Ontem, 29 de Setembro, O Facho começou de novo a sua andaina de palestras para o período 2009-10 com a charla de Xavier P. Do Campo sobre os argumentos esgrimidos na actual cruzada contra a Língua Galega encetada por Alberto Feijoo, conhecido também como Alberto Habichuela submisso servidor dos interesses políticos da Vila e Cortes.

Numha exposiçom distendida e amena enumerou as distintas perversidades e parvadas que enunciam para tentar justificar a sua política etnocida contra a Língua e Cultura galegas, desde as mais comuns até as mais requintadas. Nom lhes basta só com financiar a entidades que perseguem a Língua Galega com fundos criados para a promover, exemplo bem expressivo som os mais de 1.000 milhons de pesetas ( mais de 6.000.000,.- €) entregados à patronal galega para o fomento da Língua Galega, quando esta mesma (Clube Financeiro de Vigo) se pronuncia abertamente e com publicidade contra o galego, e já nom comentemos as subvençons percebidas polos médios de comunicaçom impressos.

A prepotência deste neo-fascismo é tal, que hoje tanto a rádio como a televisom pública galega criadas para fomentar e prestigiar o uso da nossa Língua, o castelá aparece cada vez ocupando maior espaço arrumando assim, como quem nom quere a cousa, ao galego à borralheira.

Agrupaçom Cultural O Facho
Frederico Tápia 12-1º
15011 A Corunha

A Agrupaçom Cultural O Facho de A Corunha convida-o assistir aos seus ciclos de palestras públicas do período 2009-10

Palestra

O dia 29 de Setembro, terça-feira (martes), A Agrupaçom Cultural O Facho enceta as suas actividades do período 2009-10 com a palestra “O governo Opus/P.P. e a sua política etnocida contra a Língua Galega” dentro do ciclo “Língua, Literatura e Naçom”. A conferencia correrá a cargo do reconhecido escritor Xabier P. Docampo.

Xabier Docampo é mestre, escritor, conta-contos, actor e director de teatro, guionista... mas o que lhe pode definir é de ser um dos bons e generosos que canta o nosso Hino, dado que a sua existência esta marcada pola defesa da nossa Língua e Cultura. O seu livro “Cando petan na porta pola noite” está considerada como umha das cem melhores obras do século XX publicada no Estado espanhol. A sua obra “A casa da luz” foi levada ao cinema. Xabier Docampo fizo-se escritor porque tem memória de si e dos seus, e com esta actividade obtivo inumeráveis prémios, tanto no País como fora do mesmo.

Acto:
Dia: 29 de Setembro - Hora: 8 do serám
Local: Fundaçom Caixa Galicia
Cantom Grande – A Corunha

J. Alberte Corral Iglesias
Secretário d’O Facho