No próximo 23 de março amplo programa de atividades para celebrarmos os 10 anos de revolta desde a ribeira do Berbês!!
Esperamos-vos!!

No próximo 23 de março amplo programa de atividades para celebrarmos os 10 anos de revolta desde a ribeira do Berbês!!
Esperamos-vos!!

Nesta quarta-feira dia 6 de março às 20h30 projetará-se no nosso local social acompanhada de petiscos para as e os assistentes.

A Batalha de Argel (115 min) descreve eventos decisivos da guerra pola independência da Argélia, marco do processo histórico de libertaçom das colónias europeias na África. A açom concentra-se entre 1954 e 1957 (a guerra só terminaria em 1962), mostrando como agiam os dous lados do conflito: enquanto o exército francês recorria à política de eliminaçom e à tortura, a Frente de Libertaçom Nacional (FLN) desenvolvia técnicas nom convencionais de combate baseadas na guerrilha. Neste filme, o mestre italiano Gillo Pontecorvo mudou a história do cinema político ao construir umha narrativa de tirar o fôlego, em que mistura técnicas de documentário e de ficçom.

Baixo um formato que nos permite fazer frente aos problemas de horários que a gente interessada em aprender a tocar a gaita poda ter e que ao mesmo tempo nos permite eludir as relaçons comerciais tam infelizmente frequentes nestas transaçons, vem funcionando já no nosso centro social um grupo de pessoas a tocar a gaita. Aprendendo umhas das que já tenhem conhecimento e ensinando outras às que começam com isto, se quigeres aprender ou melhorar o teu nível só tés que contactar connosco no local social. Tu decides o horário e nós coordenamos para que seja possível. Sem dinheiro.

Participa!

Nesta sexta-feira dia 1 de março a Liga Estudantil Galega organiza no centro social umha jornada de formaçom e debate sobre micromachismos à qual está convidado a participar todo o estudantado da cidade. Esta jornada realizará-se a partir das 18h30 e aqui podedes aceder ao texto base sobre o que se vai trabalhar.

No sábado 2 de março terá lugar a IV ceia solidária com os presos independentistas no nosso local social a partir das 21h00 com umha aportaçom mínima de 5 ?.

As ceias solidárias é umha iniciativa do centro social Revolta a celebrar o primeiro sábado de cada mês e nas quais o dinheiro recadado destina-se integramente a paliar os gastos económicos derivados da situaçom repressiva dos patriotas presos.

Solidariedade ativa!!

Na quarta-feira dia 20 de fevereiro às 20h30 projetará-se no centro social a segunda parte do filme "Aldo Moro, assassinato dum presidente". A projeçom, como é costume, contará com petiscos para as e os assistentes. Esperamos-vos!

Incorporamos a estreia pública do novo documentário sobre a recuperaçom d@s Merdeir@s à programaçom deste entruido após fazê-lo público no dia de hoje a equipa do filme. Será neste domingo dia 10 de fevereiro quando o documentário se publique digitalmente de manhá na rede. Após o jantar merdeiro desse dia no centro social, poderá ser visionado pol@s assistentes num ecrám no próprio local.