CENTROS SOCIAIS:

Fundaçom Artábria.
http://www.artabria.net/

A Gentalha do Pichel.
http://agal-gz.org/blogues/index.php/gent/

Gomes Gaioso.
http://agal-gz.org/blogues/index.php/csggaioso/

Baiuca Vermelha.
http://agal-gz.org/blogues/index.php/baiuca/

LÍNGUA:

Associaçom Galega da Língua.
http://www.agal-gz.org/modules.php?name=Sections

DESPORTOS:

Siareir@s Galeg@s.
http://www.siareirasgalegas.org/principal.php?pag=inic

No Centro Social Lume! poderás atopar à venda diverso material próprio e doutras organizaçons: camisolas, cuncas, colantes, livros, calendários, agendas, teses, vozeiros, etc.
Achega-te ao Centro Social para adquirir qualquer material da nossa loja virtual e muito mais!

Dentro do Centro Social LUME!, além de propor as tuas atividades e ajudar-te ao seu cumprimento e desenvolvimento, poderás atopar um sítio de leitura, formaçom e lazer.

Temos serviço de bar, café e petiscos caseiros. Projetor para ver filmes e documentais, umha biblioteca em constante expansom, diverso material à venda e boa música.

Tanto o Coletivo Lume! como as outras organizaçons que trabalham no Centro Social, realizamos palestras e foros de debate com o objetivo de formamo-nos e debater sobre ideias, problemas ou realidades concretas de todo o que nos rodeia.

Animamos a todos e todas a participar do nosso projeto, a formar o vosso próprio curso, criar a vossa própria Comissom de Trabalho, participar na rede de intercambio de livros, organizar jantares, festas ou ceias, pôr em definitiva, um pequeno grau de areia para o nosso projeto popular, em parámetros independentistas, socialistas e feministas.

Rua Rouxinol 16, rés-do-chao. Vigo, Galiza.
Horário de abertura: terças a sextas-feiras de 18h a encerramento.

Correo-e: centrosociallume@gmail.com

Visita Google Maps!

Quem somos?

O Coletivo Lume! é umha Associaçom formada por sócios e sócias e aberta à participaçom de qualquer pessoa do povo trabalhador galego. Nascimos em agosto de 2010 a raiz do esforço de diversas pessoas do movimento independentista, socialista, e cultural viguês. O nosso trabalho enquadra-se na comarca de Vigo em geral e no bairro popular do Calvário em particular. Neste último sitúa-se o Centro Social LUME! Que inaugurou o seu espaço o 27 de novembro de 2010.

Definimos o nosso Centro Social como comunista. Formamos parte da esquerda independentinta, mais concretamente do projeto político do Movimento de Libertaçom Nacional Galego (MLNG). Portanto, fazemos trabalho social sem ánimo de lucro e para a maioria social do povo trabalhador viguês, estabelecendo um espaço de formaçom cultural, política e social alternativo, afastado do pensamento individualista e consumista ao que nos condena o capitalismo.

O Coletivo LUME!, como associaçom encarregada de gestionar e administrar o Centro Social, temos por objetivos difundir a cultura e a tradiçom popular galega, normalizar a nossa língua mantendo um espaço totalmente monolingüe, recuperar a memória e a experiência de luita da nossa classe: a classe trabalhadora; organizar cursos, fomentar a auto-organizaçom das nossas sócias e sócios e das trabalhadoras; ser um espaço aberto para os movimentos sociais, associaçons vicinais e, sobretodo, sermos um ponto de encontro onde falar, debater e intercambiar ideias, experiências e atitudes. Para todo isto, destinamos os nossos esforços à realizaçom de atividades de diversa índole.

Que fazemos?

Dentro do Centro Social Lume! realizamos distintas e variadas atividades. Estas vam destinadas à recuperaçom da nossa língua e da nossa cultura nacional e de classe, à consecuçom dumha nova ética onde a solidariedade e o pensamento coletivo sejam os instrumentos para enfrentarmo-nos ao egoísmo e consumismo capitalista. Aliás, o objetivo destas atividades e fomentar a participaçom e criatividade de todas as pessoas que de forma voluntária queiram participar no nosso projeto.

Assim, a nossa semana de atividades está cheia de cursos: música (gaita, pandeireta), idiomas (iniciaçom à língua galega e francessa), arte (obradoiro de poesia, expressom oral e corporal, artesania em barro), etc... Como Coletivo consciente, galego, socialista e feminista, estamos dispostos e dispostas a colaborar com outras organizaçons galegas, obreiras e de mulheres. Realizamos jornadas pola nossa língua, informamos, reflexionamos e debatemos sobre os problemas concretos da nossa cidade (AVE, sanidade, gasto militar...), nacionais ou internacionais. Colaboramos com o feminismo e reivindicamos os direitos LGTB. Videos, exposiçons, etc, servem de difusom e recuperaçom da luita obreira.

Mas além disto, o Centro Social Lume! está aberto a todas e todos @s que queiram colaborar, formar a sua própria Comissom de Trabalho (ecologista, montanheira, cultural, educativa, desportiva, etc.). E também, estamos à disposiçom de realizaçom de aniversários, jantares, ceias, festas, etc...