ROTEIRO DAS IRMANDADES
Um passeio pola Corunha vistando os mais emblemáticos lugares das Irmandades da Fala

domingo dia 15 de janeiro
9h45 na estaçom dos comboios de compostela
11h30 no café vecchio da rua real da corunha

Começaremos na rua Real para tomarmos um café no Café Vecchio, que tem um importante mural da Corunha feito por Urbano Lugris. Lembraremos o local onde estivo a Editorial Nós, passaremos pola praça María Pita até o cemitério de Santo Amaro em lembrança de significados persoeiros galeguistas... e jantaremos no mesom onde estava a fonda da família de Ángelo Casal.

Xúlio Cuba acompanhará o roteiro e irá indicando todo o tipo de dados e pormenores históricos.

Para jantar confirmar assistência em gentalha@agal-gz.org ou no 696026002

colaboram o facho e o c.s. gomes gaioso

O Centro Social Gomes Gaioso solidariza-se com o ex pessoal da Torre de Hércules, despedido na sua totalidade pola Cámara Municipal da Corunha, de umha forma absolutamente obscura, sem mediar explicaçom de qualquer classe nem garantir o seu futuro. A Torre, monumento recentemente distinguido com a condiçom de “Património da Humanidade”, será encerrada ao público no próximo Domingo dia 15, sem que o governo local tenha esclarecido até o momento qual é o motivo nem a finalidade desse feche. É lógico pensar, quando se age com tal secretismo, que as intençons nom som boas nem terám a aprovaçom do povo. E nom é nada disparatado suspeitar que o intuito é privatizar os serviços relacionados com a Torre, isto é, atençom ao público, limpeza, manutençom, etc.

É verdadeiramente grave que o recém estreado governo local pretenda pôr em maos de umha ou várias empresas privadas o cuidado e gestom de um monumento que é de todas e todos, com ou sem distinçons instintucionais, e que está tam ligado à nossa história e á nossa identidade. Mais grave ainda é que o faga ignorando os direitos das e dos trabalhadores. Sem dúvida estamos perante a aplicaçom da consigna ultra-neoliberal de “otimizar recursos” e “reduzir despesa pública”, neste caso cenificada sobre o símbolo da nossa cidade por excelência, o que pode ser umha síntese perfeita das políticas que nos aguardam com a equipa que preside o Sr. Negreira. Que nom se ponham em conhecimento das trabalhadoras os planos da Cámara Municipal e que se lhes despida sem garantir nem umha sub-rogaçom, fai parte do mesmo conceito de gestom municipal. Os trabalhadores e as trabalhadoras som peças sem importáncia perfeitamente prescindíveis ou substituíveis e a eliminaçom de um posto de trabalho é umha decisom que sem problema nengum se pode abstrair do seu impacto humano ou social.

Sempre defenderemos os direitos da gente trabalhadora perante economicismos trapalheiros e, sem dúvida algumha, defenderemos sempre também que os nossos tesouros mais prezados, aqueles que contenhem a nossa história como povo, devem ter umha gestom pública, transparente e participativa, para que nunca deixem de ser do povo. Por isso, o Centro Social Gomes Gaioso chama a participar na concentraçom convocada polos trabalhadores e trabalhadoras da Torre no dia 15 de Janeiro, as 17 horas

António Gil Hernández apresentará os novos números lançados da coleçom CLÁSSICOS DA GALIZA, editados por Edições da Galiza em parceria com a Academia Galega da Língua Portuguesa. Os Clássicos da Galiza som uma reediçom dos grandes autores galegos adaptados ao Acordo Ortográfico de 1990 com notas e glossários que enriquecem o texto literário.

Celso Álvarez Caccamo apresentará o recentemente criado Arquivo Digital da AGLP, um inovador repositório de materiais digitalizados acerca da língua e cultura galega. O Arquivo Digital contém materiais de texto, áudio, vídeo e imagem, disponibilizados sob licença Creative Commons, permitindo-se assim o seu livre acesso, utilizaçom, distribuiçom e cópia, além de um rápido e eficiente sistema de pesquisas, catalogaçom e acesso.

O ato começará na sexta-feira 13 às 20h30.

Podes informar-te no próprio centro, ou no correio gomesgaioso@gmail.com

O novo leque de cursos do Gaioso está pronto a começar e o seu calendário de início fica da seguinte forma. FOTOGRAFIA será às quintas-feiras e começa o dia 1 às 20h00; PANDEIRETA será às sexta-feiras e começa o dia 2 às 18h30; ÉUSCARO (iniciaçom) será às segundas-feiras e começa o dia 5 às 20h00, (aperfeiçoamento) será às sextas-feiras e começa o dia 9 às 20h00. Está pendente de saber o ínício de artesania com coiro e de árabe. Interessadas/os podedes escrever um correio a gomesgaioso [arroba] gmail [ponto] com.

Como todos os anos desde que encetamos este projeto homenageamos a figura do comunista galego que dá nome ao nosso centro social. Há já 63 anos que num cinzento 6 de novembro o fascismo espanhol matou o que era o chefe político-militar da guerrilha galega.

No passado fim de semana o centro social acolheu umha ceia de confraternizaçom para sócias e amigos e entregárom-se umhas flores onde descansam os seus restos, na parcela 98 do cemitério de Santo Amaro.

Mais um ano fazemos memória da luita infatigável do Gaioso. Nom te esquecemos.

Sábado 29 - Repichoca e magusto.

As repichocas voltam ao Gaioso os últimos sábados de cada mês, nesta ocasiom com castanhas!
Pega no teu instrumento e ajuda a montar a repichoca que coincidirá com o magusto do Centro Social.

Segunda-feira 31 - Samhain e concurso de cabaças.

Decora a tua cabaça, participa num lote de produtos da terra e desfruta connosco a noite do Shamain.

Como em cada ocasiom deste tipo as pessoas sócias do Gomes Gaioso podemos contribuir a encher a cesta de produtos.

O Penúltimo Acto organiza um Círculo Poético Aberto, no que poderá participar de maneira ativa tod@ aquela ou aquele que o desejar...

O CSGG organiza um evento onde se poderá ver umha exposiçom que consiste em entrevistas a mulheres trabalhadoras da comarca do Condado polo passado 8 de março. Esta exposiçom foi elaborada pola Assembleia de Mulheres do Condado com motivo do I centenário da data do 8 de março. A ideia é a de mostrar a situçom atual da mulher trabalhadora galega. Haverá umha refeiçom para as pessoas assistentes.

À oferta inicial de cursos acrescentamos ÁRABE, ARTESANIA e GAITA! Se estiveres interessada passa polo Centro Social ou envia um correio a gomesgaioso [arroba] gmail.com e informa do curso que preferes e do dia e hora que che vem melhor.

Representantes da Plataforma para a Defesa da Ria do Burgo falarám no Centro Social Gomes Gaioso (Rua Marcóni, 9 rés-do-chao esquerda – Corunha) da situaçom deste espaço natural altamente contaminado e da luita da entidade pola sua recuperaçom. Será neste 13 de outubro, às 21h00 e espera-se a presença do presidente da associaçom vizinhal O Nosso Burgo, Ramom Sixto; o Patrom – maior da Confraria de Mariscadores Manuel Cao e do marinheiro Luís do Pico