Neste día da pátria o Colectivo de Pres@s independentistas Gales@s queremos estar presentes nas ruas de Compostela, achegando a nossa reflexom e participando desta jornada tam significada para o nosso país.

Chegamos a este dia numha situaçom politica marcada pola ofensiva espanhola contra a nossa identidade nacional e os direitos sociais, laborais e as liberdades públicas, para manter o modelo sócio-económico vigente, aprofundizando na opressom nacional e na exploraçom do nosso povo.

O estado da língua, da cultura, a destruiçom do território, a desestruturaçom económica e social, as reformas laborais e sociais contra a maioria, a fascistizaçom e a repressom sem limite, amossa a dramática situaçom que vive o País.

Esta situaçom requer de tod@s nós, compromisso, responsabilidade e implicaçom para enfrontar a Espanha e avançar cara a soberania como único horizonte, e devemos ser capazes de erguer umha forte resistência contra a destruiçom de Galiza, e caminhar cara a independência, do contrário, o imperialismo espanhol pode asimilar definitivamente a nossa Naçom.

Hoje queremos saudar as organizaçons e colectivos que nas atuais circunstâncias apostam pola superaçom do atual marco jurídico-político como única via para o reconhecimento dos direitos políticos que nos correspondem e para o respeito a nossa identidade nacional. Assim mesmo queremos transmitir que os sectarismos, a comodidade e a falta de valentia condenam a luita independentista à marginalidade e estancam-na no trincheirismo e a auto-afirmaçom grupal.

As etiquetas ideológicas, a grandiloquência das palabras e a cativeza dos feitos som verdadeiras trabas para o avance independentista, que com humildade e valentia deve artelhar ferramentas que permitam consolidar espaços soberanistas e nos permitam ir adiante cara o Estado Galego.

O Estado espanhol aperta, a repressom, a vulneraçom de direitos, a negaçom, som características fundamentais da opressom que sofre a nossa naçom, para enfrenta-la com éxito, a luita galega debe dar-se em todos os ámbitos e com todas as consequências . Só desde a luita firme e decidida temos opçons de conquerir a nossa liberdade.

Fazemos um chamamento ao Povo Galego, @s nacionalistas Galeg@s, a continuar defendendo a nossa Pátria, a manter a solidariedade forte e incondicional com @s pres@s e a contribuir ativamente à tarefa coletiva da luita de libertaçom nacional.

VIVA GALIZA CEIVE!!
A LUITA É O ÚNICO CAMINHO!!
DENANTES MORT@S QUE ESCRAV@S!!

VIVA GALIZA CEIVE!! A LUITA É O ÚNICO CAMINHO!! DENANTES MORT@S QUE ESCRAV@S!!

Por quinto ano consecutivo o Organismo Popular Anti-Repressivo Ceivar, volve sair às ruas da capital galega na véspera do Dia da Pátria, para achegar de primeira mao as situaçons ilegítimas e ilegais que sofrem @s pres@s independentistas nas prisons de Espanha. Umha vez mais amossaremos a nossa solidariedade com @s sete combatentes encarcerad@s, exigiremos a sua liberdade e denunciaremos a dispersom (medida pola qual @s pres@s estam a centos de quilómetros da terra), as restriçons que padecem, as humilhaçons constantes e os maus tratos que recebem.
A Cadeia Humana esta convocada para o dia 24 às 20:00h na Praça da Galiza, para a qual fazemos um chamamento a participardes todas e todos, para exigir um ano mais o respeito dos direitos humanos e imediata posta em liberdade d@s combatentes galeg@s.
[Por último, dizer que a Cadeia Humana esta comunicada à Subdelegaçom do Governo, mas consideramos oportuno que as pessoas participantes portem o bilhete de identidade.]

STOP REPRESSOM ESPANHOLA!!
ADIANTE A LUITA INDEPENDENTISTA!!
LIBERDADE PATRIOTAS GALEG@S!!

Em apenas dous dias chega o Lipdub Terra à zona velha! Lembrai acudir com todo tipo de cousas que se vos ocorram; disfarces, desenhos, cartolinas com legendas escritas,... com qualquer cousa colaboras para o bom desenvolvimento da gravaçom. Só pedir-vos, que no caso das cartolinas estas nom sejam brancas, pois nom se poderia ler a inscriçom polo efeito da luz sobre a cámara. Se queredes mais ideias sobre o que poder levar só tendes que visualizar os lipdubs que há na rede. Esperamos-vos!!

Na vindoura sexta-feira dia 20 de julho e dentro das jornadas conjuntas dos três centros sociais vigueses decorrerá umha palestra-debate sobre o dia da Pátria às 20h30 no nosso local social. Ao ato assistirám representantes de diversas organizaçons políticas que exporám a sua visom do tema.

Na próxima sexta-feira dia 13 de julho às 20h00 na A.C. Bou Eva (Rua Terço de fora, 11) transcorrerá umha homenagem a Roberto Vidal Bolaño que contará com a presença da atriz Mónica Camaño, o ator Zé Paredes e o diretor de cinema Antón Dobao. O ato está inserido nas Jornadas polo dia da Pátria que estamos a desenvolver o L.S. Faísca, A.C. Bou Eva e C.S. Revolta.

As Jornadas polo dia da Pátria que estamos a realizar durante este mês de julho entre os três centros sociais vigueses, tenhem a sua continuaçom até o 21 deste mês:

12 de julho: 19h30 no L.S. Faísca, palestra-debate "Galiza, umha colónia?"

13 de julho: 20h30 no C.S. Bou Eva, homenagem a Vidal Bolaño.

20 de julho: 20h30 no C.S. Revolta, palestra sobre o dia da Pátria com representantes de diversas organizaçons.

21 de julho: 14h00 jantar popular na praça do Berbês (8?) e às 17h30 LIPDUB TERRA VIGO (Rua real e rua dos cesteiros finalizando na praça da vila)

Na próxima quinta-feira dia 12 de julho às 19h30 no L.S. Faísca (Rua Toledo, 9 - Calvário) umha palestra-debate abordará a consideraçom da Galiza como colónia. O ato está inserido nas Jornadas polo dia da Pátria que estamos a desenvolver o L.S. Faísca, A.C. Bou Eva e C.S. Revolta.