O dia 27 de Abril, terça, o Professor e Doutor pola Universidade de S. Paulo, Ulisses Infante, compartilhou, dentro do ciclo “Língua, Literatura, e Naçom” organizado pola nossa associaçom, sobre os ecos da lirica medieval galego-portuguesa na cançom brasileira de hoje e ontem. Fazendo uso das novas técnicas informáticas os pressentes pudemos analisar através de textos a forte presença da lírica medieval galega no dizer poético brasileiro. E como os compositores mais salientáveis (Chico Buarque, Caetano Veloso, etc..) conhecem em profundidade a nossa poética medieval e fam uso da mesma para as suas composiçons. O tempo ficou cativo dado o interesse dos assistentes ante a palestra do professor Ulisses.

Agrupaçom Cultural O Facho
Frederico Tápia 12-1º
15011 A Corunha

A Agrupaçom Cultural “O Facho” d’A Corunha convida-o assistir aos seus ciclos de palestras publicas e abertas do período 2009-10.

Palestra:

O vindouro 27 de Abril, o Doutor em literatura brasileira pola Universidade de São Paulo, Ulisses Infante, falará dentro do Ciclo, Língua, Literatura e Naçom. A sua charla versará sobre: "A canção brasileira: dos ecos da Galiza aos retratos do país"

Ulisses Infante é autor de umha importante obra de livros didácticos para o estudo da Língua com grande reconhecimento nos diversos eidos da Cultura em língua portuguesa, entre os seus títulos podemos salientar:
Curso de gramática aplicada aos textos,
Curso de literatura de língua portuguesa,
Do texto ao texto: leitura e produção de textos
Textos: leituras e escritas
Interpretação da poesia, Fernando Pessoa

Actualmente é Professor-leitor de Língua portuguesa, cultura e literatura do Brasil na Universidade de Santiago.


Dia: 27 de Abril 2010 - Hora: 8 do serám
Local: Fundaçom Caixa Galiza
Cantom Grande 21-24 – A Corunha

J. Alberte Corral Iglesias
Secretário d’O Facho

Com umha sala ateigada de público, o advogado e político, Joám A. Peres-Lema, compartilhou com os assistentes sobre a nefasta política levada a cabo neste último ano por Feijoo e os seus “mariachis”, que conduz ao nosso País a umha desfeita económica e social. Para o conferenciante todo o quefazer do governo do P.P. só tem como piares desbotar a construçom de umha economia assentada nas forças produtivas de País para lha entregar às redes madrilenas de captaçom dos recursos públicos, (ilustrou-no com o contrato milionário entregado a umha sobrinha do actual tesoureiro do P.P. Romai Beccaria, o contrato do Jacobeo para umha empresa do porta vozz do governo neocom de Asnar, etc.)
Ao findar a sua exposiçom houvo um colóquio com grande participaçom dos assistentes.

Com umha sala de interessado público, o director do Xornal de Galicia, José Luís Gómez, reflexionou sobre o uso que se lhe dá ao idioma próprio da Galiza na meirande parte dos Médios, sobre todo, no actual contexto de conflito lingüístico que se está a viver nos últimos meses. Para o palestrista, hoje no nosso País “já nom só há que falar de prensa e galego, senom também, da prensa e do galego”, em referencia ao uso e defesa que fam da língua alguns médios de comunicaçom.
A sua exposiçom sobre a corrupçom financeira e moral que existe por parte da Junta de Galiza com os “mass média” é tal que se manifesta numha diabólica burla: que os médios que mais cobram com cargo aos orçamentos destinados á normalizaçom lingüística som os que menos galego publicam e os que menos a defendem, quando nom som esses mesmos médios os veículos de ataque para com a nossa Língua.
Mostrou com dados irrefutáveis como o galego só ocupa o 10% do tempo total das rádios e das televisons privadas e do espaço dos periódicos galegos, e isso sendo generosos.
Ao findar a sua exposiçom houvo um colóquio com grande participaçom dos assistentes.

Agrupaçom Cultural O Facho
Frederico Tápia 12-1º
15011 A Corunha

A Agrupaçom Cultural O Facho de A Corunha convida-o assistir aos seus ciclos de palestras públicas do período 2009-10

Palestra

O dia 6 de Abril, terça (martes), participará dentro do ciclo “Língua, Literatura e Naçom” o jornalista e ensaísta, José Luís Gómez Gómez. A sua palestra versará sobre “ Galego e Médios de Comunicaçom”, na mesma analisara-se o uso que fam os Médios de Galiza da Língua Galega, tanto em prensa, radio como televisom.
José Luís Gómez Gómez é fundador do diário de papel e de Xornal.com. Trabalhou como redactor, chefe de secçom, redactor-chefe e director do diário A Voz de Galícia entre 1982 e 1999. Foi director de Coordenaçom de Publicaçons e de Comunicaçom de Grupo Zeta, até 2003 onde se tinha incorporado, em 1999, como director editorial da Divisom de Imprensa Diária. Foi chefe da Secçom de Economia e coordenador do suplemento Economia e Finanças da Voz de Galícia, entre 1987 e 1995. Nos anos 98 e 99 exerceu como director editorial do Grupo Voz, ao que entom pertenciam quatro jornais e a emissora Radiovoz. Foi conselheiro da Voz de Galícia, A Voz de Baleares, Atlas Galícia e Xornal Galinet
No plano académico, dirigiu um curso da UIMP (1998) sobre o sector da comunicaçom e foi professor do Master em Jornalismo da Universidade da Corunha, assim como membro da Comissom de Meios de Comunicaçom da Fundaçom de Ajuda contra a Drogadiçom (2002-03). Também é autor dos livros dos quais sublinhamos: A vueltas con España, Galícia ante la CEE, Economía de las Comunidades Autónomas. Galicia.

Dia: 6 de Abril 2010 - Hora: 8 do serám
Local: Fundaçom Caixa Galiza
Cantom Grande – Corunha

J. Alberte Corral Iglesias
Secretário d’O Facho