Agrupaçom Cultural O Facho
Rua: Frederico Tápia 12-1º
15005 A Corunha

** F A C H O D E O U RO **

A Directiva da Agrupaçom Cultural O Facho decidiu entregar o Facho de Ouro do 2012 ao homem de bem, teólogo e historiador, Francisco Carballo Carballo, como mostra de reconhecimento a toda umha vida dedicada à cultura do País e ao povo galego.

Francisco Carballo é hoje um facho referente, tanto no eido da investigaçom histórica como pola sua entrega à dinamizaçom cultural da Galiza. No ano 1973 assenta-se em Vigo exercendo de professor na Escola Universitária de Magistério. Foi assim mesmo um dos fundadores do semanário A Nosa Terra em 1977 e um colaborador constante na mesma. Actualmente os seus trabalhos podem-se ler n'A Trabe de Ouro e em Encrucillada.
A sua vez, participou na dinamizaçom cultural levada a cabo pola desaparecida “Associaçom Cultural de Vigo” da qual foi o seu presidente. Igualmente tomou parte mui activa do movimento vicinal dessa cidade.

Como já é tradicional na entrega dos Fachos de Ouro, o derradeiro sábado do mês de Janeiro celebrara-se n'A Corunha a ceia-homenagem a sua pessoa.

Para que conste.
Na cidade d'A Corunha, a 15 de Novembro do 2011

A Junta Directiva da A.C. O Facho

Findando a primeira jeira de palestras do actual período 2011-12, a conhecida advogada Luz Canal Paz intervéu dentro do ciclo, Economia, História, e Realidade Social”, com a sua palestra intitulada “Língua Galega e Advocacia” .

Canal Paz na sua dissertaçom e posterior colóquio mostrou os grandes atrancos que ainda tem hoje por hoje o uso da Língua própria da Galiza, o galego, nos eidos jurídicos. Nom só polas posturas ideológicas da maioria dos advogados senom também polo posicionamento da judicatura com respeito a nossa Língua. E isso se contar com a grande carência de material jurídico para poder levar a cabo de um jeito cómodo a funçom da advocacia, dado que os distintos Colégios de advogados do País virám costas para o uso do idioma galego.

Ao remate da sua exposiçom houvo um interessante colóquio.

Agrupaçom Cultural O Facho
Rua: Frederico Tapia 12-1º-C
15005 A Corunha

A Agrupaçom Cultural O Facho de A Corunha convida-o assistir aos seus ciclos de palestras públicas do período 2011-12

Palestra


O vindouro dia 13 de Dezembro, terça-feira (martes), a conhecida advogada Luz Canal Paz intervirá dentro do ciclo, Economia, História, e Realidade Social”, com a sua palestra intitulada “Língua Galega e Advocacia”

Canal Paz é umha das mais reconhecidas penalistas do País, assim como umha conhecida e respeitada feminista. Forma parte da Associaçom Justiça e Sociedade de Galiza e membro activo do Movimento Progressista do Direito, que involucra a diferentes Associaçons como a Associaçom Juízes para a Democracia ou Fiscais Progressistas. Assim mesmo foi co-fundadora da Agrupaçom de Advogados Moços de Galiza, na década dos 80. Actualmente é a presidenta da associaçom “Mulheres Juristas de Galiza”, também forma parte da actual directiva do Foro Cívico. É bem conhecido o seu compromisso cívico e solidário com América Latina e Palestina, formando parte do COSAL (Comité de Solidariedade com América Latina) e da Associaçom Galiza por Palestina.

Dia: 13 de Dezembro 2011 - Hora: 8 do serám
Local: Fundaçom Caixa Galiza
Cantom Grande – A Corunha

J. Alberte Corral Iglesias
Secretário d’O Facho

Todas as conferências anteriores estám: http://agal-gz.org/blogues/index.php/ofacho/

O engenheiro e economista Joám Lopes Facal intervéu dentro do ciclo, Economia, História, e Realidade Social, organizado pola nossa Associaçom. A sua exposiçom intitulada: “Gz-2011. Umha avaliaçom” tivo lugar o passado dia 29 Novembro.

Lopes Facal ilustrou a sua ricaz palestra com significativos gráficos elaborados com dados recentes tanto da economia europeia, espanhola, como galega que fôrom expostos na ecrám para facilitar umha melhor compreensom da situaçom da economia galega à cidadania pressente na conferência. Assim mesmo, quales teriam que ser os eixos para construir umha política eficaz de exportaçom e industrializaçom.

Como sempre ao findar a descriçom o conferenciante mantivo um mui interessante colóquio com o público assistente.