Este sábado dia 23 de Janeiro às 22:00 hrs., dentro do ciclo de concertos "Somos um povo e artistas" e desde Compostela Guerrilheiro será o artista encarregado de animar a festa (más informaçom em http://www.myspace.com/currunchodoguerrilheiro ). Preço: 3?.

Esta quarta-feira 20 de Janeiro, às 20:00h, tera lugar um Acto de Solidariedade coa Revoluçom Bolivariana por parte do jornalista e cofundador de Aporrea Gonzalo Gómez.

O relatório incluira os seguintes temas:

* Origem da revoluçom.
* Situaçom actual e perspectivas.
* A luita de classes: Organismos de democracia participativa e controlo popular. O controlo obreiro dos meios de produçom.
* Os meios de comunicaçom ao seviço do povo. Contrapropaganda da direita e das democracias burguesas e ocidente.
* A necessidade de umha nova Internacional. A proposta da V internacional.

Esta segunda-feira 18 Janeiro ás 20:30 h projectara-se o documentário 'Disparar a um elefante' de Alberto Arce e Mohammad Rujailah.

No día do vissionado global deste relato de um testigo presencial na Franja de Gaza durante os 21 dias que durou a operaçom Cast Lead (Chumbo Fundido) no dezembro 2008-janeiro 2009, unímonos á difussom de um dos poucos documentos independentes sobre a mentada masacre.

Este sábado dia 9 de Janeiro às 22:00 hrs., dentro do ciclo de concertos "Somos um povo e artistas" e desde Ourense Leite de nai será o grupo encarregado de animar a festa (más informaçom sobre o grupo em http://www.myspace.com/leitedenai ). Preço: 3?.

Remata o ano 2009 coa lembrança de grandes momentos e o desejo de que em 2010 sigamos trabalhando na defesa do nosso país tanto ou mais activamente.

Para esta quinta-feira dia 17 de Dezembro ás 20:00h. o Sindicato Labrego Galego organizou umha jornada de debate com o objectivo de criar um grupo de consumidores/as que adquiram os productos directamente aos productores/as.

Esta sexta-feira dia 11 de Dezembro temos o orgulho de contar com os ex-presos políticos galegos Santiago Vigo e José Manuel Sanches. Ás 20:30h compartiram com o público as suas experiências nas prisons espanholas de Alcalá-Meco, Aranjuez, Mansilla de las Mulas (León), Valdemoro (Madrid) e Dueñas (Palencia).

Umha vez rematada a mesma haverá umha ceia auto gerida no mesmo local da associaçom. Anotáde-vos através do correio electrónico csrevolta@gmail.com ou bem no local antes da quinta-feira.

Anunciamos que o grupo SIVARITAS (Corunha), data de actuaçom 23 de Janeiro, disolve-se como grupo musical... a sua data passa a ser ocupada polo MC galego GUERRILHEIRO (Compostela).

Por outra banda, anunciamos também a realizaçom da FESTA FIM DAS JORNADAS MUSICAIS que se celebrará o vindeiro 6 de Março de 2010, na que apresentaremos o CD compilatório com temas dos grupos participantes nas jornadas, haverá projecçom de vídeo-clips, sorteios, charlas sobre a situaçom actual da língua e da música em galego, etc. e teremos ao grupo RAIBA como ponto final de umhas jornadas das que até o momento estamos muito satisfeitos polo resultado acadado.

Assim pois as datas de Dezembro ficam anuladas, voltamos o 9 de Janeiro com o grupo KASTOMA.

Animamos-vos a tod@s a seguir colaborando com a nossa língua, com as nossas bandas, com a música cantada em galego.

As celebraçons oficiais do 31º aniversário da aprobaçom da Carta Magna espanhola contaram á sua frente, mas um ano, com o imprescindível contraponto do programa de actos convocado por Causa Galiza para 6 de Dezembro. Umha intensa campanha agitativa prévia nas comarcas, onde se celebrarom um total de 11 assembleias; a celebraçom de umha manifestaçom nacional para exigir o reconhecemento do direito de autodeterminaçom, um jantar popular e o programa de concertos configuran as actividades planificadas polo foro soberanista. Fontes da portavocia colectiva de Causa Galiza asegurárom que ?a campanha de 6 de Dezembro é um ponto de saída para umha dinámica de trabalho permanente que visa socializar a necessidade urgente que temos da autodeterminaçom?.

A mobilizaçom convocada por Causa Galiza por terceiro ano consecutivo em 6 de Dezembro partirá às 12 da manhá da Alameda de Compostela. A legenda sob a que centos de galegas e galegos exigiremos o direito de autodeterminaçom para o País é Sobre nós decidirmos nós. Soberania é democracia. Causa Galiza cursou as preceptivas solicitudes e comunicaçons ante a Delegación del Gobierno de España e as autoridades municipais de Compostela para que a massa social independentista e soberanista poda exercer em liberdade e sem coacçons policiais o seu direito de reuniom e manifestaçom, umha vez que no passado, tanto em 6 de Dezembro como em 25 de Julho a mobilizaçom autodeterminista estivera submetida a umha intensa pressom das FSE.

A mobilizaçom de 6 de Dezembro rematará na Praça do Toral. Ali dará-se leitura ao manifesto Nem Autonomia, nem Constituiçom espanhola, nem Estatuto de Naçom: Galiza pola Autodeterminaçom. Aliás, a organizaçom do encerramento do acto anunciou que este se diferenciará dos remates tradicionais das manifestaçons, incluindo além das intervençons políticas , actuaçons musicais. Actuará o grupo ?Bouba Pandereteiras? e um quinteto tradicional formado por dous gaiteiros, um tamborileiro, um bombeiro e um acordeonista que tambem nos acompanharám no jantar posterior.

A seguir da manifestaçom está programado um jantar popular baixo cuberto na Alameda de Compostela que se iniciará por volta das 15:00 h. Causa Galiza informa de que nas semanas prévias procederá-se à venda de bónus de 12? nos centros sociais galegos para participar no jantar. O jantar popular estará amenizado pola actuaçom de Homes sem Medo e a continuaçom projectará-se um especial audiovisual do colectivo GZvídeos.

A continuaçom, a partir as 19:30 h. celebrará-se um concerto no que intervirám Míni e Mero, Homes sem Medo, Leo e Arremecaghona, Ultraqans e Ataque Escampe.

Animamos todos os galegos e galegas conscientes da situaçom actual do País a somar esforços, tanto na campanha informativa que se está a desenvolver nestes momentos como nos actos projectados para este 6 de Dezembro. Trabalhamos num presente de luita para construir um futuro nosso.

Avante a luita pola autodeterminaçom!

Viva Galiza ceive!

Esta sexta-feira dia 27 de Novembro, o Foro da Mocidade organiça umha xornada contra os recentes ataques da policia aos direitos colectivos da mocidade no casco velho. Coa escusa do botelhom estam a limitar o direito de reuniom e de desfrutar das nossas ruas. Participa nas actividades que se programarom!!!

PROGRAMA :

- 22:00 Recital de poesia no C.S. Revolta.

- 23:15 Marcha informativa polo casco velho com saida da praça da vila (Praça da constituiçom).

- Depois da marcha, foliada no C.S. Revolta.

MANIFESTO :

A comezos do verán deste mesmo ano, o Concello de Vigo, por medio do concelleiro de Mobilidade, Transporte e Seguridade, Xulio Calviño, anunciaba a nova política da entidade municipal para enfrontar o "problema" do botellón. Desde o primeiro momento as medidas anunciadas puxeron en garda aos movementos polos dereitos cidadáns por vulneraren dereitos fundamentais dun xeito aberto e descarado.

Por todo o barrio chantaron carteis anunciando "zonas protexidas", nun exercicio de criminalización da mocidade que, implicitamente, é considerada "potencialmente perigosa" polas autoridades municipais e así mostrada ao pobo mediante este tipo de sinalización.
Así, coa excusa de loitar contra o botellón e a prol dos dereitos dos veciños das zonas afectadas polo mesmo, vimos de sofrer un gravísimo recorte das nosas liberdades individuais e colectivas. Erran de cheo os que pensan que os problemas se atallan a base de pau e sanción económica. Erran de cheo.

A comezos do outono fomos vendo como as rúas do barrio do Berbés, como antes acontecera con outras zonas da cidade, eran tomadas pola policía. Da boca do propio Calviño puidemos escoitar lindezas que, mesmo vindo de quen viñan, nos sorprenderon e deixaron pampos. A nova política antibotellón consistiría, basicamente, na ocupación das rúas polas forzas represivas, que actúan cunha prepotencia e unha impunidade propias de reximes fascistas, e na prohibición de reunións de máis de dúas persoas na vía pública nas noites das fins de semana, así coma sancións aos locais que incumpran os horarios de apertura ou "deixen" saír a xente con bebidas alcólicas á rúa.

Xa que logo, desde o Foro da Mocidade queremos protestar enerxicamente contra toda esta serie de afrontas e agresións á xente nova viguesa. Queremos denunciar que as autoridades que na teoría están para nos protexer, o único que pretenden é establecer un control absoluto sobre todos os aspectos da nosa vida. Queremos denunciar, así mesmo, todos os abusos de autoridade que os novos e as novas sufrimos con total impunidade para quen, en última instancia, baixa o brazo, mais queremos tamén apuntar co dedo aos culpables directos desta situación; unha clase política ao servizo dos intereses da burguesía e da propiedade privada, armada até os dentes e disposta a deixar caer todo o peso das súas porras e sancións económicas sobre quen, neste caso, non pretende máis ca facer uso de liberdades tan básicas coma o dereito á libre reunión, á libre expresión.

Non ao estado de sitio, as rúas son do pobo.
Non á criminalización da mocidade.