Como informou galizalivre.org, a filtraçom de informaçom à imprensa do regime obrigou a fazer pública desde já a okupaçom do antigo asilo do Bairro do Cura na Zona Velha de Vigo e as atividades previstas.

Durante as últimas horas um grupo de activistas adicarom esforços ao acondicionamento de parte do imóvel destinado por Valeri Karpin e o alcaide Abel Caballero para a construçom de vivendas de luxo e áreas comerciais. Mas nom estamos dispostas/os a deixalo estar sem mais, nem vamos ficar de braços cruzados ante tal disparate.

Até o de agora nom houvo maiores complicaçons, dous polícias locais achegáronse até o lugar mas sem realizar identificaçom algumha. Assegurarom saber que estám dentro mas que nom estavam lá pola ocupaçom. Também contarom com a inesperada visita de jornalistas de diferentes meios que ante a negativa de fazer declaraçons decidirom marchar. Nos próximos dias seguiremos informando.

Fazemos um chamamento ao tecido associativo da cidade a se implicar activamente na defesa do Bairro do Cura.

PARTICIPA DAS JORNADAS DO BAIRRO DO CURA!!
STOP ESPECULAÇOM!!
OKUPA E RESISTE!!

O vindouro 18 de novembro, às 21h30 horas a Assembleia Comarcal do Organismo Anti-Repressivo Ceivar, organiza umha ceia no CS Revolta.

O menú: caldo vegetal, arroz de marisco ou vegetal, sobremesa e bebida. Preço de custo.

Nesta sexta-feira 11-11-11 celebraremos o magosto na Revolta. A partir das dez da noite haverá castanhas e chouriços.