CENTRO SOCIAL REVOLTA
    Rua Real 12, rés-do-chão.
    Zona Velha. Vigo. Galiza.
    csrevolta@gmail.com

    DIA DA PÁTRIA

    FUTEBOL 7

    FESTA DA RECONQUISTA

    CONSUMO CONSCIENTE

    VIDEOTECA

    DICIONÁRIO

    Pesquisa no e-Estraviz

    Busca

Arquivos para: Dezembro 2011

Festa de fim d´ano

28-12-11

Remata o ano 2011 e, mais um ano, a luita continua. Começara-se com a entrada no ano 2012 pola hora galega (01h00 em Madrid), sorteara-se a cesta de natal e haverá festa até que o corpo aguante.

Escrito às 18:52:56 nas castegorias: ACTIVIDADES
por csrevolta Email , 35 palavras, 807 leituras   Portuguese (PT)   Chuza!
Ceia solidária

28-12-11

Tras as detençons, realiçadas há quase um mês polas forças repressivas do estado, e o registro do local da nossa associaçom polas mesmas sujas mãos policiais convoca-se para a sexta-feira dia 30 de dezembro umha ceia no local da Revolta solidária com o CS Revolta. O preço da ceia será o de custo e começará sobre as 22h00, umha vez rematada a concentraçom que todas as derradeiras sextas de cada mês convoca o Organismo Popular Anti-repressivo Ceivar coincidindo com o jejum que realiçam @s companheir@s do Colectivo de Pres@s Independentistas Galeg@s.

Recuperemos o roubado!
Teto, Edu, Antom, Maria, Santi, Jose, Telmo, Miguel, liberdade!

Escrito às 16:52:29 nas castegorias: ACTIVIDADES
por csrevolta Email , 102 palavras, 1797 leituras   Portuguese (PT)   Chuza!
Apresentaçom do livro teoria de inverno

26-12-11

Nesta quarta-feira 28 de dezembro às 20h30 terá lugar a apresentaçom do livro "Teoria de Inverno. Os presentes do Apalpador" com a participaçom da Comissom de Memória Histórica da Gentalha do Pichel.

Escrito às 12:53:16 nas castegorias: ACTIVIDADES
por csrevolta Email , 31 palavras, 419 leituras   Portuguese (PT)   Chuza!
Apresentaçom do coletivo Negres Tempestes

24-12-11

Nesta terça-feira 27 de dezembro às 19h30 terá lugar a presentaçom do colectivo anarco-independentista catalám Negres Tempestes.

Escrito às 19:33:08 nas castegorias: ACTIVIDADES
por csrevolta Email , 16 palavras, 222 leituras   Portuguese (PT)   Chuza!
Endereços provisórios de Antom, Edu, Maria e Teto

12-12-11

Desde o Organismo Anti-represivo Ceivar fam um chamamento a fazer chegar as vossas cartas e postais aos presos e à presa independentistas galeg@s, co fim de rechar o isolamento e achegar-lhes o abraço solidário do nosso povo.


Roberto Rodriguez Fialhega
(Preso independentista galego)
C. Penitenciário de Madrid VII
Crtra. M-241, km. 5,750
28595 Estremera (Madrid)
Espanha


Eduardo Vigo Dominguez
(Preso independentista galego)
C. Penitenciário de Madrid IV
Crtra. N-V, km. 27,7
28600 Navalcarnero (Madrid)
Espanha


Maria Osório Lopes
(Presa independentista galega)
C. Penitenciário de Madrid V
Crtra. Comarcal 611, km. 37,6
28770 Soto del real (Madrid)
Espanha


Antom Santos Peres
(Preso independentista galego)
C. Penitenciário de Madrid VI
Crtra. Nacional 400, km. 28
28300 Aranjuez (Madrid)
Espanha

Escrito às 18:35:52 nas castegorias: ACTIVIDADES
por csrevolta Email , 107 palavras, 429 leituras   Portuguese (PT)   Chuza!
A REVOLTA PERANTE AS DETENÇONS DE QUATRO CIDADÁNS GALEGOS

02-12-11

Na passada quarta-feira 30 de novembro fôrom sequestrad@s quatro pessoas sócias, cidadáns galeg@s que de ter cometido algum delito é o de nom renunciar à naçom galega. As gadoupas do estado espanhol arrebatárom a esta cidade quatro vizinh@s que nom assumem a dominaçom espanhola baixo a que se atopa o povo deste país, país que podem nom voltar pisar em muito tempo, polo que devemos exigir a sua imediata posta em liberdade e o regresso à terra da que nunca os devérom levar.

Ademais das casas particulares e familiares e do CS Arredista, o local da nossa associaçom também foi registado na noite dessa mesma quarta-feira na presença do companheiro Teto e com a impunidade que lhes dam as suas armas a estes servos de espanha e do capital que dam em chamar polícia.

Sem mais passamos a reproduzir o comunicado do organismo popular anti-repressivo ceivar e disponibilizamos o video realizado por GalizaContrainfo, o único meio de informaçom que nom presta serviço ao estado fazendo de altofalante do estado dos presentes durante o registo do local (CRTVG, Faro de Vigo, agências, LaVoz, etc.)

COMUNICADO DE CEIVAR PERANTE AS DETENÇONS DO 30 DE NOVEMBRO

Mais umha vez, Espanha lança os seus cans de presa contra galegas e galegos dignos. Sabemos como é o procedimento; o nosso povo leva séculos padecendo-o: homes armados e pagados polo Estado entram nas nossas casas para arrebatar-nos àquelas e àqueles que levam exactamente os mesmos séculos impedindo que a Galiza morra.

Hoje, ademais, todo um protocolo mediático e psicológico acompanha este tipo de operaçons: silêncios medidos, declaraçons pre-fabricadas, ameaças, condenas, presença policial...pretendem extender um clima de dessassosego e terror entre os círculos sociais e militantes daqueles que luitam. Os nossos companheiros detidos, as nossas comunicaçons intervidas, os nossos centros sociais assaltados, as nossas vidas ameaçadas....isso, exactamente isso, é o "estado de direito" espanhol. Umha maquinária desenhada e lubricada para romper a nossa tranquilidade e os nossos nervos, mas ante a que sabemos responder com serenidade, apoio mútuo, e as portas e os braços da nossa comunidade abertos de par em par.

Jessica Rodriguez, Eduardo Vigo e Teto Fialhega fôrom detidos hoje pola única organizaçom armada que leva aterrorizando o nosso povo desde hai geraçons: a Espanha dos militares golpistas, dos polícias torturadores, dos políticos ao serviço do Capital e dos oligarcas impunes. Os nossos dous companheiros e a nossa companheira, a quem o inimigo acusa de terroristas, som agora --no calabouço no que se encontrem, diante do mercenário que os custódia ou os interroga-- o exemplo mais vivo da dignidade galega umha e mil vezes submetida à violência dos poderosos. Nós, quem nos sentimos orgulhosas e orgulhosos das suas trajectórias humanas e militantes, concentramo-nos hoje aqui para expressar ao mesmo tempo a nossa raiva e a nossa solidariedade,e, ademais:

1. Para informar a sociedade galega de que, mais umha vez, os médios mentem. De que os galegos e a galega detidos hoje nom representavam nengum perigo para a nossa sociedade, de que, de facto, só "aterrorizavam" àquelas e àqueles que querem governar sobre ovelhas, que nom consentem que este país de "paletos" e "coitadinhos" se empenhe umha e mil vezes em ser um povo de pessoas dignas, livres e rebeldes.

2. Se de algo serve, para exigir a um Estado ao que a democracia e os direitos humanos lhe provocam alérgia, o trato digno e respeituoso que todo prisioneiro merece. Alertamos da aplicaçom de medidas excepcionais e da supressom das garantias mínimas para os detidos e para a detida, e recordamos as denúncias insistentes que Espanha leva recebendo anto trás ano por parte dos mais prestigiosos organismos internacionais de defesa dos direitos humanos.

3. Para erguermos mais umha vez o punho da dignidade, do orgulho e da luita, esse mesmo punho que Jessi, Teto e Eduardo tenhem agora mesmo algemado, mas que neles, em nós próprios e nos que virám, representa a vontade galega de existir, de luitar e de vencer.

ANTES MORT@S QUE ESCRAV@S!
JESSI, TETO, EDUARDO, CATA, LIBERDADE!!
VIVA GALIZA CEIVE! VIVA A RESISTÊNCIA NACIONAL!

Escrito às 16:46:40 nas castegorias: ACTIVIDADES
por csrevolta Email , 666 palavras, 1041 leituras   Portuguese (PT)   Chuza!

    PRESOS INDEPENDENTISTAS

    Hadriám Mosqueira Paços "Senlheiro"

    Carlos Calvo Varela

    Xurxo Rodrigues Olveira

    Roberto Rodrigues Fialhega

    "Teto"

    Eduardo Vigo Domingues

    Antom Santos Peres

powered by b2evolution free blog software