No passado dia 28 de abril diversas entidades que trabalhamos pola defesa da nossa língua decidiamos numha junta aberta, e convocada em regime de autoconvocatória, que o reintegracionismo de base tinha que visibilizar-se na manifestaçom nacional que decorrerá no dia 17 de maio, Dia das Letras, nas ruas de Compostela.

A maneira que achamos para fazer mais efetiva essa visibilizaçom é participar no Bloco Laranja que sairá da Estátua das Marias, na Alameda.

Pola nossa parte, desde o Centro Social Lume!, chamamos à base social reintegracionista a participar no Bloco Laranja, utilizando macizamente essa cor nesse dia, e animamos outras entidades a somarem-se a esta convocatória e difundir o manifesto da mesma.

Full story »

A quarta-feira, o camarada Miguel Nicolás ficava livre do seu seqüestro polo Estado espanhol após passar um ano e meio em prisom.

Perante esta alegre nova que já anunciamos o passado 1º de maio, o Centro Social LUME! realizará hoje umha ceia solidária às 21h após o recibimento popular que decorrerá no Mercado do Calvário às 19h30.

BEM VINDO À PÁTRIA MIGUEL! http://csamt.blogspot.com.es/

Como o primeiro ano após a nossa inauguraçom, o Centro Social LUME! celebramos um jantar de confraternizaçom polo dia do Internacionalismo Proletário, que este ano veu marcado polos constantes recortes que a burguesia, através dos seus títeres de turno no governo, estám a lançar sobre a classe trabalhadora. Deste jeito, este 1º de maio ficava envolto na resaca da greve geral do 29-M e diversas organizaçons do MLNG solicitárom que a próxima greve geral fosse de 48 horas para parar a brutal ofensiva do Capital.

Nesse sentido fôrom as palavras do Responsável Comarcal de NÓS-UP de Vigo que, após ser apresentado por um membro do LUME! resaltou a linha que a sua organizaçom deve seguir na comarca, com mais empregos destruídos e de maior importáncia no seio da luita obreira.

Posteriormente, e antes da foliada da que desfrutárom as 40 pessoas assistentes, o responsável do Centro Social volveu falar para anunciar com alegria a libertaçom do camarada Miguel Nicolás, que terá um recibimento popular a sexta-feira 4 de maio e umha ceia solidária por volta das 21h no nosso Centro Social.

Agradecemos a presença de todas e todos @s que compartilharom o 1º de maio connosco.
A seguir na luita!

O Centro Social Lume! tem a gratitude de acolher, umhas Jornadas Revolucionárias para os próximos dias 23 e 24 de abril, onde contaremos coa presença de Carlos Casanueva (militante do PC do Chile e secretário-geral do Mov.Continental Bolivariano -MCB-) e de Jorge Beinstein (economista marxista argentino).

* Segunda-feira dia 23 às 20h30, Casanueva falará da "Revoluçom Bolivariana e a luita revolucionária na América Latina". Posteriormente teremos umha Ceia de confraternizaçom que terá como ementa: empada, kapusta (carne com repolo) e iogurte, por um preço de 10?. Reserva ligando no 622.545.490 ou bem, escreve-nos: centrosociallume@gmail.com

* Terça-feira dia 24 às 20h30, Beinstein falará das "Perspetivas da crise capitalista e o combate popular".

Agardamos a vossa presença nestas jornadas revolucionárias, estades todas convidadas!
Segue lendo, poderas ler umha breve biografia de Casanueva e Beinstein:

Full story »