Na quinta-feira dia 27 às 20h30 projectamos no centro social o documentário "Memória, dignidade e luita" elaborado pola plataforma antifascista de Madrid.
O rei e chefe do estado espanhol Juan Carlos I foi nomeado e educado pola ditadura de Franco.
Quando na televisom nos dam liçons de memória histórica, omitem que a "transiçom" nom foi mais que umha maneira de fortalecer o modelo económico capitalista. Sem resistência social achairamos-lhe o caminho para os negócios, achárom com acerto. Sem movimento obreiro combativo haverá mais benefícios para os nossos petos empresariais, celebrárom. Fizérom um franquismo sem Franco e o apresentárom como "a chegada da democracia". Aplastárom a consciência de classe e a memória das/os luitadoras/es, com subtileza isso sim, para que o tiunfo do capital for assumido como o triunfo do povo. E se embebedárom nos seus próprios aplausos.
A chegada da democracia é a história que escrevérom os donos do dinheiro e os seus sentinelas fascistas. Agora nós, as/os escravas/os em rebeldia, vamos reescrever a história, rachar a realidade imposta. Deitar luz revolucionária sobre a obscuridade franquista com a coerência das/os que nem esquecem nem perdoam.
A memória, a dignidade e a luita, continuam.

Em 3 de março de 1976, a polícia espanhola baixo responsabilidade directa do entom Ministro de Governaçom Manuel Fraga Iribarne, mata 5 pessoas e fere mais de cem em Gasteiz no transcurso dumha assembleia de trabalhadores/as.
Era a maneira em que o Estado espanhol fechava a porta à possibilidade de mudanças sociais profundas, a maneira de pôr os limites às crescentes demandas do povo.
Em 3 de março de 2006, trinta anos após, umha manifestaçom em recordo das vítimas com várias/os familiares destas à frente é duramente reprimida pola ertzaintza em Gasteiz.
Através da música do cantor catalám LLuis LLach, som apresentados estes factos no documentário "LLach: la revolta permanent" que projectaremos no centro social nesta quinta-feira dia 20 às 20h30.

Nesta sexta-feira dia 14 começamos a celebraçom do dia das nossas letras com umha festa no centro social. A partir das 18h30 haverá petiscos e projecçons. Já perto das 22h00, e antes de que os estradenses "Esquios" subam ao cenário, procederemos à entrega da camisola às/aos membros da equipa de bilharda que nos representarám no II Aberto de Bilharda da comarca de Vigo a jogar no torreiro de Bembrive o sábado 16 às 16h00.

No passado domingo dia 9 o Maio chegou à Revolta da mao de Deleite. Dentro da festa dos maios que se celebrou no bairro, o grupo viguês de apoio à lactaçom ultimou os preparativos da sua actuaçom no nosso centro social. No seu blogue podedes olhar mais fotos assim como um vídeo da jornada.

Em quatro anos, o tempo que dura umha administraçom norteamericana, um pequeno país que começa umha Revoluçom é submetido a centenas de actos de sabotagem, a umha invasom em grande escala, a um bloqueio económico e coloca-se no vórtice dum possível holocausto nuclear...Esta é a crónica, em eloquentes imagens, dos quatro anos que estremecêrom o mundo. Na proxima quinta-feira dia 6 às 20h30 no centro social.