Graças às companheiras e companheiros de Galiza Contrainfo dispomos deste vídeo que agora vos oferecemos sobre a jornada do passado sábado:

Desde o centro social agradecemos a entrega do grupo de sócias e sócios que figérom possível a realizaçom do torneio e damos a bem-vinda à nova equipa para a ediçom do próximo ano: os ordenses KASTOMÄ!
Obrigadas/os!

Sétima ediçom do torneio de futebol da Revolta já chegou!! Será no próximo sábado dia 26 de junho a partir das 10h00 no campo da pirucha em Sam Miguel de Oia.
A jornada dará começo às 10h00 com um acto de inauguraçom ao que seguirám os jogos eliminatórios que nos levarám até a hora do jantar, este decorrerá no mesmo campo da pirucha. Já de tarde disputará-se a fase final do torneio. Durante todo o dia as/os assistentes poderám refrescar-se no balcom instalado para a ocasiom pola organizaçom com preços populares.
Na noitinha, já no centro social, petiscos e música às 21h00 com DJ NGK RACING e para as 22h30 entrega de prémios e grande concerto com os ordenses KASTOMÄ.

Nesta sexta-feira dia 25 de junho às 21h30 do serám a Coordenadora de Centros Sociais de Vigo (Faísca, Revolta, Guindastre, A Cova dos ratos e Semente Vermelha) organizamos umha ceia-convívio no Faísca com o objectivo de recadar fundos para a Jornada do dia da Galiza, que este ano celebraremos o dia 10 de julho no centro cívico de Teis (palestras, jantar, música ao vivo, jogos, ...) e na carvalheira da Guia (concertos). O preço do prato será o custo, sobre 5 euros, e depois quem puider e quiger pode fazer umha achega solidária. Apontade-vos nos centros sociais para fazer umha estimaçom de assistentes.

A seguir da ceia, iremos todas e todos para a sala A Farándula na praça de Portugal onde haverá pinchada de "Selectah in Helicopta" e mais "Selectah Txo" a partir das 00h00. Entrada solidária 1 €.

CONSTRUINDO GALIZA NOS BAIRROS DESDE A ESQUERDA!!

Na próxima terça-feira dia 22 de junho começaremos a celebraçom do solstício de verao deslocando-nos até a mancomunidade de montes de Cabral, onde além de recolher as tradicionais ervas do sam-joám, conheceremos o projecto no que trabalham várias/os sócias/os da Revolta: umha horta ecológica. As/os interessadas/os na excursom podem-se anotar no balcom do centro social.
Já no 23 de junho, a partir da 19h30, prepararemos as ervas e haverá foliada e sardinhada na Revolta até as 00h00, momento no que baixaremos à praça do Berbés para olhar a queima da cacharela da zona velha.

Para despedirmos o matraquilho do centro social como devemos, no próximo sábado dia 19 a partir das 19h30 dará começo um campeonato a disputar entre as equipas apontadas (ainda vos podedes apontar na lista que há na cortiça do centro social) e que finalizará com a correspondente entrega de prémios.

Nesta sexta-feira dia 18 às 20h30, Fernando Alfaia, Antom Árias Curto e José Collazo Castro nos introduzirám no debate sobre o recurso da classe trabalhadora para a conquista e defesa dos interesses próprios, com umha visom histórica e crítica, e com a pretensom de clarificar o posicionamento diante dumha greve geral na Galiza. Ao rematar o acto haverá petiscos para as/os assistentes.