Gostamos de apresentar-che a primeira dumha série de festas culturais que acolheremos no Centro Social e que realizaremos ao longo do ano. Nesta ocasiom, animamos-te a conhecer a cultura do Brasil, através da sua música e a gastronomia popular. Achega-te ao Centro Social a partir das 20h do próximo sábado 25, para desfrutar dumha saborosa feijoada e ricas caipirinhas!

A continuaçom, reproduzimos a crónica da Palestra acontecida no C.S.Lume! a passada terça-feira 7 de janeiro, a cerca do atual processo de paz na Colômbia.

A ativista da Marcha Patríótica Leyla Ordoñez denunciou o caráter autoritário do governo colombiano na palestra organizada polo Capítulo Galiza do MCB no Centro Social Lume! de Vigo.

A refugiada política acusou o governo de Juan Manuel Santos de nom querer paz com justiça social e tam só procurar desvertebrar os vigorosos movimentos sociais e derrotar a insurgência.

O ato, apresentado por Carlos Morais -membro da Presidência Coletiva do MCB e secretário-geral de Primeira Linha, iniciou-se com a projeçom de um vídeo de 17 minutos em que se analisa a manipulaçom e a repressom a que o regime colombiano submeteu ao longo do passado verao a paralisaçom agrária, que parou regions inteiras e contou com o apoio de imensas massas urbanas.

Full story »

A próxima terça-feira 7 de janeiro às 20h30, teremos o praçer de acolher umha palestra organizada
polo Capítulo Galiza, Movimento Continental Bolivariano -MCB-, a cargo de Leyla Ordóñez, "militante e revolucionária colombiana, representante da Plataforma em solidariedade com a Colômbia-Marcha patriótica". Trasmitirá de primeira mao, o atual processo de paz na Colômbia.

O remate da palestra, ofereceremos um petisco típico colombiano, Achega-te!

O passado dia 28, rematamos e despedimos o ano com festa e brindis... já entradas no 2014, desde o Lume! vos convidamos a tod@s a achegar-vos na madrugada do dia 5 ao 6 (domingo) a partir das 00h30, a umha Festa de Inverno! Para dar-lhe cor, iremos disfarzadas das diferentes nacionalidades (apanha co que tenhas por casa e vai de chinesa, catalám, mexicano...). Teremos boa oferta de chupinhos, mojitos e jogos diversos. Achega-te!