MANIFESTAÇOM, "Por um novo PGOM: contra a violência urbanística"
Saída o Sábado 15 ás 18:00, desde a Rua Príncipe, fronte ao Marco.

Convoca: A RIA NOM SE VENDE
(AMAL, Centro Social Revolta, A.C. Caleidoskopio, Bouzas Move-te, Foro Social de Cangas, GAS, Luita Verde, Salvemos Monte Ferro e Verde Gaia).

Para mais informaçom ou olhar o manifesto:
http://www.arianonsevende.org"

Desde o Centro Social Revolta começamos agora umha série de cursos sobre o software livre, os quais dávamos começo o passado 28 de Novembro, com umha palestra que sob o título "Iniciaçom ao software livre. Licenças livres e copyleft".

O Sábado 15 de Dezembro, e com a colaboraçom de novo de Xavier Carriba, apartir das 16.30, no Centro Social A Revolta, terá lugar o primeiro dos nossos obradoiros, e que tratará a questom dos escritórios GNU/Linux e umha iniciaçom á ofimática.

E em Janeiro terá lugar um Linuxshow, performance interactiva para achegar o software livre desde umha perspectiva lúdica, assim como teremos mais obradoiros os sábados, que serám em colaboraçom com Olholivre, sobre desenho e ferramentas audiovisuais em software livre. O software livre baseia-se nos princípios de liberdade, solidariedade e cooperaçom, e permite rachar coas fendas digitais existentes. Acode, difunde e libera a tua mente e o teu computador!

Esta Quarta Feira, 12 de Dezembro às 20:00hh no Centro Social Revolta, projecçom do DVD de Siareir@s Galeg@s.
Aliás, já estám disponíveis no Centro Social Revolta os novos bilhetes para associar-se ao colectivo.

Segundo siareiras: "Este trabalho audiovisual, intitulado "1996-2006. 10 anos luitando por Galiza", é um pedaço importante dessa história ocultada, tergiversada e criminalizada que as organizaçons e colectivos populares vamos tecendo nesta Galiza do Século XXI. Siareir@s Galeg@s nom lança este DVD com a simples vontade de documentar os últimos anos da luita polos direitos nacionais da Galiza, no terreno desportivo, senom que quer homenagear o combate quotidiano desta naçom chamada Galiza e o seu povo trabalhador. Nada melhor que este trabalho, que documenta que na Galiza ainda existem jovens que se rebelam."