpador, um gigante com ofício de carvoeiro, que, no Natal, baixava das devesas onde morava para as aldeias, com a intençom de apalpar nas barrigas d@s nen@s e assim comprovar se estavam bem mantid@s. O Apalpador vigilava que @s nen@s viviram com fartura, desejava-lhe que no vindouro ano continuaram a nom passar fame, e deixava-lhes umha presa de castanhas quentes como presente e lembrança da sua visita.

Possivelmente esta antiga tradiçom do Apalpador seja um dos mais antigos vestígios da nossa cultura. E como parte dum património ameaçado devemos pular por mante-lo e actualiza-lo. Por que imos ter que asumir os dictados impostos por quem quere aculturizar-nos? Por que temos que ceder aos mandatos do consumismo capitalista e da tradiçom católica?

Aproveitemos também as celebraçons do natal para manifestar a nossa vontade de rebeldia e a nossa afirmaçom como povo, e escomezemos por recuperar a figura do Apalpador. Que nom seja mais o barbudo publicista da Coca-Cola, nem os submisos monarcas orientais os que traiam os presentes aos fogares do nosso país!!

Deixemos que seja um galego, um honesto e trabalhador carvoeiro, quem venha agora com os presentes para as nossas moradas, e que as castanhas de antano sejam acompanhadas por outros bens que a sua generosidade de seguro lhe permite doar.

Este natal abramos-lhe as portas ao Apalpador!!!

Desde a Revolta queremos avisar da charla organizada por a Assembleia de Mulheres, da Sefa e da Oliva. Será o sábado 25 as 19:00h, sobre a luita e o protagonismo das mulheres no independentismo combatente. Primeiro haberá umha pequena projecçom na que se contará um pouco a trajectoria da assembleia.

Sefa foi detida apos os sucessos de Irijoa em fevereiro de 1989 e selvagemente torturada na Direçom Geral da Guardia Civil durante dias. Deambulou polas prisons espanholas durante os noventa sofrindo os rigores da criminosa política de dispersom sendo em várias ocasions apaleada por carcereiras. Esta mulher constitue um referente para todas e todos os jovens militantes de hoje e em especial para as mulheres galegas, pois exemplifica o enorme sacrificio e o protagonismo das mulheres combatentes no independnetismo dos anos oitenta e noventa. Animamos-vos a que participedes neste seminário pois a vossa presença será também um sentido homenagem e reconhecimento a Sefa, mais também a Lola Castro, Oliva Rodrigues, Carme Viso, Alexandra de Queiros, Sabela Cabarcos, Eva Loira, Xiana Gomes e em defintiva a todas as mulheres comprometidas com a luita pola independência, a fim do patriarcado e o socialismo.

SEM AS MULHERES NOM HÁ REVOLUÇOM!!!

O Centro Social A Revolta convida-vos ao concerto de Eta Carinae, este próximo sábado dia 25 de Outubro, o grupo estão de malas prontas para súa segunda turnee europeia , quando aproveitam para participar do Womex no intuito de buscar contratos para súa próxima turnee, para tentar também um acordo de lançamento e distribuiçom internacional.

Se quererdes mais informaçom sobre eles, podedes aceder na pagina www.myspace.com/bandaetacarinae.

12:00 Apertura do Centro Social, petiscos, vermute, projecçons e boa música.
20:00 Projeçom do DVD sobre as nais de militantes do E.G.P.G.C.
22:30 Actuaçom musical: Roger de Muskaria.

Mais um ano ante a chegada do 11 de Outubro, na conmemoraçom da caida em combate de Lola e José, A Revolta quer somar-se à homenagem às pessoas combativas do nosso País.

O Centro Social abrirá às 12:00 hrs. em sessom vermute com petiscos.

Às 20 hrs. projectaram-se dous documentários editados polos CAR e as JUGA. Nestes documentários achega-se umha visom de familiares e amigas das presas galegas do projecto político-militar que deu começo a finais dos oitenta.

A partir das 22 hrs. haverá umha actuaçom musical de Roger de Muskaria. O artista tocará os grandes clásicos do seu repertório.

Viva a Galiza Combatente!